حیدرآباد کے شہریوں کو معیاری طبی سہولیات میسر نہیں،ادریس چوہان
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے قائم مقام صدر احمد ادریس چوہان نے وزیراعلیٰ سندھ سید مراد علی شاہ کو ایک خط ارسال کیا ہے جس میں انہوں نے سول اسپتال حیدرآباد میں جدید سہولیات سے آراستہ برنز وارڈ کے قیام اور اہم ریڈیالوجی مشینوں کی فوری مرمت کی ضرورت پر زور دیا ہے۔ اُنہوں نے اپنے خط اور میڈیا بیان میں کہا کہ حالیہ ایل پی جی سلنڈر دھماکوں اور سابقہ ٹرانسفارمر حادثات میں ہونے والے جانی و مالی نقصانات نے اِس اَمر کو اُجاگر کیا ہے کہ حیدرآباد جیسے بڑے شہر میں جھلسنے والے مریضوں کے لیے کوئی معیاری اور مربوط طبی سہولت موجود نہیں۔ یہ انتہائی تشویشناک اَمر ہے کہ سندھ کے دوسرے بڑے شہر میں آج تک جدید برنز وارڈ کا قیام عمل میں نہیں لایا گیا۔ احمد ادریس چوہان نے کہا کہ حیدرآباد نا صرف سندھ کا دوسرا بڑا شہر ہے بلکہ آس پاس کے اضلاع کے مریض بھی یہاں لائے جاتے ہیں۔ جدید سہولتوں سے آراستہ برنز وارڈ کی عدم موجودگی کے باعث جھلسنے والے مریضوں کو کراچی یا دیگر شہروں میں منتقل کرنا پڑتا ہے، جس سے مریض کی جان خطرے میں پڑتی ہے اور عام شہری کو مالی طور پر شدید بوجھ کا سامنا کرنا پڑتا ہے۔ انہوں نے سول اسپتال کے بچوں کے وارڈ میں ایک غیر سرکاری تنظیم لائف کے اشتراک سے جاری معیاری علاج کی سہولیات کو سراہتے ہوئے کہا کہ غریب و نادار بچوں کو مفت علاج کی فراہمی ایک قابلِ تحسین ماڈل ہے، جسے دیگر شعبہ جات میں بھی نافذ کیا جانا چاہیے تاکہ صحت کے شعبے میں بہتری لائی جا سکے۔ قائم مقام صدر نے گہری تشویش کا اِظہار کرتے ہوئے کہا کہ سول اسپتال حیدرآباد میں موجود سی ٹی اسکین اور ایم آر آئی مشینیں اکثر اوقات خراب یا بند رہتی ہیں، جس سے مریضوں کو ذہنی، جسمانی اور مالی اذیت کا سامنا کرنا پڑتا ہے خاص طور پر ہنگامی صورتحال میں ان مشینوں کی غیر موجودگی کے باعث سنگین نتائج سامنے آ سکتے ہیں۔ انہوں نے وزیراعلیٰ سندھ سے مطالبہ کیا کہ برنز وارڈ کے قیام کے ساتھ ساتھ سی ٹی اسکین اور ایم آر آئی مشینوں کی فوری مرمت اور ان کی مستقل بنیادوں پر دیکھ بھال کے لیے باقاعدہ میکانزم تشکیل دیا جائے تاکہ شہریوں کو بروقت تشخیص اور علاج کی سہولت میسر آسکے۔ احمد ادریس چوہان نے اس امید کا اظہار کیا کہ وزیراعلیٰ سندھ شہری مسائل کو سنجیدگی سے لیتے ہوئے فوری اور مثبت اقدامات کریں گے تاکہ عوام کو بنیادی صحت کی سہولیات عزت، وقار اور وقت کے تقاضوں کے مطابق فراہم ہو سکیں۔
.ذریعہ: Jasarat News
کلیدی لفظ: ادریس چوہان برنز وارڈ
پڑھیں:
امریکی عدالت کا ٹرمپ انتظامیہ کو غریب شہریوں کیلیے مکمل فوڈ امداد بحال کرنے کا حکم
data-id="863a0a8" data-element_type="widget" data-widget_type="theme-post-content.default">
واشنگٹن: ریاست رہوڈ آئی لینڈ کی ایک وفاقی عدالت نے امریکی صدر ڈونلڈ ٹرمپ کی انتظامیہ کو حکم دیا ہے کہ وہ ملک بھر کے 4 کروڑ 20 لاکھ سے زائد شہریوں کو مکمل فوڈ اسٹیمپ (SNAP) ادائیگیاں یقینی بنائے۔
عالمی میڈیا رپورٹس کے مطابق ڈسٹرکٹ جج جان مک کونل نے اپنے فیصلے میں کہا کہ حکومت کی تاخیر کے باعث غریب خاندانوں کو خوراک سے محروم نہیں کیا جا سکتا، شواہد سے ظاہر ہوتا ہے کہ لوگ بھوک کا شکار ہوں گے، فوڈ پینٹریز پر دباؤ بڑھے گا اور بلاوجہ تکلیف میں اضافہ ہوگا۔ یہ ایک ایسا بحران ہے جو پیدا ہی نہیں ہونا چاہیے تھا۔
خیال رہےکہ امریکا کی تاریخ کے طویل ترین حکومتی شٹ ڈاؤن کے دوران فوڈ اسٹیمپ پروگرام متاثر ہوا تھا، دو ہفتے قبل ٹرمپ انتظامیہ نے اعلان کیا تھا کہ شٹ ڈاؤن کے دوران 5 ارب ڈالر کے فنڈز استعمال نہیں کیے جا سکتے، جس کے باعث خوراک کی معاونت بند ہونے کا خطرہ پیدا ہوگیا تھا۔
بعد ازاں حکومت نے عارضی طور پر 4.65 ارب ڈالر جاری کیے تھے، تاہم یہ رقم صرف 65 فیصد مستحق خاندانوں کے لیے کافی تھی۔ انتظامیہ نے بچوں کی غذائیت کے لیے مختص فنڈز استعمال کرنے سے بھی انکار کر دیا تھا۔
اس فیصلے کے بعد مختلف فلاحی تنظیموں نے عدالت سے رجوع کیا، جن کا مؤقف تھا کہ جزوی ادائیگیاں لاکھوں غریب امریکیوں کی ضروریات پوری کرنے کے لیے ناکافی ہیں۔ ان کے مطابق فوڈ اسٹیمپ پر انحصار کرنے والے افراد کے لیے یہ امداد ان کی بنیادی خوراک کا واحد ذریعہ ہے۔
عدالتی سماعت کے دوران ٹرمپ انتظامیہ کے وکلاء نے مؤقف اپنایا کہ ادائیگیوں میں تاخیر کی ذمہ داری ریاستی حکومتوں پر عائد ہوتی ہے۔ تاہم جج مک کونل نے اس دلیل کو مسترد کرتے ہوئے کہا کہ وفاقی حکومت نے وقت پر ادائیگی یقینی بنانے کے لیے کچھ نہیں کیا۔
عدالت نے حکم دیا کہ انتظامیہ نہ صرف موجودہ فنڈز بلکہ بچوں کی غذائیت کے پروگرام کے لیے مختص رقم بھی استعمال کرے تاکہ تمام اہل شہریوں کو مکمل خوراک کی ادائیگیاں فراہم کی جا سکیں۔
الیکشن کمیشن نے کوئٹہ میں بلدیاتی انتخابات کے لیے شیڈول جاری کر دیا