اماراتی حکومت کا نئے ہجری سال پر سرکاری چھٹی کا اعلان
اشاعت کی تاریخ: 19th, June 2025 GMT
دبئی(نیوز ڈیسک)متحدہ عرب امارات کی حکومت نے نے ہجری سال نو، یعنی نئے اسلامی سال 1447ھ کے موقع پر بروز جمعہ 27 جون 2025 کو سرکاری تعطیل کا اعلان کیا ہے۔
یہ اعلان حکومتی اعلامیے کے ذریعے سامنے آیا ہے جس کے تحت یکم محرم کو تمام سرکاری ادارے بند رہیں گے اور اس طرح ملازمین کو تین دن کا طویل ویک اینڈ (جمعہ، ہفتہ، اتوار) میسر آئے گا جبکہ کام کا باقاعدہ آغاز پیر 30 جون 2025 سے ہوگا۔
اگرچہ عام تعطیل کا اطلاق فی الحال سرکاری اداروں تک محدود ہے لیکن عمومی روایت کے مطابق نجی شعبے میں بھی اسی دن چھٹی دیے جانے کا امکان ظاہر کیا جا رہا ہے۔
عموماً دیکھا گیا ہے کہ یو اے ای میں اکثر و بیشتر سرکاری چھٹیوں پر نجی کمپنیاں بھی عمل کرتی ہیں، اس لیے عام شہری اس تعطیل سے فائدہ اٹھانے کی تیاریوں میں مصروف ہیں۔
یہ چھٹی عیدالاضحیٰ کی لمبی چھٹیوں کے ویک اینڈ کے ساتھ آ رہی ہے جس کی وجہ سے لوگ اسے قیام گاہ پر آرام، مختصر سفر یا اسٹے کیشن کا سنہری موقع قرار دے رہے ہیں۔
دبئی، ابوظہبی اور شارجہ جیسے شہروں میں ہوٹل بُکنگز اور ٹریول پلاننگ میں اضافہ دیکھا جا رہا ہے جبکہ شہری طویل ویک اینڈ کو اہل خانہ کے ساتھ گزارنے کے لیے پُرجوش دکھائی دے رہے ہیں۔
یہ سرکاری اعلان نہ صرف روحانیت کے اعتبار سے اہم ہے بلکہ شہریوں کے لیے ذہنی سکون اور فیملی ٹائم کا ایک قیمتی موقع بھی فراہم کر رہا ہے۔
پٹرولیم مصنوعات کی قیمتوں میں اضافہ، وفاقی حکومت کو نوٹس، جواب طلب
.ذریعہ: Daily Ausaf
پڑھیں:
19 جون کو عام تعطیل کا اعلان، نوٹیفکیشن جاری
کراچی(نیوز ڈیسک)حضرت عبداللہ شاہ غازی کے عرس پر میئر کراچی بیرسٹر مرتضٰی وہاب کا بڑا اقدام، میئر کراچی نے شہر میں 19 جون کو تعطیل کا اعلان کر دیا ۔
جاری نوٹی فکیشن کے مطابق بلدیہ عظمیٰ کراچی کے تمام دفاتر 19 جون کو بند رہیں گے ، سینئر ڈائریکٹر ایچ آر ایم کی جانب سے نوٹی فکیشن جاری کیا گیا۔
بلدیہ عظمیٰ کراچی کی کونسل کی قرارداد کے تحت حضرت عبداللہ شاہ غازی کے سالانہ عرس پر تعطیل کا اعلان کیا گیا۔
سعودی عرب کی ایران پر اسرائیلی جارحیت کی شدید مذمت، اقوام متحدہ سے فوری اقدام کا مطالبہ