اسلامی سال 1447ہجری کا آغاز: صدر مملکت اور وزیراعظم کی قوم کو مبارکباد
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: صدر مملکت آصف زرداری اور وزیراعظم شہباز شریف نے نئے اسلامی سال 1447 ہجری کے آغاز پر قوم اور امتِ مسلمہ کو مبارکباد پیش کرتے ہوئے وطن عزیز پاکستان، مقبوضہ کشمیر اور فلسطین کے مظلوم مسلمانوں کے لیے امن، آزادی اور ترقی کی دعا کی ہے۔
میڈیا رپورٹس کےمطابق ایوانِ صدر سے جاری اعلامیہ میں کہا گیا ہےکہ صدر مملکت نے اسلامی ہجری سال کے آغاز پر دعا کی کہ نیا سال وطنِ عزیز میں امن، خوشحالی اور استحکام کا باعث بنے، محرم الحرام حرمت والا مہینہ ہے جس میں اللہ تعالیٰ نے ہر قسم کے انتشار اور لڑائی جھگڑے سے منع فرمایا ہے۔ اس مہینے کی مقدس فضیلت ہمیں نیکی، عبادت، رواداری، ایثار اور قومی یکجہتی کی تعلیم دیتی ہے۔
انہوں نے دعا کی کہ نیا سال پاکستان کے لیے خیر، سلامتی اور ترقی کا پیغام لے کر آئے، اللہ تعالیٰ پاکستان کو ہر فتنے، آفت اور بحران سے محفوظ رکھے اور ملت اسلامیہ کے لیے خوش حالی کا سال ثابت ہو۔
شہباز شریف نے اپنے پیغام میں کہا کہ محرم الحرام ہمیں ہمارے اسلاف کی عظیم قربانیوں کی یاد دلاتا ہے، خاص طور پر حضرت امام حسینؓ کی شہادت جو اسلام کی سربلندی اور حق و صداقت کی فتح کی علامت ہے۔ وزیراعظم نے کہا کہ امام عالی مقام کی قربانی ہمیں صبر، استقامت، سچائی اور اعلیٰ اقدار کو اپنانے کی تعلیم دیتی ہے۔
انہوں نے کہا کہ آج کے دور میں امت مسلمہ جن چیلنجز کا سامنا کر رہی ہے، ان میں کربلا جیسے واقعات ہمارے لیے معاشرتی ہم آہنگی، بین المسالک رواداری اور انسانیت کی خدمت کے پیغام کے طور پر رہنمائی فراہم کرتے ہیں۔
وزیراعظم نے کہا کہ ہمیں چاہیے کہ نئے سال کی ابتدا پر عہد کریں کہ ہم ایک مہذب، باکردار اور باشعور قوم کی حیثیت سے ابھریں گے، ایک ایسا معاشرہ تشکیل دیں گے جو فلاحِ انسانیت کا مظہر ہو۔
.ذریعہ: Jasarat News
کلیدی لفظ: کہا کہ
پڑھیں:
ہانک کانگ سپر سکسز ٹورنامنٹ کا آغاز آج سے، پاک بھارت ٹاکرا کب ہوگا؟
ہانگ کانگ سپر سکسز 2025 کے نئے ایڈیشن کا آغاز ہوچکا ہے، جس میں دنیا بھر کے مشہور و معروف کرکٹرز ایک منفرد انداز کے مقابلوں میں حصہ لیتے نظر آرہے ہیں۔
پاکستان نے اپنے ابتدائی میچ میں کویت کو 4 وکٹوں سے شکست دے کر ٹورنامنٹ میں اپنے سفر کا ایک کامیاب آغاز کیا ہے۔
رواں سال کے مقابلوں میں ایک بار پھر دُنیا کے دو بڑے حریف، بھارت اور پاکستان، مدِ مقابل ہوں گے، دونوں ٹیموں کو ہانگ کانگ انٹرنیشنل سکسز 2025 کے پول ’سی‘ میں رکھا گیا ہے۔
یہ بھی پڑھیں:
پچھلے سال کے ایڈیشن میں دونوں ٹیموں کا مقابلہ نہایت سنسنی خیز رہا تھا، جب آصف علی کی دھواں دار اننگز، 14 گیندوں پر 55 رنز، کی بدولت پاکستان نے بھارت کا 120 رنز کا ہدف محض 5 اوورز میں حاصل کر لیا تھا۔
ایشیا کپ کے دوران پیدا ہونے والے تنازعات کے بعد دونوں ممالک کے درمیان کشیدگی میں مزید اضافہ ہو گیا ہے، جس کے باعث اس میچ نے شائقینِ کرکٹ کی توجہ اپنی جانب مبذول کر لی ہے۔
اب سب کی نظریں اس بات پر مرکوز ہیں کہ دنیش کارتک کی قیادت میں بھارتی ٹیم کس طرح کا مظاہرہ کرتی ہے۔
مزید پڑھیں:
پاکستان اور بھارت کا یہ ہائی وولٹیج مقابلہ 7 نومبر بروز جمعہ کو ہانگ کانگ کے ٹن کوانگ روڈ ریکریشن گراؤنڈ میں کھیلا جائے گا۔
میچ پاکستانی وقت کے مطابق دوپہر تقریباً 12:35 بجے ٹاس کے ساتھ شروع ہوگا، جب کہ پہلا بال ایک بجے پھینکا جائے گا۔
بھارت میں شائقین یہ مقابلہ ’سونی اسپورٹس ٹین 5‘ ٹی وی چینل پر براہِ راست دیکھ سکیں گے، جب کہ آن لائن اسٹریمنگ ’سونی لِو‘ ایپ اور ویب سائٹ پر دستیاب ہوگی۔
مزید پڑھیں:
یہ منفرد بین الاقوامی ٹورنامنٹ ’کرکٹ ہانگ کانگ، چائنا‘ کے زیرِ اہتمام منعقد کیا جا رہا ہے، جسے انٹرنیشنل کرکٹ کونسل کی منظوری حاصل ہے، اس مقابلے میں 8 سے 12 ٹیمیں حصہ لیں گی۔
ہانگ کانگ سپر سکسز کو ٹیلی ویژن ناظرین کی دلچسپی اور تفریح کے لیے تیار کیا گیا ہے۔
یہ 6 کھلاڑیوں پر مشتمل مختصر طرز کا ٹورنامنٹ چھوٹے میدانوں میں کھیلا جاتا ہے، جہاں تیز رفتار بیٹنگ اور بڑے اسکور معمول کی بات سمجھے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سلمان خان کی نئی تصویریں وائرل، ممکنہ نئی فلم پر مداحوں کے تبصرے