نائب وزیراعظم اسحاق ڈار کا ایرانی وزیر خارجہ سے رابطہ، اسرائیلی حملے کی مذمت
اشاعت کی تاریخ: 13th, June 2025 GMT
نائب وزیراعظم اور وزیر خارجہ اسحاق ڈار نے ایران کے وزیر خارجہ سے ٹیلی فون پر رابطے میں اسرائیل کے تہران پر حملوں کو بین الاقوامی قوانین کی خلاف ورزی قرار دیا ۔
اسلام آباد میں دفتر خارجہ سے جاری بیان کے مطابق پاکستانی نائب وزیراعظم اسحاق ڈار نے ایرانی وزیر خارجہ عباس عراقچی سے گفتگو میں اسرائیلی حملے کی مذمت کی ۔
بیان کے مطابق پاکستان کے ڈپٹی وزیراعظم اور وزیر خارجہ نے اسرائیلی حملوں سے ایران میں قیمتی جانی نقصان پر اپنے ملک کی جانب سے تعزیت کا اظہار کیا۔
بیان میں کہا گیا ہے کہ ٹیلی فون کال کے دوران پاکستان کے نائب وزیراعظم نے ایرانی وزیر خارجہ سے کہا کہ ’اقوام متحدہ کے چارٹر اور بین الاقوامی قانون کی مکمل خلاف ورزی کرتے ہوئے اسلامی جمہوریہ ایران کے خلاف صریح اسرائیلی جارحیت کی مذمت کرتے ہیں۔‘
انہوں نے ’خطے میں امن و استحکام کے حصول کے لیے ایران کی حکومت اور عوام کے لیے پاکستان کی بھرپور حمایت کا اعادہ کیا۔‘
اس سے قبل جمعے کی دوپہر پاکستان کے وزیراعظم شہباز شریف نے ایران پر اسرائیلی حملے کی مذمت کرتے ہوئے کہا تھا کہ ’یہ سنگین اور غیر ذمہ دارانہ اقدام انتہائی تشویشناک ہے۔‘
ذریعہ
ذریعہ: Daily Mumtaz
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار