میئر کراچی مرتضیٰ وہاب کا وفاقی وزیرِ تجارت جام کمال کو خط
اشاعت کی تاریخ: 21st, June 2025 GMT
کراچی کے میئر مرتضیٰ وہاب اور وفاقی وزیرِ تجارت جام کمال—فائل فوٹوز
کراچی کے میئر مرتضیٰ وہاب نے وفاقی وزیرِ تجارت جام کمال کو خط لکھ دیا۔
میئر کراچی مرتضیٰ وہاب نے وفاقی وزیرِ تجارت جام کمال کو لکھے خط میں کہا ہے کہ وفاقی وزیر جام کمال ای ڈی ایف بورڈ کے چیئرمین بھی ہیں۔
خط میں کراچی کے میئر کا کہنا ہے کہ وفاق کی جانب سے کراچی کو مسلسل نظر انداز کیا جا رہا ہے، کراچی کو ایکسپورٹ ڈیولپمنٹ فنڈز سے کوئی خاطر خواہ رقم نہیں ملی۔
میئر کراچی مرتضیٰ وہاب نے بین الاقوامی ادارے کی جانب سے کراچی کو رہنے کے لیے بدترین شہروں کی فہرست میں شامل کرنے کو مسترد کر دیا۔
میئر کراچی نے اپنے خط میں مطالبہ کیا ہے کہ ایکسپورٹ ڈیولپمنٹ فنڈز کی مد میں کراچی کے لیے خصوصی رقم مختص کی جائے۔ کراچی کی ترقی سے پاکستان کی ترقی جڑی ہے۔
میئر کراچی بیرسٹر مرتضیٰ وہاب نے خط میں کہا ہے کہ پاکستان کی مجموعی برآمدات میں سب سے بڑا حصہ کراچی کا ہے، کراچی ملک کی 55 فیصد برآمدات کا مرکز ہے۔
وفاقی وزیرِ محنت کو لکھے گئے خط میں میئر کراچی مرتضیٰ وہاب نے یہ مطالبہ بھی کیا ہے کہ دیگر شہروں میں کی گئی سرمایہ کاری کی تفصیلات کراچی کے ساتھ بھی شیئر کی جائیں۔
.ذریعہ: Jang News
کلیدی لفظ: میئر کراچی مرتضی تجارت جام کمال وفاقی وزیر کراچی کے وہاب نے
پڑھیں:
سوشل میڈیا پر پروپیگنڈے کا جواب، مصطفیٰ کمال نے اپنی بیٹی کو اینٹی سروائیکل کینسر ویکسین لگوا دی
وفاقی وزیر صحت سید مصطفیٰ کمال نے اینٹی سروائیکل کینسر ویکسین کے بارے میں پھیلنے والی افواہوں کو رد کرتے ہوئے اپنی بیٹی کو ویکسین لگوا لی۔
کراچی میں پریس کانفرنس کرتے ہوئے ان کا کہنا تھا کہ سروائیکل ویکسین کے بارے میں جھوٹی مہم چلائی جا رہی ہے، جس کا جواب میں نے ایسے کرکے دیا کہ اپنی بیٹی کو سب کے سامنے ویکسین لگوا دی تاکہ واضح ہو کہ یہ ویکسین محفوظ ہے۔
یہ بھی پڑھیں: سروائیکل کینسر کیخلاف آگاہی مہم، شہزاد رائے بھی میدان میں آگئے
انہوں نے کہاکہ میرے 30 سالہ سیاسی سفر میں کبھی اپنے اہل خانہ کو عوامی طور پر سامنے نہیں لایا، لیکن اس بار غلط اطلاعات کو روکنے کے لیے مجھے یہ فیصلہ کرنا پڑا۔
قوم کی بیٹیاں عزیز ہیں ! جو کچھ کیا، اللہ کی رضا کے لیے کیا۔
وفاقی وزیرصحت مصطفیٰ کمال نے اپنی بیٹوں کو سرویکل کینسر سے بچاؤ کی ویکسین لگوائی ! pic.twitter.com/0Z0TTaVWZd
— WE News (@WENewsPk) September 20, 2025
ان کا مزید کہنا تھا کہ جیسے میری بیٹی مجھے عزیز ہے، ویسے ہی مجھے قوم کی ہر بیٹی پیاری ہے۔ ہمارا مقصد اللہ کی رضا کی خاطر عوام کو بیماریوں سے بچانا ہے۔
مصطفیٰ کمال نے کہاکہ موجودہ نظام صحت میں ہر فرد کا علاج ممکن نہیں، لوگ اسپتالوں میں داخل ہونے کے بعد وہیں کے ہو کر رہ جاتے ہیں، اس لیے ضروری ہے کہ ہم ویکسینیشن کی اہمیت کو سمجھیں اور اسے عام کریں۔
وفاقی وزیر کے مطابق آئندہ مزید ویکسینز متعارف کروائی جائیں گی، اور بیماریوں سے بچاؤ کے لیے ان کا استعمال ناگزیر ہوگا۔ کینسر ایک ایسا جان لیوا مرض ہے جو صرف مریض کو نہیں، بلکہ اس کے پورے خاندان کو متاثر کرتا ہے، لہٰذا اس سے بچاؤ ہی سب سے مؤثر راستہ ہے۔
یہ بھی پڑھیں: سروائیکل کینسر ویکسین تولیدی صحت کے لیے کتنی محفوظ، پاکستان میں لوگ بائیکاٹ کیوں کررہے ہیں؟
واضح رہے کہ حکومت نے 15 ستمبر سے ملک میں اینٹی سروائیکل کینسر ویکسین کی مہم شروع کی ہے، تاہم اس حوالے سے سوشل میڈیا پر مختلف غلط فہمیاں پھیلائی جارہی ہیں، جس کا جواب آج وفاقی وزیر صحت نے دے دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اینٹی سروائیکل کینسر بیٹی کو ویکسین لگوا دی پروپیگنڈا مسترد مصطفٰی کمال وی نیوز
لندن میں امیگریشن پالیسیوں کے خلاف 1 لاکھ سے زائد افراد کا مظاہرہ، ایلون مسک کا خطاب