پنجاب بھر میں یکم تا 10 محرم الحرام دفعہ 144 نافذ، ڈبل سواری سمیت کئی پابندیاں
اشاعت کی تاریخ: 27th, June 2025 GMT
لاہور(نیوز ڈیسک)پنجاب بھر میں یکم تا 10 محرم الحرام دفعہ 144 نافذ کردی گئی ہے، جس کے تحت ڈبل سواری سمیت کئی دیگر پابندیاں بھی نافذ ہو گئیں۔
ترجمان محکمہ داخلہ پنجاب کے مطابق محرم الحرام کے دوران امن و امان کی صورتحال برقرار رکھنے کے لیے صوبہ بھر میں دفعہ 144 نافذ کر دی گئی ہے، جو یکم محرم الحرام سے 10 محرم الحرام یعنی 27 جون سے 6 جولائی 2025 تک نافذ العمل رہے گی۔
محکمہ داخلہ نے دفعہ 144 کے تحت صوبے بھر میں 7مختلف نوعیت کی پابندیاں عائد کی ہیں، جن کا مقصد عوامی تحفظ اور فرقہ وارانہ ہم آہنگی کو یقینی بنانا ہے۔
اس ضمن میں جاری نوٹیفکیشن کے مطابق محرم الحرام کے دوران صرف اجازت یافتہ جلوسوں اور مجالس کی اجازت ہوگی۔ مجاز اتھارٹی کی اجازت کے بغیر عوامی مقامات پر کسی بھی قسم کے ہتھیار، آتش گیر مواد، یا ان کی نمائش پر مکمل پابندی ہوگی۔
اس کے علاوہ ایسے نعرے، اشارے یا بیانات جو کسی بھی فرقے یا قومیت کے جذبات کو بھڑکا سکتے ہوں، ان پر بھی سختی سے پابندی عائد کی گئی ہے۔ سوشل میڈیا یا کسی بھی ذریعے سے فرقہ وارانہ یا نسلی منافرت پر مبنی تبصروں پر بھی دفعہ 144 لاگو ہوگی۔
جلوس کے راستوں پر واقع عمارتوں کی چھتوں پر مورچے بنانے، پتھر، اینٹیں، بوتلیں یا کچرا جمع کرنے اور تماشائیوں کی موجودگی پر مکمل پابندی ہوگی۔ اسی طرح دکانوں کے تھڑوں پر بھی بیٹھنے یا جمع ہونے کی اجازت نہیں ہوگی۔
پنجاب حکومت نے 9 اور 10 محرم کو ڈبل سواری پر پابندی عائد کر دی ہے، تاہم باقی تمام پابندیوں کا اطلاق پورے عشرہ محرم یعنی یکم سے 10 محرم تک رہے گا۔ ترجمان کے مطابق بزرگ شہریوں، خواتین اور قانون نافذ کرنے والے اداروں کے اہلکاروں کو ڈبل سواری کی پابندی سے استثنا حاصل ہوگا۔
محکمہ داخلہ پنجاب نے عوامی آگاہی کے لیے دفعہ 144 کے نفاذ کا باقاعدہ نوٹیفکیشن جاری کر دیا ہے اور ہدایت کی ہے کہ اس حکم نامے کی بڑے پیمانے پر تشہیر کی جائے تاکہ شہری بروقت مطلع ہو کر ان احکامات پر عمل درآمد یقینی بنا سکیں۔
مزیدپڑھیں:ایرانی وزیر خارجہ نے ٹرمپ کے مذاکراتی دعوے کی دوٹوک تردید کردی
ذریعہ
ذریعہ: Daily Ausaf
کلیدی لفظ: محرم الحرام ڈبل سواری
پڑھیں:
دکانیں، بازار، شاپنگ مالز اور عمومی ریٹیل کاروبار رات 9 بجے تک کھلے رکھنے کی اجازت دینے کا فیصلہ
اسلام آباد (ڈیلی پاکستان آن لائن)نائب وزیرِاعظم اسحاق ڈار کی زیرِ صدارت کفایت شعاری اقدامات کی نگرانی اور عملدرآمد کمیٹی کا اہم اجلاس ہوا جس دوران دکانوں اور کاروباری مراکز کے اوقاتِ کار میں توسیع کا بڑا فیصلہ ہو گیا، دن کے طویل دورانیے اور شدید گرمی کے پیشِ نظر اب ملک بھر میں دکانیں، بازار اور شاپنگ مالز رات نو بجے تک کھلے رہ سکیں گے۔
کمیٹی کے فیصلے کے مطابق ریٹیل کاروبار اور شاپنگ مالز کو رات نو بجے تک جبکہ ریسٹورنٹس، کیفے اور کھانے پینے کے مراکز کو رات گیارہ بجے تک کھلے رکھنے کی اجازت ہوگی۔ دوسری جانب، شادی ہالز اور تقریبات کے مقامات پر یہ ریلیف لاگو نہیں ہوگا اور وہ بدستور رات دس بجے بند کر دیئے جائیں گے۔ اجلاس میں واضح کیا گیا کہ فارمیسیز، اسپتال، پٹرول پمپس، آئی ٹی اور ٹیلی کام سے متعلق خدمات اوقاتِ کار کی اس پابندی سے مکمل طور پر مستثنیٰ ہوں گی۔ اسحاق ڈار کی جانب سے تمام صوبوں کو ہدایت کی گئی ہے کہ وہ وفاقی حکام کے ساتھ قریبی رابطے میں رہتے ہوئے نئی ہدایات پر سختی سے عملدرآمد یقینی بنائیں۔
وزیر خارجہ سینیٹر اسحاق ڈار سے بیلجیئم میں پاکستان کے سفیررحیم حیات قریشی کی اہم ملاقات
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ