‘تہران کے 3 لاکھ لوگ شہر چھوڑ جائیں’، ٹرمپ کے بعد اسرائیل نے بھی دھمکی دے دی
اشاعت کی تاریخ: 17th, June 2025 GMT
اسرائیل نے ایران کے دارالحکومت تہران کے وسطی علاقے میں رہنے والے لاکھوں افراد کو فوری طور پر علاقہ خالی کرنے کی ہدایت جاری کی ہے، کیونکہ ایران پر اسرائیلی فضائی حملوں کا دائرہ بڑھتا جا رہا ہے۔ یہ پیش رفت ایران اور اسرائیل کے درمیان شدت اختیار کرتے تنازعے کے چوتھے روز سامنے آئی ہے۔
ایرانی سرکاری ٹی وی کی ایک اینکر اس وقت لائیو نشریات کے دوران اسٹوڈیو سے بھاگ گئیں جب بمباری کے دوران ایران کے سرکاری نشریاتی ادارے کے ہیڈکوارٹر کو نشانہ بنایا گیا۔
امریکی صدر ڈونلڈ ٹرمپ نے پیر کے روز اپنے سوشل میڈیا پلیٹ فارم پر ایک سخت پیغام جاریکرتے ہوئے تہران سے شہریوں کو فوری انخلا کی تاکید کی گئی تھی۔ ’ایران کو ایٹمی ہتھیار حاصل کرنے کی اجازت نہیں دی جا سکتی۔ سب کو فوراً تہران خالی کر دینا چاہیے۔‘
یہ بھی پڑھیں:جی7 اجلاس میں صدر ٹرمپ کا غیر متوقع قدم، جنگ بندی کی کوشش یا نئی کشیدگی؟
یہ انتباہ تہران کے اس مرکزی حصے پر اثرانداز ہوا جہاں سرکاری ٹیلی ویژن، پولیس ہیڈکوارٹر اور دیگر اہم عمارتیں واقع ہیں، اور جہاں تقریباً 3 لاکھ 30 ہزار افراد مقیم ہیں۔ اسرائیلی فوج اس سے قبل بھی غزہ اور لبنان میں حملوں سے قبل شہریوں کو انخلا کے مشورے دیتی رہی ہے۔
ادھر امریکی ذرائع کے مطابق واشنگٹن اور تہران کے درمیان اس ہفتے ایک ممکنہ ملاقات پر بات چیت جاری ہے، جس کا مقصد ایٹمی معاہدے کی بحالی اور اسرائیل-ایران جنگ بندی پر تبادلہ خیال کرنا ہے، میڈیا رپورٹس کے مطابق امریکی ایلچی اسٹیو وٹکوف اور ایرانی وزیر خارجہ عباس عراقچی کے درمیان ملاقات کی تجویز زیر غور ہے۔
صدر ڈونلڈ ٹرمپ جی7 سربراہی اجلاس اچانک چھوڑ کر پیر کے روز ایک دن قبل ہی کینیڈا سے روانہ ہو گئے، ایسے وقت میں جب اسرائیل اور ایران کے درمیان کشیدگی شدید تر ہو چکی ہے اور امریکی صدر تہران سے فوری انخلا کا اعلان کر چکے ہیں۔
مزید پڑھیں:ایران اسرائیل جنگ میں مداخلت کی تو امریکی اڈے نشانہ بنیں گے، عراقی حزب اللہ کی امریکا کو دھمکی
یہ سربراہی اجلاس عالمی بحرانوں کو کم کرنے کے لیے بلایا گیا تھا، تاہم ایران کے جوہری پروگرام پر تنازعہ نے اجلاس کی فضا کو تلخ بنا دیا، جو کہ مزید بگاڑ کا سبب بن سکتا ہے، واضح رہے کہ اسرائیل نے 4 روز قبل ایران کے خلاف فضائی بمباری کی مہم کا آغاز کیا تھا۔
اجلاس کے دوران صدر ٹرمپ نے خبردار کیا کہ تہران کو اپنے جوہری پروگرام پر قابو پانا ہوگا، اس سے پہلے کہ بہت دیر ہو جائے, ان کا کہنا تھا کہ ایرانی رہنما مذاکرات کے خواہش مند ہیں لیکن انہیں معاہدے کے لیے 60 دن دیے گئے تھے اور وہ اس مدت میں کوئی فیصلہ نہ کر سکے، جس کے بعد اسرائیلی حملے شروع ہوئے۔ ’انہیں معاہدہ کرنا ہوگا۔ ‘
جب اُن سے پوچھا گیا کہ امریکا اس تنازعے میں کب فوجی طور پر شامل ہو سکتا ہے، تو صدر ٹرمپ نے کہا کہ وہ اس پر بات نہیں کرنا چاہتے۔
وائٹ ہاؤس کے مطابق، مشرقِ وسطیٰ میں تعینات امریکی افواج دفاعی پوزیشن پر ہیں جس میں کوئی تبدیلی نہیں آئی، وائٹ ہاؤس کے ترجمان ایلکس فائفر نے سوشل میڈیا پر جاری بیان میں کہا کہ ہم امریکی مفادات کا دفاع کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امریکا امریکی صدر ایران تہران جوہری پروگرام جی7.ذریعہ: WE News
کلیدی لفظ: اسرائیل امریکا امریکی صدر ایران تہران جوہری پروگرام کے درمیان ایران کے تہران کے
پڑھیں:
ڈونلڈ ٹرمپ کی دھمکی، بھارت نے روس سے تیل کی خریداری روک دی
امریکی صدر ڈونلڈ ٹرمپ کی دھمکی کے بعد بھارتی آئل کمپنیوں نے روس سے تیل کی خریداری روک دی ہے۔
برطانوی خبر رساں ایجنسی رائٹرز کے مطابق روسی خام تیل پر دی جانے والی رعایتوں میں کمی اور سابق امریکی صدر ڈونلڈ ٹرمپ کی دھمکی کے بعد بھارت کی سرکاری ریفائنریز نے روس سے تیل کی خریداری روک دی ہے۔
یہ بھی پڑھیں: ٹرمپ کی بھارت کو 25 فیصد ٹیرف کی دھمکی، تجارتی معاہدے پر دباؤ میں اضافہ
روس سے سمندری راستے آنے والے تیل کی سب سے بڑی خریدار بھارت ہے، جو دنیا کا تیسرا بڑا تیل درآمد کرنے والا ملک بھی ہے۔ تاہم جولائی میں روسی خام تیل پر دی جانے والی رعایتیں کم ہوگئی ہیں اور بھارتی سرکاری ریفائنریز اب متبادل کے طور پر مشرقِ وسطیٰ اور مغربی افریقہ کے تیل کی طرف رجوع کررہی ہیں۔
ان ریفائنریز میں انڈین آئل کارپوریشن، ہندوستان پیٹرولیم، بھارت پیٹرولیم اور منگلور ریفائنری اینڈ پیٹروکیمیکل لمیٹڈ شامل ہیں، ان اداروں نے گزشتہ ہفتے روسی خام تیل کے لیے کوئی آرڈر نہیں دیا۔
چاروں ریفائنریز روسی تیل عام طور پر ’ڈیلیورڈ بیسز‘ پر خریدتی تھیں، مگر اب یہ ادارے اس کی جگہ ابوظہبی کا ’مربان کروڈ‘ اور مغربی افریقی تیل جیسے متبادل گریڈز کی خریداری کررہے ہیں۔
یہ بھی پڑھیں: ٹرمپ نے روس کو یوکرین جنگ ختم کرنے کے لیے 10 سے 12 دن کی مہلت دی
دوسری جانب بھارت میں پرائیویٹ سیکٹر کی ریفائنریز، جن میں ریلائنس انڈسٹریز اور نایارا انرجی شامل ہیں، روسی تیل کی سب سے بڑی خریدار بنی ہوئی ہیں، لیکن مجموعی طور پر ملک کی تیل ریفائننگ گنجائش کا 60 فیصد سے زائد حصہ سرکاری اداروں کے پاس ہے۔
خیال رہے کہ 14 جولائی کو سابق امریکی صدر ڈونلڈ ٹرمپ نے خبردار کیا تھا کہ اگر روس نے یوکرین سے متعلق کوئی بڑا امن معاہدہ نہ کیا تو وہ روسی تیل خریدنے والے ممالک پر 100 فیصد ٹیرف (محصولات) عائد کردیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بھارت تیل خریداری ڈونلڈ ٹرمپ روس
ملک کے موجودہ حالات میں تمام اداروں کو اپنا اپنا کردار ادا کرنا ہوگا، چوہدری پرویز الٰہی