ملک میں گوگل کروم بک مینوفیکچرنگ کا آغاز ہوچکا ‘شزا فاطمہ
اشاعت کی تاریخ: 9th, November 2025 GMT
data-id="863a0a8" data-element_type="widget" data-widget_type="theme-post-content.default">
251109-08-19
اسلام آباد (اے پی پی) وفاقی وزیر برائے انفارمیشن ٹیکنالوجی شزا فاطمہ خواجہ نے کہا ہے کہ معرکہ حق کی کامیابی اور وزیر اعظم محمد شہباز شریف کی انتھک کوششوں سے دنیا کی بڑی آئی ٹی کمپنیاں پاکستان آرہی ہیں، ملک میں گوگل کروم بک مینو فیکچرنگ کا آغاز ہوگیا ہے جہاں ہر سال 6 لاکھ تک کروم بکس تیار ہوں گی،گوگل کی پاکستان آمد بڑی خوشخبری ہے۔ان خیالات کا اظہار انہوں نے ہفتے کو یہاں نیوز کانفرس سے خطاب کرتے ہوئے کیا۔انہوں نے کہا کہ وزیر اعظم محمد شہباز شریف کی ہدایت پر کچھ عرصے میں دنیا کی بڑی کمپنیوں کے ساتھ بات چیت بارے پیش رفت سے آگاہ کرنا مقصود تھا اس حوالے سے خوشخبری بھی ہے کہ گوگل نے پاکستان آنے کا اعلان کیا ہے ،اس نے اپنی رجسٹریشن مکمل کرلی ہے اور جلد اپنا دفتر کھولے گی، گوگل کروم بکس کی پاکستان میں پیداوار کا آغاز بھی ہری پور میں کردیا گیا ہے۔ان کا کہنا تھا کہ وزارت دفاع کے ساتھ مل کر ٹیک ویلی کمپنی سے پرائیویٹ شراکت داری سے یہ شروع ہوئی ،ہر سال پاکستان میں 5 سے 6 لاکھ کروم بکس تیار ہوں گی جس سے نہ صرف سستی اور بہترین ڈیوائسز تعلیم کے شعبے کے لئے دستیاب ہوں گی بلکہ اس سے نوجوانوں کو روزگار کے مواقع میسر آئیں گے۔انہوں نے کہا کہ ہم نے ہری پور کا دورہ کیا جہاں یہ دیکھ کر خوشی ہوئی کہ 6 سو نوجوان وہاں ملازمت کررہے ہیں، ہم کوشش کریں گے کہ یہاں سے یہ کروم بکس برآمد بھی کی جائیں، یہ بھی خوش آئند تھا کہ ایک بڑی تعداد انجنیئر زسمیت بچیوں کی بھی یہاں خدمات سرانجام دے رہی ہے۔ان کا کہنا تھا کہ گوگل کے ساتھ وزارت کا معاہدہ ہوا ہے کہ نوجوان بچوں کو اے آئی کی ٹریننگ دیں گے،پاکستان میں گوگل کی لیبز قائم کرتے ہیں۔وفاقی وزیر نے کہا کہ سیکنڈری سکول میں اے آئی کی تعلیم یقینی بنانے جارہے ہیں جس کے لئے وزارت تعلیم سے صوبائی وزارت تعلیم نے بھی تعاون کیا ہے،بلوچستان اور کے پی سے بھی بات چل رہی ہے کہ اے آئی کی تعلیم کو ترجیح دیں۔انہوں نے کہا کہ میٹا کی ٹیم نے بھی پاکستان کا دورہ کیا،ٹریننگ دی،میٹا لامہ پلیٹ فارم اردو میں شروع کردیاہے،اب اے آئی کی سہولت قومی زبان میں میسر ہوگی،ان سے بات چیت اور ہمارے بچوں کی کامیابی سے انہیں اس کا ادراک ہوا کہ ہمارے بچے انتہائی قابل ہیں۔انہوں نے کہا کہ ٹک ٹاک کی سٹمپفیڈ پاکستان میں لانچ ہوئی جو دنیا کے کئی ممالک میں نہیں ،اس کے ذریعے ٹک ٹاک کے مثبت استعمال سے تعلیمی سہولیات دستیاب ہوسکتی ہیں۔انہوں نے بتایا کہ معرکہ حق میں آرمی چیف فیلڈ مارشل جنرل عاصم منیر کی سربراہی میں جنگ جیتنے اور سائبر فتح کے نتیجے میں سعودی عرب سے معاہدہ ہوا جو بڑی کامیابی ہے،اس کے نتیجے میں گو ٹیلی کام نے بھی پاکستان میں اپنا اے آئی ہب کھولا ہے،اس کے تحت سعودی اور پاکستانی کمپنیوں کو براہ راست مارکیٹس تک رسائی ہوگی،وہ یہاں اپنا دفتر کھول رہے ہیں جس سے ملازمتوں کے مواقع پیدا ہوں گے۔ا ن کا کہنا تھا کہ وزیر اعظم محمد شہباز شریف کی انتھک کوششوں اور ایس آئی ایف سی کی کاوشوں سے رکاوٹوں کو حل کیا گیا جس کے مثبت نتائج سامنے آرہے ہیں،دنیا کی بڑی کمپنیاں پاکستان آرہی ہیں۔
ذریعہ: Jasarat News
کلیدی لفظ: انہوں نے کہا کہ پاکستان میں اے آئی کی تھا کہ
پڑھیں:
پاکستان اور جرمنی کے درمیان مشترکہ ترقیاتی منصوبوں کا آغاز
پاکستان نے جرمنی کے ساتھ مشترکہ ترقیاتی منصوبوں کا آغاز کردیا ہے۔
تفصیلات کے مطابق ایس آئی ایف سی کے تعاون سے پائیدار ترقی اور گرین انویسٹمنٹ کے نئے مواقع میں اضافہ دیکھنے میں آیا ہے۔
پاکستان اورجرمنی کے درمیان ماحولیاتی و توانائی شراکت داری میں توسیع ہوئی ہے جبکہ جرمنی کی جانب سے پاکستان کیلئے 114 ملین یورو کی مالیاتی اور فنی معاونت کا اعلان کیا گیا ہے۔
معاونت کا مقصد موسمیاتی مزاحمت، توانائی کی منتقلی اور سماجی تحفظ کے منصوبوں کو فروغ دینا ہے۔ جرمنی کے اشتراک سے پاکستان میں تربیتی پروگرامز، نوجوانوں کیلئے روزگار اور قدرتی آفات سے بچاؤ کے انتظام میں بہتری لائی جائے گی۔
جرمنی نے ماحولیاتی تبدیلی، معاشی استحکام اور سماجی شمولیت میں تعاون جاری رکھنے کے عزم کا اعادہ بھی کیا۔ کاربن مارکیٹ پروگرام میں پیش رفت، ماحولیاتی ترقی اور بین الاقوامی سرمایہ کاری کے لیے عملی اقدامات کابھی آغاز کردیا گیا ہے۔
الیکشن ٹریبونل نے وزیراعلیٰ پنجاب مریم نواز کی کامیابی کیخلاف انتخابی عذرداری مسترد کردی