پوری دنیا میں جاری کشمکش کسی بڑی تبدیلی کا پیش خیمہ ہے،منعم ظفر خان
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) امیر جماعت اسلامی کراچی منعم ظفر خان نے کہا ہے کہ پوری دنیا میں جاری کشمکش کسی بڑی تبدیلی کا پیش خیمہ ہے،اہل غزہ کی جدو جہدو مزاحمت نے فلسطین اور قبلہ اول کی آزادی کے مسئلے کوزندہ کیا ہے، اللہ کی کبریائی بلند کرنا ہی دراصل کامیابی ہے، اسرائیل نے اپنے توسیع پسندانہ عزائم واضح کیے اور ایران پر بلا جواز حملہ کیا اور ایران نے اللہ کے بھروسے پر اسرائیل کو بھر پور جواب دیا، پاک بھارت جنگ میں اللہ کے فضل سے کامیابی ملی، بنگلا دیش میں ظلم کا خاتمہ قربانیوں کا ثمر ہے۔ ان خیالات کا اظہار انہوں نے جماعت اسلامی ضلع سائٹ غربی کے تحت مہم چرم قربانی میں حصہ لینے والے کارکنان کے اعزاز میں استقبالیے سے خطاب کرتے ہوئے کیا، استقبالیے سے امیر ضلع ڈاکٹر نورالحق،سیکرٹری ضلع راشد خان، نائب امیر ضلع و ناظم مہم چرم قربانی سید سلطان روم، نائب امیر ضلع نذر محمدبرکی و دیگر نے خطاب کیا۔اس موقع پر ناظمین علاقہ جات، ناظمین حلقہ جات،جے آئی یوتھ، پبلک ایڈ کمیٹی کے ذمے داران سمیت کارکنان کی بڑی تعداد موجود تھی۔منعم ظفر خان نے چرم قربانی مہم میں بہترین کارکردگی دکھانے والے ناظمین علاقہ جات میں شیلڈز تقسیم کیں اور انہیں مبارکباد دی۔منعم ظفر نے کہا کہ ایک مہم کے بعد دوسری مہم کسی بھی تحریک کا خاصہ ہے،ہمارا کارواں اسلامی انقلاب کی جانب رواں دواں ہے، ہمارا مقصد رضائے الٰہی کا حصول ہے، قرآن و سنت اور صحابہ کرام کی زندگیاں ہمارے لیے مشعل راہ ہیں، انہوں نے چرم قربانی مہم میں حصہ لینے والے تمام کارکنان کو خراج تحسین پیش کرتے ہوئے کہا کہ ضلع سائٹ غربی نے پورے کراچی میں تناسب کے لحاظ سے کھالوں میں سب سے زیادہ اضافہ کیا اور خدمت کی مثال قائم کی۔ انہوں نے کہا کہ سنت ابراہیمی کا مقصد اپنی عزیز چیز کو اللہ کی راہ میں قربان کر نا ہے،غزہ کے مسلمانوں نے قربانی کی ایسی مثال قائم کی ہے جس کی کوئی مثال نہیں ملتی یہ فرض پوری امت کو ادا کرنا تھا، قبلہ اول کی آزادی ہم سب پر قرض ہے، ہزاروں شہدا کا خون اس جدو جہد میں شامل ہے، اہل غزہ سب سربکف ہیں، اس قربانی نے پوری دنیا کو ہلا کر رکھ دیا ہے، جن کے ضمیر زندہ ہیں ان کوفلسطین کے مسلمانوں نے بیدار کردیا، پوری دنیا سراپا احتجاج ہے، اسماعیل ہنیہ اور یحییٰ سنوار کے پورے خاندان قربان ہوئے۔ انہوں نے کہا کہ کارکن کی ذمے داری ہے کہ عوام کو جماعت اسلامی کے قریب لایا جائے، ہر حلقے میں کام کو منظم کیا جائے، نوجوانوں اور بزرگوں کو تحریک کی دعوت پہنچائی جائے، چھوٹے چھوٹے یونٹ میں کام کریں لوگوں تک دعوت پہنچائیں، دعوت کے لیے انبیاء کرام جیسی بے چینی اپنے اندر پیدا کریں، شہر کے اندر بے شمار مسائل ہیں، شہر کے ہر اہم مسئلے پانی،بجلی، گیس، نادرا کے مسائل سمیت ہر مسئلے پرہم نے آوازاٹھائی، ممبر سازی مہم کے بعد ان سے رابطہ ضروری ہے، عوامی کمیٹیاں بنائی جائیں، عوام کے مسائل کے حل کے لیے آواز اٹھائیں، کل پاکستان اجتماع عام کی تیاری شروع کریں، رابطہ کمیٹیاں قائم، تربیت کا مضبوط انتظام کیا جائے۔ ڈاکٹر نورالحق نے کہا کہ کارکنان کی شب وروز محنت کی وجہ سے ہمیں یہ اعزاز حاصل ہوا کہ ہم مہم چرم قربانی میں سب سے زیادہ کھالیں جمع کرنے میں کامیاب ہوئے، انہوں نے جماعت اسلامی ضلع سائٹ کے تمام کارکنان، جے آئی یوتھ کے تمام ذمے داران و کارکنان کا شکریہ ادا اور انہیں خراج تحسین پیش کیا۔
.ذریعہ: Jasarat News
کلیدی لفظ: جماعت اسلامی پوری دنیا انہوں نے
پڑھیں:
اسلامی تہذیب کے انجن کی پاور لائیز خراب ہوگئی ہیں،احسن اقبال
data-id="863a0a8" data-element_type="widget" data-widget_type="theme-post-content.default">
250918-08-6
اسلام آباد(صباح نیوز)وفاقی وزیرمنصوبہ بندی احسن اقبال نے کہاہے کہ اسلامی تہذیب کے انجن کی پاور لائیز خراب ہوگئی ہیں، مسلمان ایک زمانے میں علم و تحقیق پر دنیا پر غالب تھے، آج ہم بہت پیچھے ہیں ۔اسرائیل نے پوری اسلامی دنیا کی کانفرنس کے اگلے دن ہی غزہ کے مسلمانوں کا قتل عام کیا،ہم تعداد میں زیادہ مگر کمزور ہیں۔ان خیالات کااظہار وفاقی وزیرمنصوبہ بندی احسن اقبال نے بین الاقوامی سیرت النبیﷺ کانفرنس سے خطاب کرتے ہوئے کیا۔ احسن اقبال نے کہاکہ نبیﷺ کا ذکر احسن عمل ہے جس کی کوئی مثال نہیں اللہ اور مخلوق میں ایک مشترکہ عمل نبیؐ پردرود شریف بھیجنا ہے ،نبی پاک کا امتی ؐہونے پر اللہ کا انعام اور شکر ہے، اس امت کو مشن کے ساتھ پیدا کیااب نبوت کا سلسلہ ختم ہے ہمارے نبی خاتم النبیین ہیں جو کام نبی کرتے تھے وہ تبلیغ اب اس امت کو کرنی ہے۔ انہوں نے کہاکہ مسلمان دو ارب سے زائد ہیں ایک کروڑ آبادی کے ملک نے دو ارب مسلمانوں کو آگے لگا رکھا ہے، وہ ملک جب چاہتا ہے مسلمانوں کے خون بہاتا ہے، وہ ملک غزہ کے مسلمانوں کی نشل کشی کر رہا ہے پوری اسلامی دنیا کی کانفرنس کے اگلے دن ہی غزہ کے مسلمانوں کا قتل عام کیا،ہم تعداد میں زیادہ مگر کمزور ہیں۔
اسلام آباد کے شہریوں کیلئے اچھی خبر، تمام ہائکنگ ٹریلز کو کھول دیا گیا