ناران حادثہ: برفانی تودا گرنے سے ایک ہی خاندان کے 3 افراد جاں بحق
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
ناران: خیبرپختونخوا کے سیاحتی مقام ناران میں برفانی تودا گرنے کے باعث لاہور سے تعلق رکھنے والے ایک ہی خاندان کے 3 سیاح جاں بحق ہو گئے، حادثے نے نہ صرف ان کے اہل خانہ کو بلکہ ملک بھر میں سیاحت سے جڑے عوام کو گہرے دکھ اور صدمے میں مبتلا کر دیا ہے۔
میڈیا رپورٹس کے مطابق جاں بحق ہونے والوں میں 42 سالہ طاہر محمود، ان کا 13 سالہ بیٹا ابوبکر اور ابوبکر کا 22 سالہ ماموں زاد بھائی طیب شفیق شامل ہیں، تینوں افراد لاہور کے علاقے گنج بازار مغلپورہ کے رہائشی تھے اور چھٹیوں کے دوران سیر و تفریح کے لیے ناران آئے تھے۔
حادثے کی تفصیلات کے مطابق تینوں سیاح ناران میں ایک گلیشیئر کے قریب تصویریں بنانے میں مصروف تھے کہ اچانک برفانی تودا ان پر آ گرا، مقامی ریسکیو ٹیموں نے فوری طور پر کارروائی کرتے ہوئے انہیں گلیشیئر کے نیچے سے نکال تو لیا، تاہم وہ زخموں کی تاب نہ لاتے ہوئے دم توڑ گئے۔
جاں بحق ہونے والے نوجوان طیب شفیق کے والد نے تصدیق کی ہے کہ آئندہ 10 سے 12 گھنٹوں کے دوران میتیں لاہور منتقل کر دی جائیں گی، حادثے کے بعد مقامی انتظامیہ اور ریسکیو اداروں کی ٹیمیں موقع پر پہنچ گئیں اور علاقے کو محفوظ بنانے کے لیے اقدامات شروع کر دیے گئے ہیں۔
یہ افسوسناک واقعہ سیاحت کے شوقین افراد کے لیے ایک سنگین تنبیہ ہے کہ برفانی علاقوں میں احتیاطی تدابیر اختیار کیے بغیر گلیشیئرز یا خطرناک مقامات کے قریب جانا جان لیوا ثابت ہو سکتا ہے۔
واضح رہے کہ ناران وادی میں ہر سال ہزاروں سیاح ملک بھر سے آتے ہیں، شدید موسم اور برفانی خطرات کے باعث ایسے حادثات وقتاً فوقتاً پیش آتے رہتے ہیں۔
حکام کی جانب سے متاثرہ خاندان کے ساتھ ہمدردی کا اظہار کیا گیا ہے جبکہ سوشل میڈیا پر بھی شہریوں کی بڑی تعداد نے اس المناک واقعے پر افسوس کا اظہار کرتے ہوئے سیاحوں سے محتاط رہنے کی اپیل کی ہے۔
.ذریعہ: Jasarat News
پڑھیں:
محلے دار پر بچوں سے بدفعلی کا مقدمہ درج، ملزم فرار
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شارع نور جہاں میں بچوں سے مبینہ بدفعلی کا افسوسناک واقعہ پیش آیا۔ ایس ایچ او فیض الحسن کے مطابق ساجد نامی شہری کی مدعیت میں مقدمہ نمبر 665/2025 بجرم دفعہ 337 کے تحت علی رضا نامی شخص کے خلاف مقدمہ درج کر لیا گیا ہے۔مدعی مقدمہ جو سرکاری ملازم ہیں اور سرکاری اسٹاف کالونی نارتھ ناظم آباد بلاک P میں رہائش پذیر ہیں، نے بیان دیا کہ 17 ستمبر کی شام تقریباً سات بجے ان کا گیارہ سالہ بیٹا گھبرایا ہوا گھر واپس آیا۔ بچے نے بتایا کہ وہ اپنے بارہ سالہ دوست کے ساتھ کھیل رہا تھا کہ محلے کا ایک شخص علی رضا انہیں چیز کے بہانے اپنے گھر لے گیا اور مبینہ طور پر بدفعلی کا نشانہ بنایا۔
ٹرمپ کے قریبی ساتھی قتل، امریکا میں خطرناک تقسیم، نصرت جاوید کے انکشافات