سلینا گومز اور بینی بلانکو شادی کی تیاریاں، تقریبات کا آغاز کب ہوگا؟
اشاعت کی تاریخ: 12th, July 2025 GMT
لاس اینجلس: معروف امریکی گلوکارہ اور اداکارہ سلینا گومز اور موسیقار و پروڈیوسر بینی بلانکو نے شادی کی تیاریوں کا آغاز موسمِ گرما کے آخر میں کرنے کا اعلان کیا ہے۔
غیر ملکی میڈیا رپورٹ کے مطابق یہ انکشاف بلانکو نے 10 جولائی 2025 کو ایک پوڈکاسٹ میں شرکت کے دوران کیا۔
یہ مشہور جوڑا دسمبر 2024 میں منگنی کے بندھن میں بندھا تھا، تاہم مصروف شیڈول کی وجہ سے شادی کی منصوبہ بندی میں تاخیر ہوئی۔ بلانکو نے بتایا کہ سلینا اپنے فلمی اور موسیقی کے پروجیکٹس میں مصروف ہیں جبکہ وہ خود کتابوں کی ریلیز، اسٹوڈیو کے کام اور ایک مشترکہ البم پر کام کر رہے ہیں۔
بلانکو نے کہا کہ اگرچہ دونوں مصروف ہیں، لیکن ان کا فارغ وقت ایک ساتھ بےحد خوشگوار گزرتا ہے۔ انہوں نے کہا، "سلینا کے ساتھ وقت گزارنا میرے لیے سب سے خوبصورت لمحہ ہوتا ہے۔"
شادی کے بارے میں گفتگو کرتے ہوئے بلانکو نے بتایا کہ وہ تقریب کو سادہ، خوشگوار اور ذاتی بنانا چاہتے ہیں۔ انہوں نے بتایا کہ ان کی ہونے والی بیوی سلینا نے ایک وژن بورڈ تیار کیا ہے جس کے مطابق گھر کے بیک یارڈ میں تقریب ہوگی جس میں قریبی رشتہ دار اور شوبز کی دنیا کے کئی بڑے ستارے شرکت کریں گے۔
.ذریعہ: Express News
کلیدی لفظ: بلانکو نے
پڑھیں:
بنگلہ دیش میں رمضان سے قبل انتخابات متوقع، چیف ایڈوائزر کی دسمبر تک تیاریاں مکمل کرنے کی ہدایت
بنگلہ دیش کی عبوری حکومت کے چیف ایڈوائزر محمد یونس نے آئندہ عام انتخابات کے سلسلے میں تمام تیاریاں دسمبر تک مکمل کرنے کی ہدایت دیتے ہوئے عندیہ دیا ہے کہ انتخابات آئندہ رمضان سے قبل منعقد کیے جا سکتے ہیں۔
چیف ایڈوائزر کے پریس سیکریٹری شفیق الاسلام نے میڈیا بریفنگ میں یہ معلومات فراہم کیں۔ انہوں نے کہاکہ آج قریباً 2 گھنٹے طویل اجلاس میں انتخابی تیاریوں سے متعلق امور پر غور کیا گیا، اور چیف ایڈوائزر نے کئی اہم ہدایات جاری کیں۔
یہ بھی پڑھیں: بنگلہ دیش: دسمبر میں الیکشن کا مطالبہ کرنے والی ’بی این پی‘ کے زیراہتمام ریلی کا انعقاد
شفیق الاسلام کے مطابق پہلی ہدایت امن و امان سے متعلق تھی، جس میں کہا گیا کہ تمام سیکیورٹی سے وابستہ تیاریاں دسمبر سے قبل مکمل ہونی چاہییں۔
انہوں نے بتایا کہ محمد یونس نے پولیس، بارڈر گارڈ بنگلہ دیش (بی جی بی) اور کوسٹ گارڈ سمیت قانون نافذ کرنے والے اداروں میں 17 ہزار نئے اہلکاروں کی بھرتی اور تربیت کا عمل انتخابات سے پہلے مکمل کرنے کا حکم دیا ہے۔ اور آئندہ مہینوں میں قانون کے سخت نفاذ پر بھی زور دیا۔
شفیق الاسلام کے مطابق اجلاس سے خطاب کرتے ہوئے چیف ایڈوائزر محمد یونس نے کہاکہ اگر انتخابی عملے کی کمی ہو تو فوراً بھرتی کا آغاز کریں اور ان کی مناسب تربیت یقینی بنائی جائے۔ اور یہ تمام انتظامات دسمبر سے قبل مکمل ہونے چاہییں۔
محمد یونس نے کہاکہ ماضی میں ہونے والے انتخابات اکثر محض دکھاوے کے لیے ہوتے تھے، لہٰذا اس بار ایک اصل انتخاب منعقد کرنے کے لیے بہتر تربیت اور مکمل تیاری کی ضرورت ہے۔ واضح ذمہ داریاں تفویض کی جائیں اور اگر ضرورت ہو تو فرضی انتخابات (ماک پولنگ) بھی منعقد کی جائیں۔
محمد یونس نے ووٹرز کو انتخابی عمل سے آگاہ کرنے کے لیے ویڈیو مواد تیار کرنے کی ہدایت دی۔ اور کہاکہ یہ مواد ٹیلی وژن اور سوشل میڈیا پر نشر کیا جائے اور ایمرجنسی رابطہ نمبرز کو عام کیا جائے تاکہ ووٹرز بوقتِ ضرورت براہِ راست کنٹرول روم سے رابطہ کرسکیں۔
چیف ایڈوائزر نے خواتین ووٹرز کے حقِ رائے دہی کے تحفظ پر خصوصی زور دیا۔ انہوں نے کہاکہ آدھے ووٹرز خواتین ہیں، کسی کو بھی ان کے ووٹ ڈالنے کے حق سے محروم نہیں کرنا چاہیے۔ انہوں نے خواتین اہلکاروں اور عملے کی مناسب تعیناتی کو یقینی بنانے کی ہدایت بھی دی۔
یہ بھی پڑھیں: بنگلہ دیش میں اگلے سال عام انتخابات کروادیں گے، محمد یونس کی مارکو روبیو سے ٹیلی فونک گفتگو
نئے ووٹرز کے لیے خصوصی انتظامات کی ہدایت دیتے ہوئے محمد یونس نے کہاکہ لوگوں نے گزشتہ 16 سال میں کوئی مناسب انتخاب نہیں دیکھا۔ ان کی یادوں میں صرف تشدد اور دھاندلی ہے۔ اس بار ووٹرز کا تجربہ مثبت ہونا چاہیے۔ ایسا تجربہ جو فخر اور دیرپا یاد بن جائے، خاص طور پر ان کے لیے جو پہلی بار ووٹ ڈالیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلیٰ سطح اجلاس بنگلہ دیش تیاریاں چیف ایڈوائزر عام انتخابات محمد یونس مناسب تربیت وی نیوز
امام حسین کا پیغام ہر دور کیلئے مشعل راہ ہے، سردار عتیق