یمن میں سعودی، امریکی اور صہیونی جاسوسی عناصر کی مزید تفصیلات سامنے آ گئیں
اشاعت کی تاریخ: 9th, November 2025 GMT
مشترکہ جاسوسی نیٹ ورک کے کئی ارکان کی گرفتاری اور نیٹ ورک کے خاتمے کے بعد یمن کے المسیرہ ٹی وی نے اس نیٹ ورک کے ایک سعودی رکن مجدی محمد حسین کے اعترافات کے بعض حصے نشر کیے۔ اسلام ٹائمز۔ فلسطین کے حامی یمن اسلامی کیخلاف سرگرم مجدی محمد حسین نامی سعودی جاسوسی نیٹ ورک کے ایک رکن نے اپنے اعترافات میں کہا ہے کہ وہ ملک میں کیمروں کے ذریعے مختلف عمارتوں اور مقامات کی شناختی و معلوماتی مہمات انجام دیتا رہا ہے۔ بین الاقوامی خبررساں ادارے تسنیم کے مطابق امریکہ، اسرائیل اور سعودی عرب کے خفیہ اداروں کے درمیان قائم ایک مشترکہ جاسوسی نیٹ ورک کے کئی ارکان کی گرفتاری اور نیٹ ورک کے خاتمے کے بعد یمن کے المسیرہ ٹی وی نے اس نیٹ ورک کے ایک سعودی رکن مجدی محمد حسین کے اعترافات کے بعض حصے نشر کیے۔ ان اعترافات میں اس کی خفیہ سرگرمیوں کے نئے پہلو سامنے آئے ہیں۔ اس نے تفتیش کے دوران تسلیم کیا کہ وہ ملک کے اندر مخصوص عمارتوں اور تنصیبات کی نگرانی اور فلم بندی کے مشن انجام دیتا رہا ہے۔ مجدی محمد حسین نے اپنے اعترافات میں بتایا کہ جاسوسی نیٹ ورک کے سربراہ مجھے مختلف مقامات پر بھیجنے کے احکامات دیتا تھا تاکہ میں وہاں جا کر نگرانی اور معلوماتی سروے انجام دوں۔ انہوں نے کہا کہ مجھ سے کہا جاتا تھا کہ گاڑی میں نصب کیمرہ آن کروں یہ کیمرہ موڈِم اور بجلی کے منبع سے جڑا ہوتا تھا تاکہ تصاویر براہِ راست (لائیو) ان تک منتقل ہوں۔ وہ مزید کہتا ہے کہ انہیں ہدایت تھی کہ تمام آلات کو اس نظام کے تحت چلاؤں جسے وہ ‘مکمل سازوسامان کا نظام’ کہتے تھے۔ پھر مجھے حکم دیا جاتا کہ گاڑی کو بند کرکے وہاں سے کچھ فاصلے پر چلا جاؤں۔ بعض مشنز میں وہ مجھے گاڑی میں ہی رہنے اور تقریباً دس سے بیس منٹ انتظار کرنے کو کہتے، جبکہ بعض مواقع پر ہدایت دیتے کہ فوراً وہاں سے نکل جاؤں۔ اس نے اپنے افسرِ رابطہ اور نگران افسر سے رابطے کے طریقۂ کار کے بارے میں کہا کہ وہ ہمیشہ GPS نقشے کے ذریعے مجھے درست مقام بھیجتا تھا، حتیٰ کہ گاڑی کھڑی کرنے کی جگہ بھی طے کرتا تھا۔ کبھی وہ مجھ سے کہتا کہ تھوڑا آگے بڑھ جاؤ، کیونکہ وہ خود براہِ راست تصاویر دیکھ رہا ہوتا تھا اور تمام حرکات کا تعاقب کرتا تھا۔
یاد رہے کہ یمن کی وزارتِ داخلہ نے حال ہی میں اعلان کیا ہے کہ امریکہ، اسرائیل اور سعودی عرب کے خفیہ اداروں کے درمیان قائم ایک مشترکہ جاسوسی نیٹ ورک کے متعدد عناصر کو گرفتار کر لیا گیا ہے اور اس نیٹ ورک کے آپریشن روم کو تباہ کر دیا گیا ہے۔
ذریعہ
ذریعہ: Islam Times
کلیدی لفظ: کہ جاسوسی نیٹ ورک کے
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار