وزیراعظم کے اعلان کدہ 5 ارب نمائشی منصوبوں پر خرچ کئے ہوئے ہیں
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے صدر محمد سلیم میمن نے وزیر اعظم محمد شہباز شریف کی جانب سے حیدرآباد کے لیے اعلان کردہ 5 اَرب روپے کے ترقیاتی پیکیج کو شہر کے دیرینہ مسائل کے حل کے لیے ایک سنہری موقع قرار دیا ہے اور اِس امر پر زور دیا ہے کہ یہ خطیر رقم صرف اور صرف بنیادی شہری سہولیات کی بحالی، توسیع اور بہتری کے لیے استعمال کی جائے نہ کہ نمائشی یا عارضی نوعیت کے منصوبوں پر استعمال کی جائے۔ چیمبرکی جانب سے وزیر اعظم پاکستان کو ایک تفصیلی خط اِرسال کیا ہے جس میں اِس ترقیاتی پیکیج کے مؤثر اور شفاف استعمال کے لیے نہایت سنجیدہ تجاویز دی گئی ہیں۔ صدر چیمبر سلیم میمن نے کہا کہ حیدرآباد شہر کئی دہائیوں سے شہری انفراسٹرکچر کی تباہ حالی کا شکار ہے۔ شہر کا سیوریج سسٹم 50 سال پرانا ہے جہاں بیشتر علاقوں میں پائپ لائنیں ٹوٹی ہوئی ہیں، نکاسی کے پمپ یا تو مکمل طور پر غیر فعال ہیں یا اپنی مدتِ سروس مکمل کر چکے ہیں۔ اُنہوں نے اِس بات پر بھی شدید تشویش کا اِظہار کیا کہ حیدرآباد میں پینے کے صاف پانی کی شدید قلت ہے۔ اکثر علاقوں میں گندہ اور آلودہ پانی فراہم کیا جا رہا ہے جو کہ شہریوں کی صحت کے لیے خطرناک ہے۔ اِس کے ساتھ حیسکو کے بجلی کے انفراسٹرکچر کی حالت بھی نہایت اَبتر ہے۔ ہلکی بارش یا ہوا کے باعث فیڈرز ٹرپ کر جاتے ہیں اور بجلی کی طویل بندش معمول بن چکی ہے۔ فالٹس کی مرمت میں غیر ضروری تاخیر، پرانے ٹرانسفارمرز، ناکافی عملہ اور ٹیکنالوجی کی کمی حیدرآباد کی صنعتی، تجارتی اور رہائشی سرگرمیوں کو مفلوج کر رہی ہیں۔ صدر چیمبر سلیم میمن نے مطالبہ کیا ہے کہ یہ مکمل ترقیاتی فنڈز صرف اور صرف تین شعبوں پر خرچ کیا جائے، خاص طور پر بجلی کے انفراسٹرکچر کی مرمت و اَپ گریڈیشن، سیوریج اور ڈرینج نظام کی مکمل اوورہالنگ، صاف پانی کی فراہمی کے منصوبوں کی بحالی و توسیع۔ اِس کے ساتھ اِس بات کی بھی یقین دہانی کروائی جائے کہ ان فنڈز کو رنگ و روغن، سڑکوں کی وقتی مرمت، یا بیوٹیفکیشن جیسے نمائشی کاموں پر خرچ نہ کیا جائے جو کہ صرف وقتی فائدہ دیتے ہیں اور اصل مسائل کو پس پشت ڈال دیتے ہیں۔ صدر چیمبر سلیم میمن نے وزیر اعظم سے پر زور اپیل کی ہے کہ تمام منصوبوں کی منصوبہ بندی اور تکمیل سے قبل مقامی اسٹیک ہولڈرز، بالخصوص حیدرآباد چیمبر آف اسمال ٹریڈرز اینڈ اسمال انڈسٹری سے مشاورت کی جائے تاکہ شفافیت اور عوامی مفاد کو یقینی بنایا جاسکے۔
.
ذریعہ
ذریعہ: Jasarat News
کلیدی لفظ: سلیم میمن نے کے لیے
پڑھیں:
خبردار اپنی سمز کسی اور کو نہ دیں۔۔۔ پی ٹی اے نے اہم ہدایات جاری کردیں۔
پاکستان ٹیلی کمیونیکیشن اتھارٹی (پی ٹی اے) نے موبائل فون صارفین کو سمز کے غیر قانونی استعمال اور فراڈ سے بچنے کے لیے اہم ہدایات جاری کرتے ہوئے خبردار کیا ہے کہ اپنی سم کسی دوسرے شخص کو دینا قابلِ سزا جرم ہے، کیونکہ آپ کے نام پر رجسٹرڈ سم کسی بھی غیر قانونی سرگرمی میں استعمال ہو سکتی ہے، جس کی قانونی ذمہ داری بھی سم ہولڈر پر عائد ہو سکتی ہے۔پی ٹی اے کی جانب سے جاری کردہ آگاہی پیغام میں کہا گیا ہے کہ تمام صارفین اپنی رجسٹرڈ سمز کی تعداد کی باقاعدگی سے جانچ کریں تاکہ کسی بھی غیر مجاز یا غیر ضروری سم کی بروقت نشاندہی کرکے اسے بلاک کرایا جا سکے۔ اس مقصد کے لیے صارفین cnic.sims.pk پر جا کر یا اپنا 13 ہندسوں پر مشتمل شناختی کارڈ نمبر بغیر ڈیش کے 668 پر ایس ایم ایس کرکے اپنے نام پر رجسٹرڈ سمز کی تفصیلات حاصل کر سکتے ہیں۔اتھارٹی نے ہدایت کی کہ اگر کسی صارف کے نام پر ایسی سم رجسٹرڈ ہو جس کے بارے میں وہ لاعلم ہو یا جس کی ضرورت نہ ہو تو اسے فوری طور پر متعلقہ موبائل کمپنی سے رابطہ کرکے بند کرایا جائے تاکہ کسی بھی ممکنہ دھوکا دہی یا غیر قانونی استعمال سے بچا جا سکے۔پی ٹی اے نے مزید کہا کہ نئی سم ہمیشہ متعلقہ موبائل کمپنی کی مستند فرنچائز یا کسٹمر سروس سینٹر سے ہی حاصل کی جائے اور بائیو میٹرک تصدیق کے عمل کے دوران مکمل احتیاط برتی جائے۔ صارفین اس بات کو یقینی بنائیں کہ ان کی اجازت اور علم کے بغیر ان کے شناختی کارڈ پر کوئی نئی سم رجسٹرڈ نہ کی جائے۔اتھارٹی نے ایک بار پھر عوام کو متنبہ کیا کہ "مفت سم" یا دیگر پرکشش پیشکشوں کے لالچ میں اپنی بائیو میٹرک تصدیق ہرگز نہ کرائیں، کیونکہ دھوکے باز عناصر اس عمل کے ذریعے آپ کے نام پر اضافی سمز جاری کرا سکتے ہیں، جو بعد ازاں جرائم یا فراڈ میں استعمال ہو سکتی ہیں۔پی ٹی اے نے شہریوں پر زور دیا کہ وہ اپنی ذاتی معلومات، شناختی دستاویزات اور بائیو میٹرک ڈیٹا کی حفاظت کو یقینی بنائیں اور کسی بھی مشتبہ سرگرمی کی صورت میں فوری طور پر متعلقہ موبائل آپریٹر یا پی ٹی اے سے رابطہ کریں تاکہ محفوظ اور ذمہ دارانہ موبائل استعمال کو فروغ دیا جا سکے۔
بھارت سے جنگ اور افغانستان میں کارروائی خارج ازامکان نہیں، وزیردفاع