امریکہ کی مدد کے بغیر اسرائیل کی بربریت ناممکن ہے، مولانا ارشد مدنی
اشاعت کی تاریخ: 14th, June 2025 GMT
جمعیۃ علماء ہند کے صدر نے کہا کہ اسرائیل نے جسطرح ایران کی ایٹمی تنصیبات اور رہائشی علاقوں کو نشانہ بنایا ہے، وہ اقوام متحدہ کے چارٹر اور بین الاقوامی قوانین کی صریح خلاف ورزی ہے۔ اسلام ٹائمز۔ جمعیۃ علماء ہند کے صدر مولانا ارشد مدنی نے اسرائیل کی جانب سے ایران پر کئے گئے حالیہ حملوں کی شدید مذمت کرتے ہوئے انہیں "ریاستی سرپرستی میں دہشت گردی" قرار دیا۔ انہوں نے امریکہ پر اسرائیل کو حمایت دینے کا الزام لگایا اور مسلم ممالک سے اتحاد و یکجہتی کی اپیل کی۔ مولانا ارشد مدنی نے غزہ میں جاری پُرتشدد کارروائیوں پر بھی شدید تشویش کا اظہار کیا اور عالمی برادری سے فوری مداخلت کی اپیل کی۔ مولانا ارشد مدنی نے کہا کہ اسرائیل نے جس طرح ایران کی ایٹمی تنصیبات اور رہائشی علاقوں کو نشانہ بنایا ہے، وہ اقوام متحدہ کے چارٹر اور بین الاقوامی قوانین کی صریح خلاف ورزی ہے۔ ان کا کہنا تھا کہ اسرائیل کی جارحانہ پالیسی امریکہ اور مغربی طاقتوں کی سرپرستی کے بغیر ممکن نہیں۔
انہوں نے امریکہ کو "اسلحے کا سوداگر" اور "انسانیت کا دشمن" قرار دیتے ہوئے الزام لگایا کہ امریکہ ان تمام مسلم ممالک کو نشانہ بنا رہا ہے جو خود کفیل بننے اور اپنی دفاعی صلاحیت کو مضبوط کرنے کی کوشش کر رہے ہیں۔ مولانا ارشد مدنی نے کہا کہ پہلے عراق کو خود مختاری کی سزا دی گئی اور اب ایران کو نشانہ بنایا جا رہا ہے کیونکہ وہ بھی اپنے دفاعی شعبے کو مضبوط بنانے کی سمت بڑھ رہا تھا۔ اسرائیل کی نیت بالکل واضح ہے کہ جو بھی ملک اس کی دھونس کے خلاف کھڑا ہو، اسے تباہ کر دو لیکن یہ سب کچھ امریکہ کی کھلی مدد کے بغیر ممکن نہیں ہے۔
مولانا مدنی نے سعودی عرب کی طرف سے اسرائیلی حملے کی مذمت کو خوش آئند قرار دیا اور کہا کہ یہ مسلم دنیا میں اتحاد کی سمت ایک مثبت قدم ہے۔ انہوں نے خبردار کیا کہ اگر اسرائیل کو نہ روکا گیا تو اس کی جارحیت پورے خطے کو جنگ کی آگ میں جھونک سکتی ہے۔ مولانا مدنی نے غزہ میں جاری قتل و غارت کا ذکر کرتے ہوئے امریکہ کو براہ راست ذمہ دار ٹھہرایا۔ انہوں نے کہا کہ امریکہ نہ صرف غزہ میں جاری تباہی اور نسل کشی کی حمایت کر رہا ہے بلکہ اس کی نیت یہ ہے کہ غزہ کو خالی کروا کر وہاں یہودی بستیاں بسائی جائیں۔ ان کے مطابق یہ تاریخ کی بدترین نسل کشی ہے، جو امریکہ کے اشارے پر انجام دی جا رہی ہے۔
مولانا ارشد مدنی نے دوہرے معیار کی سخت الفاظ میں مذمت کی اور کہا کہ امریکہ ایک طرف غزہ میں اسرائیل کی پُرتشدد کارروائیوں کی حمایت کرتا ہے اور دوسری طرف ایران پر حملوں میں بھی اسے حمایت فراہم کرتا ہے۔ انہوں نے مسلم ممالک اور انصاف پسند عالمی طاقتوں سے اپیل کی کہ وہ اس نازک وقت میں متحد ہو جائیں۔ انہوں نے کہا کہ جب غزہ ہماری آنکھوں کے سامنے تباہ ہو رہا ہے اور آزاد ممالک پر کھلے عام حملے ہو رہے ہیں، تو پوری مسلم دنیا اور عالمی انصاف پسند قوتوں کو خاموش نہیں رہنا چاہیئے۔ انہوں نے زور دے کر کہا کہ یہ وقت صرف بیانات دینے کا نہیں، بلکہ مشترکہ محاذ بنا کر عملی جواب دینے کا ہے۔
ذریعہ: Islam Times
کلیدی لفظ: مولانا ارشد مدنی نے اسرائیل کی نے کہا کہ کو نشانہ انہوں نے رہا ہے
پڑھیں:
مولانا فضل الرحمان نے مریم نواز کی جانب سے ائمہ کرام کو ماہانہ وظیفے دینے کا فیصلہ مسترد کردیا
جمعیت علمائے اسلام (ف) کے سربراہ مولانا فضل الرحمان نے وزیر اعلیٰ پنجاب مریم نواز کی جانب سے ائمہ کرام کو ماہانہ وظیفہ دینے کے فیصلے کو یکسر مسترد کردیا ہے۔
چناب نگر میں ختم نبوت کانفرنس سے خطاب کرتے ہوئے مولانا فضل الرحمان کا کہنا تھا کہ انہیں کچھ خیر کی توقع تھی کہ شاید پی ڈی ایم کی تحریک سے وابستہ مسلم لیگ ن عقل سے کام لے گی۔
انہوں نے افسوس کا اظہار کیا کہ آج بھی مساجد کے ائمہ کو 10 ہزار روپے سے خریدنے کی کوشش کی جارہی ہے۔
یہ بھی پڑھیں:
مولانا فضل الرحمان نے وزیر اعلیٰ پنجاب کا نام لیے بغیر کہا کہ محترمہ جان لو کہ یہ تجربہ خیبر پختونخوا میں ہوا تھا اور 6 سات سال پہلے اس وقت بھی 10 ہزار روپے تھے۔
انہوں نے استفسار کرتے ہوئے کہا کہ آج بھی مولوی کے لیے وہی 10 ہزار روپے ہیں۔
’کچھ شرم آنی چاہیے، یہ 10 ہزار روپیہ اس اسٹیج سے میں پورے مکاتب فکر اور تمام مدارس کی طرف سے آپ کے منہ پر مارتا ہوں۔‘
مزید پڑھیں:
مولانا فضل الرحمان کا کہنا تھا کہ تمام مدارس اس کے اساتذہ، مہتم، طالبعلم سمیت تمام مساجد ان کے خطیب اور امام سب کی پہچان غیرت اور خودداری ہے۔
انہوں نے کہا کہ مدارس اور علما کرام کسی حکومتی امداد یا سرپرستی کی محتاج نہیں۔
’ہم نے ہمیشہ اپنا دینی و تعلیمی نظام بغیر سرکاری پیسے اور مداخلت کے چلایا ہے، اور آئندہ بھی اسی طرح چلائیں گے۔‘
انہوں نے واضح طور پر کہا کہ دینی مدارس کے معاملات میں کسی قسم کی سیاسی یا سرکاری مداخلت کسی صورت قبول نہیں کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب تحریک ختم نبوت چناب نگر خیبرپختونخوا مولانا فضل الرحمان وزیر اعلی
لیبیا کشتی حادثے میں ملوث 2 ملزمان کو بیس بیس سال قید بامشقت اور 14لاکھ روپے جرمانے کی سزا