منگھوپیر کی مرکزی سڑک 25 سال سے تباہ حال،شہری پریشان،میئر کراچی لاتعلق
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
251111-02-23
کراچی (اسٹاف رپورٹر) منگھوپیر کی مرکزی سڑک گزشتہ 25 سال سے خستہ حالی کا شکار ہے، جس کے باعث علاقے کے مکینوں کو شدید مشکلات، ٹریفک جام، گاڑیوں کے نقصانات اور دھول مٹی سے پھیلنے والی بیماریوں کا سامنا ہے۔اس سڑک کو کے ایم سی کی 106 مرمت طلب سڑکوں کی فہرست میں شامل کیا گیا تھا، تاہم تاحال کوئی عملی پیش رفت نہیں ہوسکی۔ چند سال قبل ایک ٹریک جزوی طور پر تعمیر کیا گیا تھا، مگر وہ بھی دوبارہ ٹوٹ پھوٹ کا شکار ہوچکا ہے۔علاقہ مکینوں کا کہنا ہے کہ روزانہ گھنٹوں ٹریفک جام رہتی ہے، اسکول، دفاتر اور اسپتال جانے والے شہری اذیت میں مبتلا ہیں، جبکہ مسلسل دھول سے بچے اور بزرگ سانس اور جلد کی بیماریوں میں مبتلا ہورہے ہیں۔امیر جماعت اسلامی ضلع غربی مدثر حسین انصاری نے منگھوپیر سڑک کی خستہ حالی پر شدید تشویش کا اظہار کرتے ہوئے کہا کہ ‘‘میئر کراچی نے عوامی مسائل حل کرنے کے بلند دعوے کیے مگر عملی طور پر کارکردگی صفر ہے۔ انہوں نے کہا کہ سڑکوں کی تباہ حالی شہریوں کے لیے اذیت ناک ہے اور یہ میئر کی نااہلی اور عدم توجہ کا منہ بولتا ثبوت ہے۔ جماعت اسلامی نے مطالبہ کیا ہے کہ منگھوپیر کی مرکزی سڑک کی فوری تعمیر و بحالی کو ترجیحی بنیادوں پر مکمل کیا جائے تاکہ عوام کو ریلیف مل سکے۔
ذریعہ: Jasarat News
پڑھیں:
کریم آباد شہر کا معاشی حب ‘ ضلع وسطی کا تجارتی مرکز ‘ سندھ حکومت نے انڈر پاس کے نام پر تباہ کر دیا‘ منعم ظفر
data-id="863a0a8" data-element_type="widget" data-widget_type="theme-post-content.default">
251109-01-7
کراچی(اسٹاف رپورٹر)امیر جماعت اسلامی کراچی منعم ظفر خان نے کریم آباد انڈر پا س کی تعمیر میں مسلسل تاخیر کے باعث شہریوں کو درپیش مشکلات اور کریم آباد سے وابستہ ہزاروں دکانداروں کا کاروبار شدید متاثر ہونے کے حوالے سے بڑی تعداد میں دکانداروںکے ساتھ کریم آباد انڈر پاس پر ایک پریس کانفرنس سے خطاب کرتے ہوئے کہا ہے کہ کریم آباد شہر کا ایک بڑا معاشی حب اور ضلع وسطی کا تجارتی مرکز ہے جسے سندھ حکومت کی نا اہلی و ناقص منصوبہ بندی نے کریم آباد انڈر پاس کے نام پر تباہ اور بدترین صورتحال سے دوچار کر دیا ہے ، یہاں بازارفیصل ، مینابازار ،عدیل مارکیٹ ، بنی سعد مارکیٹ ، ،میمن مرکز ،اسپتالوں ،کئی کاروباری مراکز اور اس سے وابستہ تقریباََ 9ہزار دکانیں ہیں، جس سے تقریباََ 27ہزار لوگوں کے گھروں کا چولہا جلتا ہے ،3 سال پورے ہونے والے ہیں لیکن کریم آباد انڈر پاس مکمل نہیں ہو رہا ، ہمارا مطالبہ ہے کہ کریم آباد انڈر پاس فی الفور مکمل کیا جائے تاکہ شہریوں ، متاثرہ دکانداروں و تاجروں کو ریلیف مل سکے ، اسلام آباد میں 3انڈر پاس 72دن میں مکمل ہو گئے لیکن کراچی میں کسی منصوبے کے مکمل ہونے کی کوئی حتمی تاریخ نہیں دی جاتی ، کریم آباد انڈر پاس کا بجٹ 3گنا بڑھ چکا ہے ، ریڈ لائن پروجیکٹ مکمل ہونے کا دور دور تک کوئی امکان نظر نہیں آرہا ، گرین لائن پروجیکٹ ادھورا پڑا ہوا ہے ، پیپلز پارٹی ، نا اہلی ، بد انتظامی اور کرپشن کا بدترین امتزاج ہے ،سندھ حکومت کراچی کے 3360ارب روپے کھاگئی ، کراچی ملک کا سب سے زیادہ ٹیکس دینے والا شہر ہے لیکن عوام کو بنیادی سہولتیں میسر نہیں ہیں ، جماعت اسلامی اہل کراچی کا مقدمہ لڑ رہی ہے ، ہم نے سندھ حکومت کی جانب سے ای چالان کے نام پر اہل کراچی کی جیبوں پر ڈاکے کے خلاف بھی سندھ ہائی کورٹ میں پٹیشن دائر کی ہے ، ہم کراچی کے عوام کو تنہا نہیں چھوڑیں گے ۔ کریم آباد انڈر پاس منصوبے کی تعمیر کے نام پرعقب میں موسیٰ کالونی کو جانے والی 12 انچ کی پانی کی لائن کو توڑ دیا گیا ،جس کی وجہ سے پچھلے چند مہینوںسے موسیٰ کالونی کے لوگ پا نی سے محروم ہیں ، یہاں سیوریج کا نظام تباہ ہوگیا ہے ۔منعم ظفر خان نے کہا کہ جو صورتحال کریم آباد کی ہے وہی صورتحال پورے شہر کی ہے ، قابض میئر مرتضیٰ وہاب نے کہا تھاکہ 60دن کے اندر ہم شہر کی 106سڑکیں بنادیں گے ، لیکن پورے شہر میں سڑکیں ٹوٹی ہیں ، گٹر بہہ رہے ہیں ، جہانگیر روڈ ،7ہزار فٹ روڈ تباہ حال ہے ، ریڈ لائن پروجیکٹ شہریو ں کے لیے وبال جان بن گیا ہے ، نہ متبادل راستے دیے گئے ہیں ،نہ رہنمائی کے لیے بورڈ لگائے گئے ہیں، ایک جانب صوبائی حکومت اہل کراچی کو ان کے بنیادی سہولیات نہیں دے رہی اور دوسری جانب ای چالان کے نام پر بھاری بھاری جرمانے لگاکر شہریوں سے بھتا وصول کررہی ہے ، ای چالان دبئی کے حساب سے لگائے جارہے ہیں لیکن سہولیات کچے کے علاقوں سے بھی بدتر ہیں ، حد رفتار کے بورڈ موجود نہیں ہیں ،لائننگ نہیں کی جاتی ، سگنلز درست طریقے سے کام نہیں کررہے لیکن بھاری بھاری ای چالان وصول کررہے ہیں، یہ کسی طور بھی قبول نہیں ہے ۔انہوں نے مزید کہا کہ انڈر پاس کا منصوبہ شروع کرکے کریم آباد کے رہایشیوں کے ساتھ صوبائی حکومت انتہائی بھیانک سلوک کررہی ہے ، اس انڈر پاس کے نام پر ان لوگوں کے ساتھ دھوکا کیا جارہا ہے، دنیا بھر میں جہاں بھی کوئی منصوبہ شروع کیا جاتا ہے وہاں پہلے لوگوں کو متبادل دیا جاتاہے لیکن یہ کراچی ایسا انوکھا شہرہے ،جہاں صوبائی حکومت کوئی متبادل انتظام نہیں کرتی ،جس کے نتیجے میں یہاں کاروبار کرنے والے ،دکانیں چلانے والے لوگ شدید کرب اور اذیت میں مبتلا ہوجاتے ہیں۔ سیوریج کی لائنیں تباہ کردی گئی ہیں، جگہ جگہ کچرے کے ڈھیر ہیں، کچرا اٹھانا تو درکنار بلکہ دکانداروں کا کہنا ہے کہ یہاں کچرا جلایا جاتا ہے۔ پریس کانفرنس میں متاثرہ دکانداروں کی بڑی تعداد سمیت ، امیر ضلع وسطی گلبرگ کامران سراج ، ٹائون چیئر مین گلبرک نصرت اللہ ، ٹائون چیئر مین لیاقت آباد فراز حسیب ، سیکرٹری اطلاعات زاہد عسکری، یوسی چیئر مینز زبیر ولی ، ارشاد احمد و دیگر بھی موجود تھے ۔
امیر جماعت اسلامی کراچی منعم ظفر خان سندھ حکومت کی نااہلی ‘ کریم آباد انڈر پاس کی تعمیر میں مسلسل تاخیر کیخلاف کریم آباد انڈر پاس پر پریس کانفرنس کررہے ہیں، کامران سراج ، نصرت اللہ ‘ فراز حسیب اور دکانداروں کی بڑی تعداد موجود ہے
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ