ستاروں کی روشنی میں آج بروزاتوار،13جولائی 2025 آپ کا کیرئر،صحت، دن کیسا رہے گا ؟
اشاعت کی تاریخ: 12th, July 2025 GMT
آج بروزاتوار،13جولائی 2025 :آج کے دن آپ کے ستارے آپ کی زندگی کے حوالے سے کیا کہتے ہیں ۔ آپ کے کیرئیر ، ملازمت، محبت، صحت، پیسے، کیریئر سے متعلق اپنے گہرے سلگتے سوالات کے جوابات تلاش کریں
برج حمل ، سیارہ مریخ، 21 مارچ سے 20 اپریل
اچھا دن ہے۔ اولاد کے حوالے سے بھی اور روزگار کی منصوبہ بندی کے حوالے سے بھی۔ آج آپ اللہ پاک کا نام لے کر اپنے مقصد کی جانب سفر شروع کردیں، باقی اللہ مالک ہے۔
برج ثور، سیارہ زہرہ، 21 اپریل سے 20 مئی
صحت کا خانہ نظر بد کی وجہ سے کمزور ہے۔ اس کا صدقہ بھی دیں اور خود کو ان سب سے دور رکھیں جو ماضی میں بھی وجہ پریشانی تھے۔ یہ سمجھ لیں کہ وارننگ ہے۔
برج جوزہ، سیارہ عطارد، 21 مئی سے 20 جون
آپ کے ساتھ ایک اچھا معاملہ ہونے کا امکان ہے۔ ممکن ہے کہ کسی جانب سے رقم ہاتھ آ جائے اور وارثتی امور میں بھی بڑی پیش رفت ہو سکتی ہے۔ اہم دن ہے۔
برج سرطان، سیارہ چاند، 21 جون سے 20 جولائی
آگے چل کر نوکری میں تبدیلی کا امکان پیدا ہو سکتا ہے مگر اس کے اشارے اب ہی محسوس ہو رہے ہوں گے۔ آج گھر میں کسی بات پر مسئلہ ہو سکتا ہے، غصہ کم کریں۔
برج اسد، سیارہ شمس، 21 جولائی سے 21 اگست
ساری عمر جن کو اپنا سمجھتے رہے وہ اب ساتھ چھوڑ رہے ہیں۔ شاید مطلب نکل گیا ہے ان کا۔ بہتر ہے آج سے ہی آپ بھی اپنا راستہ بدل لیں تو نقصان سے بچ جائیں گے۔
برج سنبلہ ، سیارہ عطارد، 22 اگست سے 22 ستمبر.
کسی بھی نئے معاملے کی ابتداءکے لئے مناسب وقت ہے۔ بسم اللہ کریں اور جائیداد کے امور میں فائدہ دکھائی دے رہا ہے۔ آج دوپہر کے بعد ہی صورت حال آپ کے حق میں ہوگی۔
برج میزان ، سیارہ زہرہ، 23 ستمبر سے 22 اکتوبر
آپ کو پریشان ہونے کی بالکل ضرورت نہیں ہے۔ اس وقت معاملات آپ کے حق میں ہیں۔ آج اللہ کا نام لے کر جس کام میں ہاتھ ڈالیں گے، وہ ان شاءاللہ ہو جائے گا۔
برج عقرب ، سیارہ مریخ، 23 اکتوبر سے 22 نومبر
جو لوگ کسی مشکل میں ہیں۔ اللہ پاک سے بڑی امید ہے کہ وہ آپ کی مشکل کو آسان کر دے گا اور کوئی ایسا راستہ نکال دے گا جس پر چلنا آپ کے لئے بے حد آسان بابرکت ہو گا۔
برج قوس ، سیارہ مشتری، 23 نومبر سے 20 دسمبر
آپ کو جس بھی انداز سے چلنے کی عادت تھی۔ اب اس کو بدلنا ہوگا اور کوشش کرنا ہوگی کہ آپ اب حالات کے مطابق قدم اٹھائیں۔ غلط فیصلوں کی گنجائش نہیں ہے۔
برج جدی ، سیارہ زحل، 21 دسمبر سے 19 جنوری
دوہری شخصیت کے حامل شخص ان دنوں آپ کے بے حد قریب ہے۔ اپنے راز کی حفاظت کریں اور ان دنوں تقریباً ہر معاملے میں حکمت عملی سے کام لینے کی ضرورت رہے گی۔
برج دلو ، سیارہ زحل، 20 جنوری سے 18 فروری
آپ کے لئے آج کا دن اچھا اور اہم ہے۔ کسی جانب سے رقم ہاتھ میں آنے کی امید ہے اور تنگ کرنے والے اب خود بخود آپ سے دور ہوتے چلے جائیں گے۔
برج حوت ، سیارہ مشتری، 19 فروری سے 20 مارچ
دو راستے آپ کے سامنے ہیں۔ اس کا انتخاب آپ نے کرنا ہے اور اب غلطی کی گنجائش نہیں ہے۔ اس لئے نہایت سوچ سمجھ کر قدم اٹھانے کی اشد ضرورت بھی ہے۔
ذریعہ: Daily Ausaf
پڑھیں:
قال اللہ تعالیٰ و قال رسول اللہ ﷺ
data-id="863a0a8" data-element_type="widget" data-widget_type="theme-post-content.default">
251102-09-1
زمین اور آسمانوں کے لشکر اللہ ہی کے قبضہ قدرت میں ہیں اور وہ زبردست اور حکیم ہے۔ اے نبیؐ، ہم نے تم کو شہادت دینے والا، بشارت دینے والا اور خبردار کر دینے والا بنا کر بھیجا ہے۔ تاکہ اے لوگو، تم اللہ اور اس کے رسول پر ایمان لاؤ اور اْس کا ساتھ دو، اس کی تعظیم و توقیر کرو اور صبح و شام اس کی تسبیح کرتے رہو۔ اے نبیؐ، جو لوگ تم سے بیعت کر رہے تھے وہ دراصل اللہ سے بیعت کر رہے تھے ان کے ہاتھ پر اللہ کا ہاتھ تھا اب جو اس عہد کو توڑے گا اْس کی عہد شکنی کا وبال اس کی اپنی ہی ذات پر ہوگا، اور جو اْس عہد کو وفا کرے گا جو اس نے اللہ سے کیا ہے، اللہ عنقریب اس کو بڑا اجر عطا فرمائے گا۔ (سورۃ الفتح:7تا10)
سیدنا ابو ہریرہؓ سے روا یت ہے انہوں نے یہ فرمان نبی صلی اللہ علیہ وسلم کی طرف منسوب کیا آپ نے فرمایا: جب تم میں سے کوئی سو جاتا ہے تو شیطان اس کے سر کے پچھلے حصے پر تین گرہیں لگاتا ہے ہر گرہ پر تھپکی دیتا ہے کہ تم پر ایک بہت لمبی رات (کا سونا لازم) ہے جب انسان بیدار ہو کر اللہ تعالیٰ کا ذکر کرتا ہے تو ایک گرہ کھل جاتی ہے اور جب وہ وضو کرتا ہے اس سے دوسری گرہ کھل جاتی ہے پھر جب نماز پڑھتا ہے ساری گرہیں کھل جاتی ہیں اور وہ چاق چوبند ہشاش بشاش پاک طبیعت (کے ساتھ) صبح کرتا ہے ورنہ (جاگ کر عبادت نہیں کرتا تو) صبح کو گندے دل کے ساتھ اور سست اٹھتا ہے۔ (صحیح مسلم)
پاکستان میں آئندہ حج سستا ہونے کا امکان