نہ پہلے کبھی اور نہ اب وائٹ ہاؤس کے دروازے پر جاکر گڑگڑائیں گے؛ ایران
اشاعت کی تاریخ: 18th, June 2025 GMT
امریکی صدر نے کہا تھا کہ ایران نے وائٹ ہاؤس میں ملاقات کرنے کی درخواست کی ہے تاہم ایران نے اس دعوے کی تردید کردی۔
عالمی خبر رساں ادارے کے مطابق اقوامِ متحدہ میں ایرانی مشن نے صدر ڈونلڈ ٹرمپ کے اس دعوے کو جھوٹا قرار دیتے ہوئے مسترد کردیا۔
اقوام متحدہ میں ایرانی مشن نے بیان میں کہا کہ ایران کا کوئی بھی نمائندہ کبھی وائٹ ہاؤس کے دروازے پر جا کر نہیں گڑ گڑایا۔
یہ خبر پڑھیں : ایران کو بتا دیا، اب بہت دیر ہوچکی بات چیت کا کوئی فائدہ نہیں، ٹرمپ
ایرانی مشن کا کہنا ہے کہ ٹرمپ کے اس جھوٹ سے زیادہ قابلِ نفرت چیز ان کا سپریم لیڈر کو قتل کرنے کی دھمکی دینا ہے۔
اقوامِ متحدہ میں ایرانی مشن نے بیان میں کہا ہے کہ ایران دھمکی کا جواب دھمکی سے اور ہر اقدام کا ویسا ہی جواب دے گا۔
یہ خبر بھی پڑھیں : ایران کیخلاف اسرائیل کی فوجی مدد کرنے کا سوچے بھی نہیں؛ روس نے امریکا کو خبردار کردیا
یاد رہے کہ امریکی صدر ڈونلڈ ٹرمپ نے کہا کہ ایران نے اسرائیل سے جنگ بندی کے لیے وائٹ ہاؤس میں بات چیت کی درخواست کی ہے۔
صدر ٹرمپ کے بقول جس پر انھوں نے ایران پر واضح کردیا کہ بات چیت کا وقت اب گزر گیا۔ ایران کو دو ہفتے قبل بات چیت کرنی چاہیے تھی۔
.
ذریعہ
ذریعہ: Express News
کلیدی لفظ: ایرانی مشن وائٹ ہاو س بات چیت
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی