کراچی میں ایک اور عمارت گرنے سے بچ گئی
اشاعت کی تاریخ: 6th, July 2025 GMT
کراچی(نیوز ڈیسک)کراچی کے قدیم علاقے اولڈ سٹی ایریا کھارادر میں رہائشی عمارت گرنے سے بچ گئی۔
محکمہ آثار قدیمہ کے مطابق بلڈر نے ہیوی مشینری سےآثار قدیمہ کی عمارت توڑنے کی کوشش کی جس سے رہائشی عمارت گرنے کا خطرہ پیدا ہو گیا۔
علاقہ مکینوں کا کہنا ہے کہ کھارادر کوئلہ گودام کے پاس آثار قدیمہ عمارت کو توڑا جا رہا تھا کہ عمارت توڑنے کے دوران ساتھ بنی عمارت میں جھٹکے محسوس ہونے لگے جس پر بلڈر کو عمارت توڑنے سے روکا اور متعلقہ حکام کو آگاہ کیا۔
اسسٹنٹ ڈائریکٹر کی سربراہی میں آثار قدیمہ کی ٹیم کھارادر پہنچ گئی۔ محکمہ آثار قدیمہ کا کہنا ہے کہ پولیس کی مدد سے 2افراد کو حراست میں لےلیا، بلڈر غیرقانونی طورپر سیل عمارت توڑ رہا تھا۔
لیاری میں ایک اور عمارت کے گرنے کا خطرہ پیدا ہوگیا، آگرہ تاج میں 7 منزلہ رہائشی عمارت میں دراڑیں پڑ گئیں۔
نجی ٹی وی کی رپورٹ کے مطابق مذکورہ مخدوش عمارت ابھی تک خالی نہیں کرائی گئی، شہری تاحال رہائش پذیر ہیں۔
اس حوالے سے علاقہ مکینوں کا کہنا ہے کہ 7منزلہ مخدوش عمارت میں 12یونٹس ہیں، عمارت میں تقریباً 10 خاندان رہائش پذیر ہیں۔
اس 7منزلہ عمارت کو اپریل میں مخدوش اور رہائش کیلیے ممنوع قرار دیا جا چکا ہے، بلڈر نے حال ہی میں رنگ و روغن کروا کر عمارت کو نیا بنانےکی کوشش کی تھی۔
مزیدپڑھیں:چین کا جوابی اقدام : یورپی کمپنیوں پر طبی آلات کی خریداری میں پابندیاں عائد
ذریعہ: Daily Ausaf
پڑھیں:
اٹلی: برفانی تودے کی زد میں آکر جرمن کوہ پیماؤں سمیت پانچ افراد ہلاک، دو زخمی
data-id="863a0a8" data-element_type="widget" data-widget_type="theme-post-content.default">
روم: اٹلی کے شمالی صوبے کے پہاڑی سلسلے میں جرمن کوہ پیماؤں کے دو مختلف گروپ برفانی تودے کی زد میں آگئے، جس کے نتیجے میں پانچ افراد ہلاک اور دو زخمی ہوگئے۔
عالمی میڈیا رپورٹس کے مطابق حادثہ تقریباً 3,200 سے 3,500 میٹر کی بلندی پر اُس وقت پیش آیا جب جرمن کوہ پیما ایک مشکل اور برف سے ڈھکے راستے پر چوٹی کی جانب بڑھ رہے تھے، اچانک گرنے والے برفانی تودے نے پہلے گروپ کے تین کوہ پیماؤں کو اپنی لپیٹ میں لے لیا، جو گہری کھائی میں گرنے سے موقع پر ہی ہلاک ہوگئے۔
بعد ازاں دوسرے گروپ کے دو افراد، جن میں ایک والد اور اُس کی 17 سالہ بیٹی شامل تھے، تقریباً 200 میٹر نیچے پھسلنے یا بہہ جانے کے بعد مردہ حالت میں پائے گئے۔
ریسکیو ٹیموں، کیمپ اسٹاف اور ہیلی کاپٹر کے عملے نے فوری امدادی کارروائی شروع کی، تاہم خراب موسم، برف باری اور دشوار گزار بلندی کے باعث کارروائی میں کافی تاخیر ہوئی، اس دوران دو کوہ پیماؤں کو زندہ نکال لیا گیا، جنہیں اسپتال منتقل کردیا گیا ہے اور ان کی حالت خطرے سے باہر بتائی جا رہی ہے۔
ماہرین کے مطابق حادثہ ایسے وقت میں پیش آیا جب علاقے میں تازہ برف باری کے باعث زمین ناہموار اور غیر مستحکم ہوچکی تھی۔ ممکنہ طور پر درجہ حرارت میں اچانک تبدیلی اور موسمی عدم توازن نے برفانی تودہ گرنے میں کردار ادا کیا۔
اعداد و شمار کے مطابق اٹلی سمیت یورپ کے دیگر پہاڑی ممالک میں ہر سال اوسطاً 20 سے 22 افراد برفانی تودوں یا اسکی ماؤنٹیننگ حادثات میں جان کی بازی ہار جاتے ہیں، اٹلی میں آف پِسٹ (off-piste) یا خطرناک ڈھلوانی راستوں پر ہونے والی اموات کی اوسط 21.6 فی سال ریکارڈ کی گئی ہے۔
خیال رہے کہ 2025 کی گرمیوں میں اٹلی کے پہاڑی علاقوں میں ہائیکرز اور سیاحوں کی اموات میں نمایاں اضافہ ہوا ہے، جس پر ماہرین نے موسم کی غیر متوقع تبدیلیوں اور گلوبل وارمنگ کو ذمہ دار قرار دیا ہے۔
کراچی، نادرن بائی پاس پر پلاسٹک کے گودام میں آگ لگ گئی