پورے سندھ میں 21 لاکھ نئے گھر بنانے ہیں ،امتیاز شیخ
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت) پورے سندھ میں 21 لاکھ نئی گھر بنانے ہیں، امتیاز احمد شیخ۔ پاکستان پیپلز پارٹی کا خواب تھا جسے ہم چیئرمین بلاول بھٹو کی ہدایت پر پورے سندھ میں پورا کر رہے ہیں ، امتیاز احمد شیخ ،ڈپٹی کمشنر آفس شکارپور میں سابق صوبائی وزیر محکمہ توانائی و رکن سندھ اسمبلی امتیاز احمد شیخ اور ڈپٹی کمشنر شکارپور شکیل احمد ابڑو نے سندھ حکومت کی ہدایات اور سرسو کے تعاون سے آج سندیں تقسیم کیں اور انہیں اپنے گھر کا حق دلایا۔ تفصیلات کے مطابق ڈپٹی کمشنر آفس شکارپور میں سابق صوبائی وزیر محکمہ توانائی و رکن سندھ اسمبلی امتیاز احمد شیخ اور ڈپٹی کمشنر شکارپور شکیل احمد ابڑو نے حکومت سندھ کی ہدایات اور سرسو کے تعاون سے غریب خواتین میں سند تقسیم کیں اور انہیں ان کے مکانات کے مالکانہ حقوق دینے کا اعلان کیا۔ اس موقع پر صوبائی وزیر امتیاز احمد شیخ نے کہا کہ پاکستان پیپلز پارٹی کا منفرد پروگرام ہے جس میں متاثرہ خواتین کو مالکانہ حقوق دیے جاتے ہیں۔ چیئرمین پیپلز پارٹی بلاول بھٹو زرداری کی ہدایات کے مطابق تمام گھروں کا مالکان ان خواتین کو بنایا گیا ہے ہم نے تقریباً 30-35 خواتین کو سند دے کر مالکانہ حقوق دلوائے ہیں اور ان میں سے تقریباً 85 فیصد نے رقم لے لی ہے پورے سندھ میں 21 لاکھ گھر بنانے ہیں جو ہم غریب خواتین کو دیں گے یہ پاکستان پیپلز پارٹی کا خواب تھا جسے ہم چیئرمین بلاول بھٹو کی ہدایت پر پورے سندھ میں پورا کر رہے ہیں صحافیوں سے شہر کے مسائل جن میں سبزی منڈی، سم نالوں، بس اسٹینڈ، بھینسوں کے باڑوں اور دیگر مسائل پر بات چیت کی ڈپٹی کمشنر شکارپور شکیل احمد ابڑو، اسسٹنٹ کمشنر محمد فیضان چیمہ، وائس چیئرمین وسیم الدین صدیقی، رضوان خان پھور، صدر پریس کلب شکارپور عبدالسلام انڑ، جنرل سیکرٹری رحیم بخش جمالی اور صدر یونین آف جرنلسٹس زاہد نون بھی موجود تھے۔
.
ذریعہ
ذریعہ: Jasarat News
کلیدی لفظ: امتیاز احمد شیخ پورے سندھ میں پیپلز پارٹی ڈپٹی کمشنر خواتین کو
پڑھیں:
سٹیٹ بینک کے زرمبادلہ ذخائر میں 3 کروڑ 30 لاکھ ڈالر کا اضافہ
سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ اسلام ٹائمز۔ گزشتہ ہفتے کے دوران زرمبادلہ کے ذخائر میں 3 کروڑ 30 لاکھ ڈالر کا اضافہ ریکارڈ کیا گیا۔ سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ مرکزی بینک کے مطابق کمرشل بینکوں کے زرمبادلہ ذخائر میں 3 کروڑ 80 لاکھ ڈالر کی کمی ہوئی، جس کے بعد ان کے ذخائر 5 ارب 41 کروڑ ڈالر رہ گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار