شہزادے جارج کی سالگرہ، شہزادی شارلٹ کو بھی اہم ذمہ داری مل گئی
اشاعت کی تاریخ: 23rd, July 2025 GMT
برطانی شہزادے جارج کی 12ویں سالگرہ نہ صرف اُن کی ذات کے لیے ایک اہم ہے بلکہ یہ لمحہ شاہی خاندان کے مستقبل، خاص طور پر اُن کے بہن بھائیوں، شہزادی شارلٹ اور شہزادہ لوئس کی جھلک بھی پیش کرتا ہے، ۔
شہزادہ ولیم اور کیٹ مڈلٹن کے سب سے بڑے بیٹے کی 12ویں سالگرہ منگل کے روز منائی گئی، اور یہ وہ عمر ہے جب شاہی پروٹوکول کو ان کے لیے سختی سے نافذ کیا جاتا ہے۔ اس موقع پر کنسنگٹن پیلس کی جانب سے ایک دل چھو لینے والی ویڈیو جاری کی گئی جس میں تینوں ویلز بچوں کے درمیان محبت بھرا رشتہ نمایاں دکھائی دیا اور خاص طور پر شہزادی شارلٹ کے مستقبل کے کردار کا عندیہ بھی دیا گیا۔
یہ بھی پڑھیں: شہزادی کیتھرین نے ’مدرز ڈے‘ پر جاری کی گئی تصویر پر معذرت کیوں کی؟
رائل کرسپانڈنٹ ڈینیئل اسٹیسی کے مطابق ہم نے متعدد مواقع پر شارلٹ کو بڑے وقار اور نرمی سے اپنے بھائیوں کو شاہی آداب یاد دلاتے ہوئے دیکھا ہے۔
ان کا کہنا تھا کہ ویلز کے تینوں بچے، چونکہ جانشینی کی قطار میں نمایاں مقام رکھتے ہیں، اس لیے ان کے درمیان ایک منفرد تعلق قائم ہے اور یہی رشتہ مستقبل میں ایک دوسرے کی معاونت کے طور پر اُبھرے گا۔
View this post on Instagram
A post shared by The Prince and Princess of Wales (@princeandprincessofwales)
شہزادی این، جو کہ سب سے زیادہ مصروف شاہی فرد ہیں، نے اس کردار کو بخوبی نبھایا ہے، اور وہ 74 برس کی عمر میں بھی اپنے بھائی بادشاہ چارلس کے لیے مضبوط سہارا بنی ہوئی ہیں، خاص طور پر ان کے کینسر کے علاج کے دوران۔
یہ بھی پڑھیں: بیلجیئم کی شہزادی کی جانب سے پرنس ہیری کی حمایت، کنگ چارلس سے صلح کی کوششوں پر تبصرہ
جارج، شارلٹ اور 7 سالہ لوئس کے درمیان قریبی اور خوشگوار رشتہ مستقبل میں ایک کارآمد راز بن سکتا ہے، خاص طور پر جب شہزادہ ولیم تخت نشین ہوں گے۔
ڈینیئل کے مطابق ان کے درمیان موجود خالص رشتہ ان لمحات میں جھلکتا ہے جب وہ عوامی تقریبات میں ایک ساتھ خوشی سے وقت گزارتے ہیں، جیسے پولوں کے میچ کے دوران پکنک کرتے ہوئے یا وی ای ڈے کی تقریب میں لوئس کا جارج کی نقل میں بالوں کو جھٹکنے کا دلچسپ لمحہ۔
انہوں نے وضاحت کی کہ ان کا مضبوط تعلق نہ صرف تعلیم کے مراحل میں بلکہ بعد ازاں شاہی ذمے داریوں کی انجام دہی کے دوران بھی ایک دوسرے کے لیے مددگار ثابت ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانوی شہزادہ جارج سالگرہ شہزادہ لوئس شہزادی شارلٹ.ذریعہ: WE News
کلیدی لفظ: برطانوی شہزادہ سالگرہ شہزادہ لوئس شہزادی شارلٹ شہزادی شارلٹ کے درمیان کے لیے
پڑھیں:
وزیرِ اعظم شہباز شریف کی سعودی ولی عہد شہزادہ محمد بن سلمان سے ملاقات
—فائل فوٹووزیرِ اعظم شہباز شریف نے سعودی ولی عہد شہزادہ محمد بن سلمان سے ملاقات کی ہے۔
جاری کیے گئے اعلامیے کے مطابق قصر الیمامہ پہنچنے پر سعودی ولی عہد شہزادہ محمد بن سلمان نے وزیرِ اعظم شہباز شریف کا استقبال کیا۔
وزیرِ اعظم کا سعودی شاہی پروٹوکول کے ساتھ استقبال کیا گیا اور انہیں سعودی مسلح افواج کے دستوں نے گارڈ آف آنر بھی پیش کیا۔
وزیرِ اعظم شہباز شریف کی سعودی ولی عہد محمد بن سلمان سے ملاقات کے دوران مشرقِ وسطیٰ کی صورتِ حال، مسئلہ فلسطین اور دیگر اہم امور پر تبادلۂ خیال کیا گیا۔
ملاقات میں پاک سعودی تعلقات کو مزید فروغ دینے اور تعاون بڑھانے پر اتفاق کیا گیا، دونوں رہنماؤں نے قطر پر اسرائیلی حملے کی ایک بار پھر مذمت کی۔
سعودی ولی عہد محمد بن سلمان نے کہا کہ مشرقِ وسطیٰ کے امن کے لیے مسئلہ فلسطین کا حل ناگزیر ہے۔
وزیرِ اعظم شہباز شریف نے کہا کہ پاکستان نے ہمیشہ مسئلہ فلسطین پر دو ٹوک مؤقف اختیار کیا، پاکستان مسئلہ فلسطین پر سعودی عرب کے ساتھ کھڑا ہے۔
ملاقات میں فیلڈ مارشل سید عاصم منیر، نائب وزیرِ اعظم و وزیرِ خارجہ اسحاق ڈار، وزیرِ دفاع خواجہ آصف، وزیرِ خزانہ محمد اورنگزیب، وفاقی وزیر برائے موسمیاتی تبدیلی مصدق ملک اور معاونِ خصوصی سید طارق فاطمی بھی موجود تھے۔
ملاقات میں پاک سعودی تعلقات کے تمام پہلوؤں کا تفصیلی جائزہ لیا جائے گا۔
اس سے قبل وزیرِ اعظم شہباز شریف سعودی عرب کے دورے پر ریاض پہنچے۔
وزیرِ اعظم شہباز شریف سعودی عرب کے دورے پر ریاض پہنچ گئے۔
وزیرِ اعظم شہباز شریف کا طیارہ جب سعودی عرب کی حدود میں داخل ہوا تو سعودی لڑاکا طیاروں نے وزیرِ اعظم کے طیارے کا استقبال کیا۔
اس موقع پر سعودی فضائیہ کے ایف-15 لڑاکا طیاروں نے وزیرِ اعظم شہباز شریف کے طیارے کو حصار میں لیا۔
وزیرِ اعظم سعودی ولی عہد شہزادہ محمد بن سلمان کی دعوت پر ریاض پہنچے ہیں۔
ایئر پورٹ پر ریاض کے نائب گورنر نے وزیرِ اعظم شہباز شریف کا استقبال کیا۔
اس موقع پر پاکستان میں سعودی سفیر نواف بن سعید المالکی، پاکستانی سفیر احمد فاروق بھی ایئر پورٹ پر موجود تھے۔
وزیرِ اعظم شہباز شریف کی ریاض آمد پر شہر بھر میں سبز ہلالی پرچم لہرائے گئے اور وزیرِ اعظم کو 21 توپوں کی سلامی دی گئی۔
وزیرِ اعظم کو سعودی افواج کے چاق و چوبند دستے نے سلامی پیش کی۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان