پاکستان میں بڑی طبی پیشرفت، جگر کا پہلا کامیاب ٹرانسپلانٹ
اشاعت کی تاریخ: 21st, June 2025 GMT
اسلام آباد کے شفا انٹرنیشنل اسپتال میں پاکستان کی تاریخ کا ایک انقلابی آپریشن کیا گیا، جس میں پہلی بار ایک خاتون کا کینسر سے تباہ شدہ جگر مکمل طور پر نکال کر اُس کے شوہر کا زندہ جگر کامیابی سے پیوند کیا گیا۔
یہ بھی پڑھیں:جگر کی چربی ختم کرنے کے لیے یہ زبردست قہوہ پیجیے
میڈیا رپورٹس کے مطابق مذکورہ خاتون کا تعلق کراچی سے ہے اور وہ آنت کے کینسر کا شکار تھیں، جس نے ان کے جگر کو شدید متاثر کر دیا تھا۔
سرجنز نے پورا متاثرہ جگر نکال کر شوہر کے جگر کا بایاں حصہ منتقل کیا۔ اس پیچیدہ سرجری کے بعد خاتون کی صحت بحال ہو گئی ہے اور اب وہ معمول کی زندگی گزار رہی ہیں۔
یہ بھی پڑھیں:غذائیں ہوں یا دوائیں، اعتدال اپنائیں جگر بچائیں
یہ کامیابی پاکستان کے طبی شعبے کے لیے ایک اہم سنگ میل ہے، کیونکہ اس سے ثابت ہوتا ہے کہ ملک کے اندر بھی کینسر اور جگر کی پیچیدہ سرجریاں ممکن ہیں اور اب ان کے لیے بیرونِ ملک جانے کی ضرورت نہیں رہی۔
شفا انٹرنیشنل اسپتال کی اس کارکردگی سے یہ امید پیدا ہوئی ہے کہ ملک میں جدید طبی سہولیات کا دائرہ مزید وسیع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرانسپلانٹ جگر جگر ٹرانسپلانٹ شفا انٹرنیشنل شفا انٹرنیشنل اسپتال لیور لیور ٹرانسپلانٹ.
ذریعہ
ذریعہ: WE News
کلیدی لفظ: ٹرانسپلانٹ جگر ٹرانسپلانٹ شفا انٹرنیشنل شفا انٹرنیشنل اسپتال لیور لیور ٹرانسپلانٹ شفا انٹرنیشنل کے لیے
پڑھیں:
لاہور ہائیکورٹ کا فیصلہ، خاتون کو دوسرے شوہر کے ساتھ جانے کی اجازت
لاہور ہائیکورٹ(Lahore High Court) نے ایک حبسِ بے جا سے متعلق کیس کی سماعت کے دوران اہم فیصلہ دیتے ہوئے خاتون کو اپنے دوسرے شوہر کے ساتھ جانے کی اجازت دے دی، جس کے بعد عدالت کے باہر جذباتی اور افسوسناک مناظر دیکھنے میں آئے۔
تفصیلات کے مطابق درخواست گزار غلام حسین نے عدالت سے رجوع کرتے ہوئے مؤقف اختیار کیا تھا کہ ان کی اہلیہ شبنم بی بی کو ان کے سابق شوہر اور اہلِ خانہ نے غیر قانونی طور پر اپنی تحویل میں رکھا ہوا ہے۔ درخواست میں استدعا کی گئی کہ عدالت خاتون کو بازیاب کرا کر انہیں ان کے ساتھ رہنے کی اجازت دے۔
سماعت کے دوران شبنم بی بی عدالت کے روبرو پیش ہوئیں اور اپنا بیان ریکارڈ کرایا۔ انہوں نے عدالت کو بتایا کہ وہ غلام حسین سے نکاح کر چکی ہیں اور اپنی مرضی سے ان کے ساتھ رہنا چاہتی ہیں۔ عدالت نے خاتون کے اس بیان اور قانونی نکات کو مدنظر رکھتے ہوئے انہیں اپنے شوہر کے ساتھ جانے کی اجازت دے دی۔
مزیدپڑھیں:سمندری تجارت میں بہتری، کراچی اور گوادر بندرگاہوں کی اہمیت مزید بڑھ گئی
عدالتی فیصلے کے فوراً بعد عدالت کے احاطے میں صورتحال جذباتی ہو گئی۔ شبنم بی بی کی پہلی شادی سے ہونے والی آٹھ بیٹیاں شدید رنج و غم میں مبتلا ہو گئیں اور دھاڑیں مار کر روتی رہیں۔ اس موقع پر وہاں موجود افراد بھی افسردہ نظر آئے۔
بیٹیوں میں سے ایک نے میڈیا سے گفتگو کرتے ہوئے کہا کہ ان کی والدہ نے عدالت میں انہیں پہچاننے سے انکار کر دیا اور اپنے نئے شوہر کے حق میں بیان دیا۔ ان کے مطابق یہ فیصلہ ان کے لیے شدید صدمے کا باعث بنا ہے۔
عدالتی حکم کے بعد شبنم بی بی اپنے دوسرے شوہر غلام حسین کے ہمراہ وہاں سے روانہ ہو گئیں، جبکہ متاثرہ خاندان کی جانب سے اس فیصلے پر شدید جذباتی ردعمل سامنے آیا ہے۔
یہ واقعہ سوشل میڈیا پر بھی زیر بحث ہے، جہاں صارفین کی جانب سے مختلف آراء کا اظہار کیا جا رہا ہے اور خاندانی معاملات، عدالتی فیصلوں اور جذباتی اثرات پر بحث جاری ہے۔
https://mnews.pk/wp-content/uploads/2026/06/crying.mp4
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ