ایمازون کے بانی جیف بیزوس کی شادی میں کن بڑے ستاروں کو دعوے دی گئی؟
اشاعت کی تاریخ: 26th, June 2025 GMT
ایمازون کے بانی ارب پتی جیف بیزوس اور سابق صحافی لارین سانچیز کی ہونے والی شادی اس وقت توجہ کا مرکز بنی ہوئی ہے۔ ان کی شادی کو صدی کی سب سے بڑی شادی قرار دیا جا رہا ہے۔
جیف بیزوس اور لارین سانچیز شادی کے لیے وینس، اٹلی پہنچ گئے ہیں۔ شادی میں شرکت کے لیے دنیا بھر سے وی آئی پی مہمانوں کی آمد کا سلسلہ جاری ہے۔ جن میں ڈونلڈ ٹرمپ کی بیٹی ایوانکا، داماد جیرڈ کشنر سمیت فلم، فیشن اور کاروبار کی دنیا کی مشہور شخصیات شامل ہوں گی۔
اس کے علاوہ لیونارڈو ڈی کیپریو اور ان کی گرل فرینڈ وٹوریا چیریٹی، ٹونی گونزالیز اور ان کا 24 سالہ بیٹا نیکو بھی شامل ہیں۔ جبکہ کم کارڈیشین، کرس جینر، کیٹی پیری، اور ایوا لونگوریا کو پہلے ہی لارین سانچیز کے ساتھ جشن مناتے دیکھا گیا ہے۔
یہ بھی پڑھیں: ایمازون کے بانی جیف بیزوس کی دوسری شادی پر بڑے پیمانے پر احتجاج کیوں ہورہا ہے؟
بیزوس اور سانچیز کے شادی کے دعوت نامے بھی وائرل ہو رہے ہیں جو کہ بہت منفرد ہیں۔ ان کارڈز پر اڑتے ہوئے پرندوں، ہوا میں تیرتے پر، اور کشتی بانوں کی خوبصورت تصویریں بنی ہوئی ہیں۔
دعوت نامے میں لکھا گیا ہے کہ ہم پرجوش ہیں کہ آپ ہمارے ساتھ اس موقع میں شامل ہوں گے اور آپ سب سے درخواست ہے کہ براہ کرم کوئی تحفہ نہ لائیں۔ اس کے بجائے، ہم آپ کی آمد کے شکریے کے طور پر آپ کی طرف سے عطیات دے رہے ہیں۔
اس جوڑے نے مہمانوں کی طرف سے تحائف کے بجائے مختلف تنظیموں کو عطیات دینے کا فیصلہ کیا ہے۔ جن میں یونیسکو وینس آفس، کورِیلا اور وینس انٹرنیشنل یونیورسٹی ان مہمانوں کی طرف سے عطیات وصول کریں گے۔
یہ بھی پڑھیں: دنیا کے تیسرے امیر ترین شخص کی دوسری شادی پر کتنے ڈالرز خرچ ہوں گے؟
دعوت نامے میں مزید لکھا گیا ہے کہ آپ کی طرف سے درجِ ذیل اداروں کو عطیات دیے جا رہے ہیں، یونیسکو وینس آفس (تاکہ شہر کے ثقافتی ورثے کی حفاظت کی جا سکے)، کورِیلا (تاکہ وینس کے مستقبل کی حفاظت کرنے والے اہم لاگون کے ماحولیاتی نظام کو بحال کیا جا سکے)، اور وینس انٹرنیشنل یونیورسٹی (تاکہ پائیدار حل کے لیے تحقیق اور تعلیم کو فروغ دیا جا سکے)۔
تقریب میں صرف 200 مہمانوں کو مدعو کیا جائے گا، وینس کے میئر لوئیجی بروگنارو نے تصدیق کی ہے کہ تقریب تاریخی اطالوی شہر وینس میں ہی منعقد ہوگی، تاہم مخصوص مقام ظاہر نہیں کیا گیا۔
واضح رہے کہ دنیا کے امیر ترین افراد میں شامل اور ایمازون کے بانی جیف بیزوس کی اٹلی کے شہر وینس میں ہونے والی شادی کو لے کر عالمی ماحولیاتی تنظیم گرین پیس اور مقامی کارکنوں کی جانب سے شدید احتجاج کیا جا رہا ہے۔ مظاہرین کا کہنا ہے کہ ایک ارب پتی شخص اپنی تفریح کی خاطر ایک تاریخی اور نازک شہر کو کرائے پر نہیں لے سکتا۔
ناقدین کا کہنا ہے کہ وینس جیسا تاریخی شہر پہلے ہی سیاحت کے بوجھ سے دوچار ہے اور اسے مزید وی آئی پی تقریبات کی بجائے عوامی سہولیات، رہائش اور ماحولیاتی تحفظ کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی ایمازون جیف بیزوس جیف بیزوس شادی ڈونلڈ ٹرمپ وینس.ذریعہ: WE News
کلیدی لفظ: اٹلی ایمازون جیف بیزوس جیف بیزوس شادی ڈونلڈ ٹرمپ وینس ایمازون کے بانی جیف بیزوس کی طرف سے وینس ا کے لیے
پڑھیں:
جاپان میں انوکھی شادی: 63 سالہ دلہن اور 31 سالہ دلہا؛ دلہن عمر میں ساس سے بھی بڑی
جاپان میں ایک غیر معمولی اور دلچسپ محبت کی کہانی نے سب کو حیران کردیا، جہاں 63 سالہ خاتون نے اپنے سے 32 سال کم عمر نوجوان سے شادی کرلی۔ دلچسپ امر یہ ہے کہ دلہن عمر میں دلہے کی والدہ سے بھی چھ سال بڑی ہیں۔
ہانگ کانگ کے ساؤتھ چائنا مارننگ پوسٹ کے مطابق یہ جوڑا اب مل کر ایک میرج ایجنسی چلا رہا ہے۔ ان کے مطابق ان کا رشتہ ایک انوکھے اتفاق سے شروع ہوا اور پھر غیر متوقع طور پر رومانوی تعلق میں ڈھل گیا۔
خاتون نے 48 سال کی عمر میں دو دہائیوں پر محیط شادی شدہ زندگی ختم کر دی اور اکیلے اپنے بیٹے کی پرورش کی۔ انہوں نے کتوں کے ساتھ زندگی گزاری اور پالتو جانوروں کے کپڑوں کا کاروبار بھی کیا۔ کبھی کبھار وہ ڈیٹنگ ایپس استعمال کرتی تھیں مگر کوئی رشتہ قائم نہ رہ سکا۔
اگست 2020 میں ٹوکیو کے ایک کیفے میں خاتون کو ایک کھویا ہوا موبائل فون ملا، جو اسی نوجوان کا تھا۔ فون واپس کرنے پر دونوں کی پہلی ملاقات ہوئی اور جلد ہی بات چیت کا سلسلہ گہری دوستی میں بدل گیا۔ ایک ہفتے بعد ان کی ٹرام میں دوبارہ ملاقات ہوئی، جہاں انہوں نے نمبرز کا تبادلہ کیا اور روزانہ رات گئے تک گفتگو کرنے لگے۔
نوجوان نے پہلی ہی ملاقات میں ایک پرچی خاتون کو تھمائی، جس پر لکھا تھا: ’’براہ کرم میری پرنسس بن جاؤ‘‘۔ تقریباً ایک ماہ بعد دونوں نے ایک دوسرے کو اپنی اصل عمریں بتائیں، مگر تب تک ان کا رشتہ اس قدر مضبوط ہو چکا تھا کہ عمر کی حقیقت نے کوئی فرق نہ ڈالا۔
خاتون کا بیٹا، جو دلہے سے چھ سال بڑا ہے، پہلے دن سے اس رشتے کے حق میں رہا اور اپنی والدہ کو مکمل تعاون فراہم کیا۔ تاہم نوجوان کی والدہ نے ابتدا میں مخالفت کی کیونکہ دلہن ان سے بڑی تھی، لیکن بیٹے کی محبت دیکھ کر آخرکار وہ بھی راضی ہوگئیں۔
یہ جوڑا دسمبر 2022 میں باضابطہ طور پر رشتہ ازدواج میں بندھا۔ تین برس بعد بھی دونوں ایک دوسرے کو محبت سے ’’پرنس‘‘ اور ’’پرنسس‘‘ کہہ کر پکارتے ہیں، گھریلو ذمے داریاں بانٹتے ہیں اور ایک دوسرے کو اپنی زندگی کی سب سے بڑی خوشی قرار دیتے ہیں۔
Post Views: 1
وزیرِ مملکت داخلہ کا دورہ چین ، گلوبل پبلک سکیورٹی تعاون فورم میں شرکت