اسٹاک مارکیٹ میں زبردست تیزی،ڈالر بھی سستا
اشاعت کی تاریخ: 10th, July 2025 GMT
کراچی (نیوز ڈیسک) پاکستان اسٹاک ایکسچینج میں کاروباری ہفتے کے چوتھے روز زبردست تیزی دیکھنے میں آئی، جس کے باعث سرمایہ کاروں کے چہروں پر خوشی کی لہر دوڑ گئی۔
جمعرات کو مارکیٹ کھلتے ہی مثبت رجحان دیکھا گیا اور 100 انڈیکس میں 1027 پوائنٹس کا نمایاں اضافہ ریکارڈ کیا گیا، جس کے بعد انڈیکس 1,33,604 پوائنٹس کی سطح پر ٹریڈ کرتا نظر آیا۔
دن کے دوران انڈیکس 1,33,774 پوائنٹس کی بلند ترین سطح کو بھی چھو چکا ہے، جو حالیہ دنوں میں اسٹاک مارکیٹ کی کارکردگی میں بہتری کی واضح علامت ہے۔
ذہن نشین رہے کہ گزشتہ کاروباری روز 100 انڈیکس 1,32,576 پوائنٹس پر بند ہوا تھا۔
ماہرین کے مطابق یہ اضافہ سرمایہ کاروں کے اعتماد میں اضافے، بہتر مالیاتی اعداد و شمار اور سیاسی استحکام کی امید کے باعث ممکن ہوا ہے۔
دوسری جانب کرنسی مارکیٹ میں بھی اچھی خبر سامنے آئی ہے۔ انٹربینک میں امریکی ڈالر کی قیمت میں 7 پیسے کی کمی ہوئی، جس کے بعد ڈالر 284.
ماہرین کا کہنا ہے کہ روپے کی قدر میں بہتری اور اسٹاک مارکیٹ میں تیزی کا سلسلہ جاری رہا تو معیشت میں بہتری کے مزید امکانات پیدا ہوں گے۔ سرمایہ کاروں کو محتاط مگر پُرامید رہنا چاہیے۔
بچی نے والد کو پہچاننے سے انکار کر دیا، عدالت نے ماں کی اپیل نمٹا دی
ذریعہ: Daily Ausaf
پڑھیں:
حکومت نے غیر ملکی کمپنیوں کے منافع کی ترسیل پر عائد پابندیوں میں نرمی کردی
ویب ڈیسک:پاکستان میں غیر ملکی سرمایہ کاری کے ماحول میں مسلسل بہتری دیکھنے میں آ رہی ہے، جس کی ایک بڑی وجہ سیکیورٹی انویسٹمنٹ فرینڈلی کمپلیکس (SIFC) کی مؤثر سہولت کاری ہے۔ حکومت نے غیر ملکی کمپنیوں کے منافع کی ترسیل پر تین سال سے عائد پابندیوں میں نرمی کر دی ہے، جس سے سرمایہ کاروں کا اعتماد مزید مستحکم ہوا ہے۔
اسٹیٹ بینک آف پاکستان کے مطابق رواں مالی سال کی پہلی سہ ماہی میں غیر ملکی کمپنیوں کی منافع کی ترسیلات 752 ملین ڈالر تک پہنچ گئیں، جو گزشتہ برسوں کے مقابلے میں 86 فیصد زیادہ ہیں۔توانائی اور مالیاتی شعبوں میں بالترتیب 186 اور 183.9 ملین ڈالر کی ترسیلات ریکارڈ کیا گیا ہے۔ ماہرین کے مطابق پاکستان کی مستحکم معاشی رفتار، سرمایہ کاری کے سازگار ماحول، اور ایس آئی ایف سی کی پالیسی اقدامات نے غیر ملکی سرمایہ کاری کے فروغ میں کلیدی کردار ادا کیا ہے۔
زرمبادلہ کے ذخائر میں بہتری اور کاروباری آسانیاں سرمایہ کاروں کے اعتماد کو مزید مضبوط کر رہی ہیں جبکہ ایس آئی ایف سی کے تعاون سے غیر ملکی سرمایہ کاروں کی بڑھتی دلچسپی معاشی استحکام کی علامت بن گئی ہے۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
کراچی، نادرن بائی پاس پر پلاسٹک کے گودام میں آگ لگ گئی