سلطان آباد میں سیوریج نظام تباہ ‘عوام پریشان
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ضلع کیماڑی کی یوسی 46 سلطان آباد گندگی، غلاظت کا ڈھیر، لوگ سیوریج کا گندا پانی پینے پر مجبور، منتخب چیئرمین، نائب چیئرمین کی نا اہلی، غفلت اور ناقص کارکردگی نے عوام کی زندگی عذاب کردی۔ تفصیلات کے مطابق مولوی تمیزالدین خان روڈ یوسی 46 سلطان آباد میں سیوریج کا نظام تباہ و برباد ہوگیا، یومیہ بنیاد پر گٹر ابل رہے ہیں، جس کے باعث گلیاں، چوراہے گندے تالاب کا منظر پیش کررہے ہیں، بیشتر گلیوں سے مکینوں کا گزرنا محال ہوگیا ہے، اس کے علاوہ واٹر بورڈ کی لائنوں میں سیوریج کا گندا اور مضر صحت پانی آرہا ہے، جس نے مکینوں کو شدید ذہنی اذیت سے دوچار کردیا ہے جب کہ گندا پانی پینے سے پیٹ سمیت جلدی امراض تیزی سے پھیل رہے ہیں تاہم تحریک انصاف کے یوسی چیئرمین عیسیٰ خان محسود اور نائب چیئرمین سلطان خٹک کے کانوں پر جوں تک نہیں رینگ رہی، ان کی نا اہلی، غفلت اور ناقص کارکردگی کا خمیازہ مکین بھگت رہے ہیں۔ مکینوں نے منتخب بلدیاتی قیادت پر شدید برہمی کا اظہار کرتے ہوئے کہا کہ شکایت کریں تو نااہل چیئرمین، نائب چیئرمین فنڈز کی عدم دستیابی کا جواز پیش کرتے ہیں، اگر فنڈز نہیں ملے رہے تو استعفیٰ کیوں نہیں دیتے؟ ووٹ دیا ہے تو جواب بھی مانگیں گے۔ مکینوں نے سوال کیا کہ جب علاقے میں پانی کی لائنیں، سیوریج کی لائنیں نہیں ڈالی جارہیں، گٹر کے ڈھکن تک نہیں، اسٹریٹ لائٹس کا بھی کوئی نظام نہیں تو ماہانہ 12 لاکھ کا یوسی فنڈ کہاں جارہا ہے؟۔ مکینوں نے کہا کہ ناانصافیوں کا بدلہ آئندہ الیکشن میں ووٹ کی طاقت سے لیں گے، مئیر کراچی مرتضیٰ وہاب نااہل بلدیاتی قیادت سے استعفیٰ لیکر ہمیں مسائل سے نجات دلوائیں۔
.ذریعہ: Jasarat News
کلیدی لفظ: رہے ہیں
پڑھیں:
اسرائیل اور ایران کے درمیان جنگ بندی خوش آئند ہے، بیرسٹر سلطان
ایک بیان میں انہوں نے کہا کہ ایران اور اسرائیل جنگ نے مشرق وسطیٰ کو اپنی لپیٹ میں لے لیا تھا اور اس جنگ کے اثرات سے مشرق وسطیٰ سمیت پورا جنوبی ایشیاء متاثر ہو سکتا تھا۔ اسلام ٹائمز۔ صدر آزاد جموں و کشمیر بیرسٹر سلطان محمود چوہدری نے کہا ہے کہ اسرائیل اور ایران کے درمیان جنگ بندی خوش آئند ہے، جنگ سے دونوں ممالک کا نقصان ہوا ہے اور اب دونوں فریقین کو صبر و تحمل کا مظاہرہ کرتے ہوئے کسی بھی مزید اقدام سے پرہیز کرنا چاہیے، یہ جنگ بندی مستقل ہونی چاہیے تاکہ خطے میں مستقل اور پائیدار امن قائم ہو سکے۔ ایک بیان میں انہوں نے کہا کہ ایران اور اسرائیل جنگ نے مشرق وسطیٰ کو اپنی لپیٹ میں لے لیا تھا اور اس جنگ کے اثرات سے مشرق وسطیٰ سمیت پورا جنوبی ایشیاء متاثر ہو سکتا تھا۔ انہوں نے کہا کہ جنگ بندی کا ہونا خطے کے امن کے لئے ایک اہم پیشرفت ہے کیونکہ جنگ کسی بھی مسئلے کا حل نہیں ہے اور تمام معاملات مذاکرات کی میز پر ہی حل ہونے چاہیں۔ سلطان محمود چوہدری نے کہا کہ اس جنگ کی بنیادی وجہ مسئلہ فلسطین ہے کیونکہ اسرائیل نے فلسطینیوں پر بمباری کر کے بے گناہ اور نہتے فلسطینیوں کو شہید کیا اور یہاں تک کہ جنگ سے متاثرہ فلسطینیوں کے کیمپوں تک کھانے پینے کی اشیاء کی رسائی بھی ممکن نہیں ہے جس سے فلسطین میں انسانی جانوں کے ضیاع کا خطرہ پیدا ہو گیا ہے بالخصوص وہاں پر بچوں، خواتین اور بوڑھوں کو خوراک اور ادوویات کی فراہمی نہ ہونے کی وجہ سے ایک بڑےانسانی المیہ کے جنم لینے کا خدشہ ہے، لہذا اب یہ مناسب اور صحیح وقت ہے کہ فلسطین کے عوام کو بھی آزادی کی نعمت سے سرفراز کیا جائے تاکہ مشرق وسطیٰ میں ایک دیرپا اور پائیدار امن قائم ہو سکے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی