مریم نواز کا خواتین کو خود کفیل بنانے کے لیے مفت گائے اور بھینسیں دینے کا اعلان
اشاعت کی تاریخ: 21st, June 2025 GMT
وزیراعلیٰ پنجاب مریم نواز نے جنوبی پنجاب کی محروم اور پسماندہ خواتین کے لیے ایک انقلابی فلاحی منصوبے کا اعلان کرتے ہوئے کہا ہے کہ مستحق دیہی خواتین کو مفت گائے اور بھینسیں فراہم کی جائیں گی تاکہ ان کی معاشی خودمختاری کو یقینی بنایا جا سکے۔
وزیراعلیٰ کی جانب سے جاری بیان کے مطابق یہ اقدام جنوبی پنجاب کے 12 اضلاع پر مشتمل ہے، جن میں ملتان، وہاڑی، رحیم یار خان، بہاولپور، ڈیرہ غازی خان، مظفرگڑھ، راجن پور، لیہ، لودھراں، بھکر، خانیوال اور بہاولنگر شامل ہیں۔ ان اضلاع کی پسماندہ دیہی خواتین اس منصوبے سے براہِ راست مستفید ہوں گی۔
کون سی خواتین اہل ہوں گی؟مریم نواز نے بتایا کہ منصوبے کے تحت طلاق یافتہ، بیوہ اور معاشی طور پر نادار خواتین جن کی عمر 55 سال یا اس سے کم ہو، وہ اس اسکیم سے فائدہ اٹھا سکتی ہیں۔ اہل خواتین ایک مخصوص ایپلی کیشن کے ذریعے آن لائن درخواست دے سکیں گی، جس کے بعد شفاف طریقے سے منتخب خواتین کو گائے یا بھینس مفت فراہم کی جائےگی۔
’مقصد غربت کے خاتمے کے لیے عملی اقدامات‘وزیراعلیٰ پنجاب کا کہنا تھا کہ ان کا مشن دیہات اور شہروں کے درمیان پائے جانے والے معاشی تفاوت کو ختم کرنا ہے۔ ان کے بقول ہمیں دیہی علاقوں کی خواتین کو بااختیار بنانا ہے تاکہ وہ صرف گھر کی ذمہ داریوں تک محدود نہ رہیں بلکہ اپنے خاندان کی معیشت میں بھی اہم کردار ادا کر سکیں۔
’خواتین کو خود کفالت کی جانب گامزن کرنے کا وژن‘وزیراعلیٰ نے واضح کیاکہ یہ صرف مویشی دینے کا منصوبہ نہیں بلکہ ایک معاشی انقلاب کی شروعات ہے۔ گائے اور بھینس جیسی قیمتی اثاثے دیہی خواتین کو دودھ، دہی، مکھن اور دیگر مصنوعات کے ذریعے روزانہ آمدن کا موقع فراہم کریں گے، جو انہیں خود کفیل بننے کی راہ پر گامزن کرےگا۔
’فلاحی ریاست کی جانب ایک اور قدم‘سیاسی و سماجی حلقے اس اقدام کو وزیراعلیٰ مریم نواز کے ’فلاحی ریاستی وژن‘ کا عملی مظہر قرار دے رہے ہیں، جس کے ذریعے معاشرے کے نظر انداز طبقوں کو قومی دھارے میں لانے کی کوشش کی جا رہی ہے۔
’مستقبل میں دائرہ کار بڑھانے کا عندیہ‘میڈیا رپورٹس کے مطابق وزیراعلیٰ پنجاب اس منصوبے کو ابتدائی طور پر جنوبی پنجاب میں متعارف کروا رہی ہیں، تاہم مثبت نتائج کی صورت میں اس کا دائرہ کار دیگر اضلاع تک بھی پھیلایا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھینسیں خود کفالت گائے مریم نواز وزیراعلٰی پنجاب ویژن.ذریعہ: WE News
کلیدی لفظ: بھینسیں خود کفالت گائے مریم نواز ویژن مریم نواز خواتین کو کے لیے
پڑھیں:
سیلاب متاثرین کی بحالی آپریشن شروع، ہر فرد کے نقصان کا ازالہ کیا جائے: مریم نواز
لاہور ( نیوزڈیسک) وزیراعلیٰ پنجاب مریم نواز شریف کی زیر صدارت خصوصی اجلاس میں سیلاب متاثرین کے نقصان کے ازالے اور بحالی آپریشن شروع کرنے کا فیصلہ کر لیا گیا۔
اجلاس میں ڈسٹرکٹ اور تحصیل کی سطح پر فلڈ ریلیف کمیٹیاں قائم کرنے اور متاثرین کی امداد کے لیے آسان ترین طریقہ کار وضع کرنے کی ہدایت دی گئی۔
وزیراعلیٰ مریم نواز شریف نے کہا ہے کہ متاثرین کے لیے سروے فارم، موبائل ایپ اور مانیٹرنگ ڈیش بورڈ بنایا جائے گا جس کی نگرانی وہ خود کریں گی۔
ریونیو ڈیپارٹمنٹ کی رپورٹ کے مطابق پنجاب کے 27 اضلاع اور 64 تحصیلوں کے 3775 موضع سیلاب سے متاثر ہوئے ہیں، سیلاب کے باعث 63 ہزار 200 پکے جبکہ 3 لاکھ 9 ہزار 684 کچے مکانات متاثر ہوئے۔
اجلاس میں فیصلہ کیا گیا کہ سیلاب متاثرہ علاقوں میں سڑکوں، پلوں اور دیگر انفراسٹرکچر کی فوری بحالی کی جائے گی، سروے ٹیموں میں اربن یونٹ، ریونیو، زراعت اور آرمی کے نمائندے شامل ہوں گے۔
وزیراعلیٰ مریم نواز شریف نے ہدایت دی کہ سیلاب متاثرین کی امداد کے لیے زیادہ سے زیادہ کیمپ اور پوائنٹس قائم کیے جائیں، حکومت متاثرین تک خود پہنچے، ہر فرد کے نقصان کا ازالہ کیا جائے اور کوئی بھی ریلیف سے محروم نہ رہے۔
Post Views: 4
نیپال: پُرتشدد احتجاج میں کتنے افراد ہلاک و زخمی ہوئے؟