آپریشن سندور میں بدترین ناکامی کے بعد مودی کی نئی چال
اشاعت کی تاریخ: 26th, June 2025 GMT
بی جے پی کے کٹھ پتلی بھارتی وزیراعظم کی آپریشن سندور میں بدترین ناکامی کے بعد مودی کی نئی چال کا انکشاف ہوا ہے۔
مودی سرکار پہلگام فالس فلیگ کے شواہد منظر عام پر لانے میں بری طرح ناکام ہو چکی ہے، جس کی وجہ سے اسے عالمی سطح پر شرمناک رسوائی کا سامنا ہے۔ فالس لیگ کی بنیاد پر کیے گئے آپریشن سندور میں عبرتناک شکست کی خفت مٹانے کے لیےمودی کا نیا ہتھیار بے نقاب ہوگیا۔
مودی کی ناکامیوں پر بھارتی عوام اور اپوزیشن جماعتوں کی جانب سے کڑی تنقید کی جا رہی ہے جب کہ مودی تسلی بخش جواب دینے سے تاحال قاصر ہے اور اپنی ناکامیوں کو چھپانے کے ساتھ ساتھ عوام کی توجہ ہٹانے کے لیے مودی نے ایک نیا مدعا چھیڑ دیا ہے۔
سیاسی ساکھ بچانے کے لیے سوشل میڈیا پلیٹ فارمایکس پر مودی نے ایک گمراہ کن ٹوئٹ کیا ہے۔ مودی کا اپنی ناکامیوں پر پردہ ڈالنے کے لیے اندرا گاندھی کے دور حکومت میں لگائی گئی ایمرجنسی کا سیاسی استعمال کیا جا رہا ہے۔
مودی نے ٹوئٹ میں کہا کہ 1975-77 کی ایمرجنسی کے تاریک دنوں کے متاثرہ خاندان اپنے تجربات سوشل میڈیا پر شیئر کریں۔ انہوں نے کہا کہ ایمرجنسی کے دوران تاریک اور شرمناک دنوں کی حقیقت نوجوان نسل تک پہنچانا ضروری ہے۔
مودی سرکار کا اپنی ناکامیوں سے توجہ ہٹانے کے لیے ایمرجنسی کا حوالہ دینا بی جے پی کی نااہلی کا منہ بولتا ثبوت ہے۔ مودی سرکار پربڑھتے سوالات کی بدولت اندرا گاندھی کی لگائی گئی ایمرجنسی کا بیانیہ چھیڑ کر عوام کو گمراہ کرنے کی کوشش کی جا رہی ہے۔
مودی درحقیقت اپنے عوام کے سامنے بھارت کی ناکامی اور رسوائی پر پردہ ڈالنے کے لیے اندرونی تضادات کو ہوا دے رہا ہے۔
.
ذریعہ
ذریعہ: Express News
کلیدی لفظ: کے لیے
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا