کراچی کو مسلسل نظر انداز کیا جا رہا ہے، میئر مرتضیٰ وہاب کا وفاقی وزیر تجارت کو خط
اشاعت کی تاریخ: 21st, June 2025 GMT
مرتضیٰ وہاب نے خط میں کہا کہ پاکستان کی مجموعی برآمدات میں سب سے بڑا حصہ کراچی کا ہے، کراچی ملک کی 55 فیصد برآمدات کا مرکز ہے۔ اسلام ٹائمز۔ میئر کراچی مرتضیٰ وہاب نے وفاقی وزیرِ تجارت جام کمال کو خط لکھ دیا۔ میئر کراچی مرتضیٰ وہاب نے وفاقی وزیرِ تجارت جام کمال کو لکھے خط میں کہا ہے کہ وفاقی وزیر جام کمال ای ڈی ایف بورڈ کے چیئرمین بھی ہیں، وفاق کی جانب سے کراچی کو مسلسل نظر انداز کیا جا رہا ہے، کراچی کو ایکسپورٹ ڈیولپمنٹ فنڈز سے کوئی خاطر خواہ رقم نہیں ملی۔ میئر کراچی نے اپنے خط میں مطالبہ کیا کہ ایکسپورٹ ڈیولپمنٹ فنڈز کی مد میں کراچی کیلئے خصوصی رقم مختص کی جائے، کراچی کی ترقی سے پاکستان کی ترقی جڑی ہے۔
میئر کراچی بیرسٹر مرتضیٰ وہاب نے خط میں کہا کہ پاکستان کی مجموعی برآمدات میں سب سے بڑا حصہ کراچی کا ہے، کراچی ملک کی 55 فیصد برآمدات کا مرکز ہے۔ وفاقی وزیرِ محنت کو لکھے گئے خط میں میئر کراچی مرتضیٰ وہاب نے یہ مطالبہ بھی کیا کہ دیگر شہروں میں کی گئی سرمایہ کاری کی تفصیلات کراچی کے ساتھ بھی شیئر کی جائیں۔
ذریعہ: Islam Times
کلیدی لفظ: میئر کراچی وفاقی وزیر برا مدات وہاب نے
پڑھیں:
جب بھی کراچی آتا ہوں یہاں کا انفرااسٹرکچر دیکھ کر انتہائی دکھ ہوتا ہے، وفاقی وزیر عبد العلیم خان
کراچی(ڈیلی پاکستان آن لائن)وفاقی وزیر برائے مواصلات عبدالعلیم خان نے کہا ہے کہ جب بھی کراچی آتا ہوں مجھے یہاں کا انفرااسٹرکچر دیکھ کر انتہائی دکھ ہوتا ہے۔اپنے بیان میں عبدالعلیم خان کا کہنا تھاکہ کراچی کا موجودہ انفرااسٹرکچر ہمارے معاشی مرکز کے شایانِ شان نہیں۔ انہوں نے کہاکہ جب بھی کراچی آتا ہوں مجھے یہاں کا انفرااسٹرکچر دیکھ کر انتہائی دکھ ہوتا ہے۔
عبدالعلیم خان کا کہنا تھاکہ لیاری ایکسپریس وے پرجاری کام غیرتسلی بخش ہے، ممبر ساؤتھ کومعطل کرنےکی ہدایت کردی، لیاری ایکسپریس وے کومثالی منصوبےمیں تبدیل کیا جائےگا۔انہوں نے کہا کہ ایم-6 اور ایم-10 موٹروے منصوبے اسی مالی سال کے دوران شروع ہوں گے اور یہ سندھ کی عوام کےلیے ایم 6 اور ایم10 موٹروے وفاقی حکومت کا تحفہ ہیں۔وفاقی وزیر کا کہنا تھاکہ کراچی کی عوام کوصاف ستھرا شہر اور معیاری انفرااسٹرکچر فراہم کریں گے، موٹرویز کی تکمیل سے کراچی پورٹ پورے ملک سے براہِ راست منسلک ہو جائے گا۔
خیبر پختونخوا حکومت کو چاہئے ڈی جی آئی ایس پی آر کے خیرمقدمی بیان پر مثبت ردعمل دیا جائے،فواد چودھری
مزید :
کراچی، نادرن بائی پاس پر پلاسٹک کے گودام میں آگ لگ گئی