فیلڈ مارشل جنرل عاصم منیر کی صدر ٹرمپ سے ملاقات سے پاکستان کا قد کاٹھ بڑھ گیا، مسعود خان
اشاعت کی تاریخ: 21st, June 2025 GMT
امریکا میں پاکستان کے سابق سفیر اور اقوام متحدہ میں سابق مستقل مندوب ایمبیسیڈر مسعود خان کا کہنا ہے کہ فیلڈ مارشل جنرل سید عاصم منیر اور امریکی صدر ڈونلڈ ٹرمپ کی ملاقات کی وجہ سے پاکستان کا قد کاٹھ بہت بڑھ گیا ہے اور اب ہمارے لیے موقع ہے کہ پاک امریکا تعلقات کو نئی بلندیوں تک لے جائیں۔
یہ بھی پڑھیں: فیلڈ مارشل کی ڈونلڈ ٹرمپ سے ملاقات کی اندرونی کہانی کیا ہے؟
وی نیوز کے ساتھ خصوصی گفتگو میں مسعود خان نے کہا کہ صدر ٹرمپ اور فیلڈ مارشل جنرل عاصم منیر کے درمیان ہونے والی ملاقات غیر معمولی تھی۔ انہوں نے کہا کہ روایتی طور پر امریکی صدور دوسرے ممالک کے فوجی سربراہان سے ملاقاتیں نہیں کرتے لیکن صدر ٹرمپ کی جانب سے فیلڈ مارشل جنرل عاصم منیر سے ملاقات جو غیر معمولی اہمیت کی حامل ہے۔
انہوں نے کہا کہ اس ملاقات کی اہمیت ایسے وقت میں اور بڑھ گئی جب حال ہی میں پاکستان اور بھارت کے درمیان جنگ بندی ہوئی ہے اور مشرق وسطیٰ میں ایک بڑی جنگ چھڑ چکی ہے۔
مسعود خان نے کہا کہ سنہ 2018 سے ہم یہ کوشش کر رہے تھے کہ پاکستان اور امریکا کے درمیان فوجی رابطے بحال ہوں اور فوجی قیادت کے درمیان اعلیٰ سطحی رابطے ہوں اور دونوں ملکوں کے درمیان معاشی اور تجارتی تعلقات میں اضافہ ہو۔ انہوں نے مزید کہا کہ اس چیز کے لیے اسٹیج پہلے ہی سیٹ ہو چکا تھا جب صدر ٹرمپ نے صدارت کا حلف اٹھاتے ہوئے اپنے اسٹیٹ آف دی یونین خطاب میں پاکستان کا اچھے الفاظ میں ذکر کیا۔
’اس ملاقات کے آپٹکس بہت اہم ہیں‘ایمبیسیڈر مسعود خان نے کہا کہ اس ملاقات کے نظری تاثرات (آپٹکس) بہت اہمیت کے حامل ہیں اور صدر ٹرمپ نے اس ملاقات کے بعد اعادہ کیا ہے کہ وہ مسئلہ کشمیر کے سلسلے میں پاکستان اور بھارت کے درمیان ثالثی کردار ادا کرنے کی کوشش کریں گے۔
مزید پڑھیے: صدر ٹرمپ اور فیلڈ مارشل عاصم منیر کی غیرمعمولی ملاقات پر بھارت میں بے چینی، پروپیگنڈا فیکٹریاں سرگرم
انہوں نے کہا کہ ایران اسرائیل جنگ کے وقت پاکستان کا وائٹ ہاؤس میں موجود ہونا بھی اس بات کی دلالت کرتا ہے کہ پاکستان اس خطّے کا اہم ملک ہے اور ہمارا ایک یہ بھی پیغام ہے کہ ایران اسرائیل جنگ بند کروائی جائے۔
ایران اسرائیل جنگ بندی میں پاکستان کردار ادا کر سکتا ہے؟ایمبیسیڈر مسعود خان نے کہا کہ ماضی میں بھی ایران عراق جنگ میں پاکستان نے سفارتکاری کے ذریعے دونوں ملکوں میں جنگ بندی کرانے کی کوشش کی اور یہ ہم دوبارہ بھی کرنے کے لیے تیار ہوں گے کیونکہ ایران ہمارا برادر، ہمسایہ ملک ہے۔ لیکن یہ جنگ بہت ہی الجھی ہوئی جنگ ہے کیونکہ اس میں اسرائیل کے ساتھ امریکا کھڑا ہے۔
’اسرائیل غزہ سے توجہ ہٹانا چاہتا ہے‘مسعود خان نے کہا کہ ایران جنگ کے ساتھ اسرائیل غزہ سے دنیا کی توجہ ہٹانا چاہتا ہے جو کہ بہت حد تک ہٹ بھی چکی ہے۔ انہوں نے مزید کہا کہ اسرائیل نے گزشتہ روز راشن کے لیے اکٹھے ہونے والے درجنوں فلسطینیوں کو مار دیا اور یہ خبر زیادہ توجہ حاصل نہ کر سکی۔
’یورپی یونین مذاکرات میں اسرائیل مطمئن نہیں ہو گا‘ایمبیسیڈر مسعود خان نے کہا کہ اس وقت جنیوا میں یورپی یونین اور ایران کے درمیان مذاکرات چل رہے ہیں۔ ان مذاکرات میں اگر امریکا مطمئن ہو بھی گیا تو اسرائیل نہیں ہوگا۔
مزید پڑھیں: ڈونلڈ ٹرمپ کا فیلڈ مارشل عاصم منیر کو ظہرانہ، مینیو میں کیا تھا؟
ان کا کہنا تھا کہ اسرائیل صرف اس صورت مطمئن ہوگا جب ایران کی جوہری تنصیبات مکمل طور پر ختم کر دی جائیں۔ ان کا مزید کہنا تھا کہ اگر امریکا مطمئن نہ ہوا تو یہ جنگ بہت خوفناک صورت اختیار کر جائے گی لیکن امریکا کی کوشش ہے کہ ایک طرف اسرائیلی حملے جاری رہیں جس سے ایران دباؤ میں آئے گا۔
’اسرائیل کا امریکا نظام پر تسلط بہت گہرا ہے‘ایمبیسیڈر مسعود خان نے کہا کہ وہ 14 برس امریکا میں رہے ہیں اور اس بنا پر کہہ سکتے ہیں کہ اسرائیل کا امریکی نظام پر گہرا تسلط ہے۔
انہوں نے کہا کہ امریکی کانگریس، امریکی انتظامیہ، امریکی میڈیا اور امریکی مالیاتی ادارے سب اسرائیل کی گرفت میں ہیں اور اس لیے مجھے اسرائیل کے لیے امریکا کے روّیے میں کوئی بہت بڑی تبدیلی نظر نہیں آتی۔
ان کا کہنا تھا کہ اب بھی جن کے پاس اقتدار ہے وہ سب اسرائیل کے حامی ہیں اور سابق صدر جو بائیڈن نے بھی ایک بار کہہ دیا تھا کہ ہمیں اسرائیل کا ممنون ہونا چاہیے کہ وہ مشرق وسطیٰ میں ہمارا کام کر رہا ہے اور اگر اسرائیل نہ ہوتا تو ہمیں ایجاد کرنا پڑتا لہٰذا اسرائیل کی حمایت امریکا کی پالیسی کا بہت بڑا حصّہ ہے۔
’امریکا میں اسرائیل مخالف آوازیں توانا ہو رہی ہیں‘ایمبیسیڈر مسعود خان نے کہا کہ امریکا میں اسرائیل مخالف آوازیں توانا ہو رہی ہیں۔
انہوں نے کہا کہ آپ برنی سینڈرز کو نظر انداز کر سکتے ہیں کیونکہ ان کی جھکاؤ بائیں بازو کی جانب ہے لیکن ٹکر کارلسن اور اسٹیو بینن کی آوازوں کو خاموش نہیں کر سکتے کیونکہ یہ صدر ٹرمپ کے بہت قریب اور ان کے حلقہ انتخاب کا حصّہ ہیں اور ان کے علاوہ بیسیوں دیگر بھی ہیں جو سمجھتے ہیں کہ امریکا کو ایک انتہائی مہنگی جنگ میں پھر سے شامل نہیں ہونا چاہیے۔
یہ بھی پڑھیے: فیلڈ مارشل عاصم منیر اور ٹرمپ ملاقات، بھارت حیران و پریشان، کیا پاکستان ایران کا ساتھ دے گا؟
مسعود خان نے کہا کہ اسرائیل کے کہنے پر وہ عراق چلے گئے تھے جس پر 3 ٹریلین ڈالر اور ہزاروں امریکی جانیں گئیں اور اس کے ساتھ اسرائیل نے جو غزہ میں ہولناک انسانی حقوق کی خلاف ورزیاں کی ہیں اور اس سے بھی امریکا میں دباؤ بڑھا ہے۔
’امریکا کے لیے بہتر نہیں کہ اسرائیل ناک میں نکیل ڈال کر جدھر چاہے لے جائے‘ایمبیسیڈر مسعود خان نے کہا کہ ایران اسرائیل جنگ جلد ختم ہو جائے گی یا نہیں اس بارے میں بات کرنا قبل از وقت ہے لیکن اس کے بارے میں کوششیں ہو رہی ہیں۔
انہوں نے کہا کہ امریکا میں کوشش کی جا رہی ہے، یورپی یونین اس وقت جنیوا میں مذاکرات کر رہی ہے جس میں جرمنی، برطانیہ اور فرانس کے وزرائے خارجہ، یورپی یونین کے اعلیٰ سطحی نمائندگان اور ایران کے وزیر خارجہ آغا عباس عراقچی موجود ہیں جن کی پہلی ترجیح کسی ایسے حل پر پہنچنا ہے جو بیک وقت ایران اور امریکا دونوں کو مطمئن کر سکے۔
مسعود خان نے کہا کہ دوسرا صدر ٹرمپ کے اوپر ان کے اپنے حلقوں سے دباؤ ہے کہ اس راستے پر نہ چلیں کیوں کہ اس میں امریکا کے لیے تباہی ہے اور امریکا کے لیے یہ اچھا نہیں کہ اسرائیل اس کی ناک میں نکیل ڈال کر جدھر چاہے لے جائے۔
انہوں نے کہا کہ اگر امریکا کے کچھ ہدف نشانہ بن گئے اور امریکا جنگ میں شامل ہو گیا تو یہ جنگ بہت پھیل جائے گی اور سارے خلیجی ممالک کو لپیٹ میں لیتے ہوئے یہ جنگ عظیم میں تبدیل ہو سکتی ہے۔
’امریکا بھارت تعلقات میں دراڑ کے پیچھے بھارت کی دھوکے بازی ہے‘صدر ٹرمپ کے پاکستان کے حق میں بیانات سے ہندوستان میں صفِ ماتم بچھی ہوئی ہے اور بھارتی میڈیا اور سیاستدان امریکا کے بارے میں بہت برہم نظر آتے ہیں۔ اس سوال کے جواب میں ایمبیسیڈر مسعود خان نے کہا کہ امریکی صدر ٹرمپ کو سمجھ میں آگیا تھا کہ بھارت کس طرح عیاری کا مظاہرہ کر رہا ہے۔
انہوں نے کہا کہ تزویراتی شراکت دار وہ امریکا کا ہے لیکن یوکرین جنگ سے فائدہ اٹھاتے ہوئے روس سے سستا تیل خرید کر عالمی منڈیوں میں بیچ رہا ہے، دوسرے برکس تنظیم میں ایک ترقیاتی بینک کے قیام کے پیچھے بھی بھارت ہے اور وہ ڈالر کی اجارہ داری کو توڑنے کے لیے ایک نیا مالیاتی نظام لے کر آنا چاہتا ہے اور تیسرے نمبر پر امریکا کو سمجھ میں آگیا ہے کہ بھارت چین کے خلاف کھڑا نہیں ہو سکتا۔
مزید پڑھیں: فیلڈ مارشل عاصم منیر اور صدر ٹرمپ کی ملاقات پاک امریکا تعلقات میں ’سنگ میل‘ ہے، وزیر دفاع خواجہ محمد آصف
مسعود خان نے کہا کہ امریکا کو وہ کہتا تو ہے کہ وہ چین کے خلاف کھڑا ہو گا لیکن چین کے ساتھ اس کے تجارتی تعلقات مضبوط ہوتے چلے جا رہے ہیں جبکہ پاک بھارت جنگ بندی میں ہم نے امریکا کا شکریہ ادا کیا لیکن بھارت صدر ٹرمپ کے بیانات پر مسلسل تنقید کر رہا ہے۔
انہوں نے کہا کہ بھارت کو اس وقت سب سے زیادہ تکلیف اس بات سے پہنچ رہی ہے کہ مسئلہ کشمیر بین الاقوامی حیثیت اختیار کر گیا ہے۔ انہوں نے مزید کہا کہ اس سے قبل صدر ٹرمپ کے پہلے دور میں امریکا اور ہندوستان کے تعلقات بہت مضبوط ہوئے اور ہندوستان کو توقع تھی کہ اس بار ڈونلڈ ٹرمپ کے ایک بار پھر صدر بن جانے سے بھارت اور امریکا کے تعلقات زیادہ مضبوط ہوں گے کیونکہ امریکا میں کلیدی عہدوں پر یا تو بھارت نژاد امریکی ہیں یا بھارت نواز امریکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمبیسیڈر مسعود خان بھارت پاک امریکا تعلقات فیلڈ مارشل اور ڈونلڈ ٹرمپ کی میٹنگ.
ذریعہ
ذریعہ: WE News
کلیدی لفظ: ایمبیسیڈر مسعود خان بھارت پاک امریکا تعلقات فیلڈ مارشل عاصم منیر ایران اسرائیل جنگ انہوں نے کہا کہ ا فیلڈ مارشل جنرل میں پاکستان یورپی یونین میں اسرائیل نے کہا کہ اس صدر ٹرمپ کے اور امریکا کہ اسرائیل اسرائیل کے امریکا میں ڈونلڈ ٹرمپ پاکستان کا اس ملاقات کے درمیان سے ملاقات امریکا کے کہ امریکا کہ ایران نہیں ہو ہیں اور کے ساتھ ٹرمپ کی ہیں کہ تھا کہ یہ جنگ ہے اور اور اس کہ پاک رہا ہے کے لیے
پڑھیں:
امریکا میں مصنوعی ذہانت کی نگرانی، ٹرمپ کا نیا ایگزیکٹو آرڈر جاری
امریکی صدر ڈونلڈ ٹرمپ نے منگل کے روز ایک ایگزیکٹو آرڈر پر دستخط کیے جس کے تحت مصنوعی ذہانت سے متعلق کمپنیوں سے کہا گیا ہے کہ وہ اپنے ماڈلز کی مکمل عوامی ریلیز سے
پہلے وفاقی حکومت کو ان تک رسائی فراہم کریں تاکہ ان کی صلاحیتوں کا جائزہ لیا جا سکے۔
یہ بھی پڑھیں: صدرٹرمپ کا ووٹرشناختی کارڈ لازمی قرار دینے کا فیصلہ، ایگزیکٹیو آرڈر جلد متوقع
اس حکم نامے کے مطابق کمپنیوں کو رضاکارانہ بنیادوں پر ایک بینچ مارکنگ عمل میں شامل ہونے کی دعوت دی گئی ہے، جس کے ذریعے ماڈلز کی ’اعلیٰ سائبر صلاحیتوں‘ کا جائزہ لیا جائے گا
اور یہ طے کیا جائے گا کہ آیا انہیں ’کورڈ فرنٹیئر ماڈل‘ قرار دیا جانا چاہیے یا نہیں۔
The Trump administration will ask leading AI developers to voluntarily submit their most capable models for government cybersecurity tests before releasing them to the public, according to an executive order, as security fears mount in Washington over powerful new AI systems such…
— Reuters (@Reuters) June 3, 2026
اس کے علاوہ کمپنیوں سے درخواست کی گئی ہے کہ وہ اپنے ماڈلز کی وسیع پیمانے پر ریلیز سے 30 روز قبل حکومت کو ان تک رسائی دیں۔
حکم نامہ حکومت کو یہ اختیار بھی دیتا ہے کہ وہ ان ’قابلِ اعتماد شراکت داروں‘ کے انتخاب میں معاونت کرے جنہیں ابتدائی رسائی فراہم کی جائے گی۔
حکم نامے میں واضح کیا گیا ہے کہ اس شق کو اس طرح نہیں سمجھا جائے گا کہ حکومت مصنوعی ذہانت کے نئے ماڈلز، بشمول فرنٹیئر ماڈلز، کی تیاری، اشاعت، اجرا یا تقسیم کے لیے لازمی
لائسنسنگ، پیشگی منظوری یا اجازت نامے کا نظام نافذ کر رہی ہے۔
مزید پڑھیں:
صدر ٹرمپ نے یہ حکم نامہ نجی طور پر دستخط کیا، چند ہفتے قبل انہوں نے معروف ٹیکنالوجی کمپنیوں کے سربراہان کے ساتھ ایک دستخطی تقریب ملتوی کر دی تھی اور صحافیوں کو بتایا تھا کہ
انہیں مجوزہ حکم نامے کے بعض پہلو پسند نہیں آئے تھے۔
یہ حکم ایسے وقت میں سامنے آیا ہے جب امریکا میں مصنوعی ذہانت کی ترقی ایک اہم مرحلے میں داخل ہو چکی ہے۔
پیر کے روز اے آئی کمپنی اینتھروپک نے اعلان کیا کہ اس نے ابتدائی عوامی حصص فروخت کے لیے خفیہ طور پر امریکی سیکیورٹیز اینڈ ایکسچینج کمیشن میں درخواست جمع کرا دی ہے۔
مزید پڑھیں:
اس کی حریف کمپنی اوپن اے آئی بھی رواں سال ممکنہ شیئرز کی پیشکش کی تیاری کر رہی ہے۔
دوسری جانب ایلون مسک کی خلائی کمپنی اسپیس ایکس، جو ان کی اے آئی لیبارٹری اسپیس ایکس اے آئی کی مالک بھی ہے، ممکنہ طور پر ان دونوں کمپنیوں سے پہلے اسٹاک مارکیٹ میں داخل ہو
سکتی ہے۔
اطلاعات کے مطابق اس کی مارکیٹ ویلیو ایک کھرب ڈالر سے بھی تجاوز کر سکتی ہے۔
مصنوعی ذہانت کی بدولت غیرمعمولی ترقی حاصل کرنے والی ٹیکنالوجی صنعت نے وائٹ ہاؤس کی اے آئی پالیسیوں کی تشکیل میں بھی اہم کردار ادا کیا ہے۔
سرمایہ کار ڈیوڈ سیکس، جو ایلون مسک کے قریبی اتحادی سمجھے جاتے ہیں، رواں سال کے آغاز تک وائٹ ہاؤس کے پہلے ’کرپٹو اور اے آئی زار‘ کے طور پر خدمات انجام دیتے رہے۔
میڈیا رپورٹس کے مطابق سیکس، مسک اور مارک زکربرگ نے گزشتہ ماہ ٹرمپ انتظامیہ سے رابطہ کرکے ایک سابقہ اے آئی حکم نامے کی مخالفت کی تھی جس پر صدر دستخط کرنے والے
تھے۔
یہ نیا حکم نامہ اس وقت بھی سامنے آیا ہے جب اینتھروپک نے رواں سال کلاؤڈ مائتھوس پری ویو نامی ایک ایسا ماڈل متعارف کرایا جسے سافٹ ویئر میں کمزوریوں اور سیکیورٹی نقائص کی
نشاندہی میں غیرمعمولی مہارت حاصل ہے۔
کمپنی نے ابتدا میں اس ماڈل کو ’پروجیکٹ گلاس ونگ‘ نامی سائبر سیکیورٹی اقدام کے تحت محدود تعداد میں اداروں کو فراہم کیا تھا، جسے منگل کے روز مزید وسعت دی گئی۔
مائتھوس کی رونمائی کے بعد اینتھروپک کے نمائندوں کی ٹرمپ انتظامیہ کے اعلیٰ حکام، جن میں وائٹ ہاؤس چیف آف اسٹاف سوزی وائلز اور وزیر خزانہ اسکاٹ بیسنٹ شامل ہیں، سے متعدد اہم
ملاقاتیں بھی ہوئیں۔
ٹرمپ کے حکم نامے میں مختلف سرکاری ہدایات اور رہنما اصول مرتب کرنے کے لیے کئی ٹائم فریمز دیے گئے ہیں۔ خصوصاً امریکی محکمہ دفاع کو اپنے معلوماتی نظاموں کے سائبر دفاع کو
ترجیح دینے کی ہدایت کی گئی ہے۔
تاہم محکمہ دفاع نے اینتھروپک کے جدید اے آئی ماڈلز سے فاصلہ اختیار کرنے کی کوشش کی ہے، مائتھوس کی ریلیز سے کچھ عرصہ قبل محکمہ نے کمپنی کو ’سپلائی چین رسک‘ قرار دیا تھا۔
اس درجہ بندی کے تحت اینتھروپک کو امریکی قومی سلامتی کے لیے ممکنہ خطرہ تصور کیا جاتا ہے اور دفاعی ٹھیکیداروں کو محکمہ دفاع کے ساتھ اپنے کام میں کمپنی کی ٹیکنالوجی استعمال کرنے سے روکا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی ٹرمپ ٹیکنالوجی مصنوعی ذہانت وائٹ ہاؤس
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ