چین۔جنوبی ایشیا تعاون فورم، پاکستان اور چین کا ہمہ موسمی تذویراتی شراکت داری کے عزم کا اعادہ
اشاعت کی تاریخ: 20th, June 2025 GMT
چین جنوبی ایشیا تعاون فورم کے چھٹے اجلاس کے موقع پر ایڈیشنل سیکریٹری ایشیا پیسیفک ایمبیسیڈر عمران احمد صدیقی نے چینی نائب وزیرِ خارجہ سن وے ڈونگ سے ملاقات میں عالمی اور علاقائی صورتحال پر تبادلہ خیال کیا۔
دونوں ممالک نے پاک چین ہمہ موسمی تزویراتی تعاون و شراکت داری کے عزم کا بھی اعادہ کیا، فریقین نے تعاون، نئے چیلنجز اور مشترکہ مواقع کے تناظر میں علاقائی استحکام اور خوشحالی کے لیے تذویراتی ابلاغ اور تعاون کی اہمیت پر زور دیا۔
یہ بھی پڑھیں: چینی ماڈل سے متعلق خدشات غلط ثابت، پاکستان چین کے تجربات سے سیکھنا چاہتا ہے، وزیراعظم شہباز شریف
پاکستان اور چین نے اقتصادی راہداری منصوبے سی پیک کے تحت زراعت، کان کنی، انڈسٹریل پارکس، آف شور آئل اینڈ گیس ایکسپلوریشن، ماحولیاتی تحفظ اور باہمی منسلکی کے منصوبوں میں اعلی معیارِ تکمیل برقرار رکھنے کے عزم کا اعادہ کیا۔
ترجمان دفتر خارجہ کے مطابق، یہ منصوبے دونوں ممالک کے حق میں ہیں، دونوں ملکوں کے نمائندوں نے سماجی و معاشی ترقی اور مشترکہ خوشحالی کے لیے منصوبوں پر عمل درآمد کی رفتار تیز کرنے کے عزم کا اظہار بھی کیا، جن میں تھرڈ پارٹی سی پیک منصوبے بھی شامل ہیں۔
مزید پڑھیں: پاکستان کی چین میں قائم بین الاقوامی ثالثی تنظیم میں بطور بانی رُکن شمولیت
دونوں ممالک نے باہمی تعلقات کی اہمیت کو برقرار رکھنے کے لئے اعلٰی سطحی تبادلوں پر بھی اتفاق کیا جس میں جلد شروع ہونے والا پاک چین تذویراتی مذاکرات کا چھٹا دور بھی شامل ہے، جس میں تعاون اور باہمی اعتماد کو مزید بڑھانے کے لیے وزرائے خارجہ شرکت کریں گے۔
پاکستان اور چین نے کثیرالقومیتی بات چیت سے متعلق اپنے مشترکہ عزم کی اہمیت کو اُجاگر کرتے ہوئے بین الاقوامی فورمز خاص طور پر اقوام متحدہ میں ایک دوسرے کے ساتھ تعاون پر اتفاق کیا جس کا مقصد اقوام متحدہ چارٹر کے اصولوں پر عمل درآمد ہے تاکہ بین الاقوامی طور پر ایک ایسا نظام وضع ہو جس میں سب کی شمولیت ہو اور جس کی بنیاد اصولوں پر ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آف شور آئل اینڈ گیس ایکسپلوریشن اقتصادی راہداری منصوبے اقوام متحدہ اقوام متحدہ چارٹر انڈسٹریل پارکس ایڈیشنل سیکریٹری ایشیا پیسیفک ایمبیسیڈر عمران احمد صدیقی پاکستان ترجمان دفتر خارجہ تھرڈ پارٹی چین چینی نائب وزیر خارجہ زراعت سن وے ڈونگ سی پیک منصوبے کثیرالقومیتی بات چیت.
ذریعہ
ذریعہ: WE News
کلیدی لفظ: اقتصادی راہداری منصوبے اقوام متحدہ اقوام متحدہ چارٹر انڈسٹریل پارکس ایمبیسیڈر عمران احمد صدیقی پاکستان ترجمان دفتر خارجہ تھرڈ پارٹی چین چینی نائب وزیر خارجہ سن وے ڈونگ سی پیک منصوبے اقوام متحدہ کے عزم کا کے لیے
پڑھیں:
جنوبی پنجاب میں منکی پاکس کا پھیلاؤ، 4 مریض اسپتال داخل، الرٹ جاری
جنوبی پنجاب میں منکی پاکس کے نئے کیسز سامنے آنے کے بعد صوبائی محکمہ صحت کی تشویش میں اچانک اضافہ ہو گیا ہے۔
میڈیا رپورٹس کے مطابق ملتان کے ’نشتر اسپتال‘ میں اب تک منکی پاکس کے 4 مریضوں کی باقاعدہ تصدیق ہو چکی ہے، جبکہ وائرس کے پھیلاؤ کو روکنے کے لیے اسپتال اور گردونواح میں الرٹ جاری کر دیا گیا ہے۔
آئسولیشن وارڈ میں مریضوں کی تعداد اور آبائی علاقےنشتر اسپتال انتظامیہ کے مطابق حال ہی میں ایک اور مشتبہ مریض کو وائرس کی علامات ظاہر ہونے پر فوری طور پر خصوصی آئسولیشن وارڈ میں داخل کر لیا گیا ہے۔
یہ بھی پڑھیں:سندھ میں منکی پاکس کے کیسز میں اضافہ، 9 اموات کی تصدیق
اس نئے کیس کے بعد وارڈ میں زیرِ علاج اور کڑی نگرانی میں رکھے گئے مریضوں کی مجموعی تعداد 5 ہو گئی ہے۔ اسپتال حکام کا کہنا ہے کہ جن مریضوں میں ’منکی پاکس‘ کی تصدیق ہوئی ہے ان کا تعلق جنوبی پنجاب کے مختلف اضلاع بالخصوص ملتان، مظفرگڑھ اور وہاڑی سے ہے۔
اسپتال انتظامیہ کے اقدامات اور ٹیسٹنگاسپتال کے وبائی امراض کے ماہرین اور انتظامیہ کا کہنا ہے کہ منکی پاکس کے تصدیق شدہ مریضوں کے علاج اور دیکھ بھال پر خصوصی توجہ دی جا رہی ہے تاکہ ان کی جلد صحت یابی ممکن ہو سکے۔
دوسری جانب، نئے آنے والے مشتبہ مریض کے خون اور زخموں کے نمونے (سیمپلز) حتمی جانچ اور تصدیق کے لیے لیبارٹری بھجوا دیے گئے ہیں، جن کی رپورٹ اگلے چند روز میں موصول ہونے کا امکان ہے۔
محکمہ صحت کی نگرانی اور احتیاطی تدابیر کی اپیلمحکمہ صحت کے اعلیٰ حکام نے عوام الناس کو وبائی مرض سے بچنے کے لیے فوری طور پر احتیاطی تدابیر اختیار کرنے کی سخت ہدایت کی ہے۔
مزید پڑھیں:کراچی میں منکی پاکس: بیوی کے بعد شوہر بھی لپیٹ میں آگیا
ترجمان محکمہ صحت کے مطابق خطے میں صورتحال کی مسلسل اور سخت نگرانی کی جا رہی ہے اور اس موذی بیماری کے مزید پھیلاؤ کو روکنے کے لیے ضلعی سطح پر تمام ضروری اور حفاظتی اقدامات ہنگامی بنیادوں پر جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتیاطی تدابیر اسپتال اقدامات ٹیسٹنگ جنوبی پنجاب خون زخموں لیبارٹری محکمہ صحت منکی پاکس نگرانی۔ نمونے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ