وزیراعظم شہباز شریف سے ورلڈ اکنامک فورم کی مینیجنگ ڈائریکٹر کی ملاقات، اقتصادی تعاون بڑھانے پر اتفاق
اشاعت کی تاریخ: 30th, July 2025 GMT
وزیراعظم محمد شہباز شریف سے ورلڈ اکنامک فورم کے مینیجنگ بورڈ کی ڈائریکٹر سعدیہ زاہدی نے ملاقات کی، جس میں پاکستان اور فورم کے درمیان شراکت داری کو مزید فروغ دینے پر تبادلہ خیال کیا گیا۔
ملاقات میں وزیراعظم نے ڈبلیو ای ایف کے ساتھ پاکستان کی دیرینہ شراکت داری کا اعادہ کرتے ہوئے سوئٹزرلینڈ کے شہر ڈیووس میں ہونے والے سالانہ اجلاسوں کے ذریعے فورم کے مسلسل رابطوں کو سراہا۔ انہوں نے سعدیہ زاہدی کو ملک میں حالیہ برسوں کے دوران ہونے والی معاشی بحالی سے آگاہ کیا۔
مزید پڑھیں: پاکستان کی کریڈٹ ریٹنگ میں بہتری پر شہباز شریف کا اظہار اطمینان
وزیراعظم نے اقتصادی ترقی، صنفی شمولیت، پیشہ ورانہ تربیت اور ڈیجیٹائزیشن کے شعبوں میں تعاون کو مزید مضبوط بنانے میں پاکستان کی دلچسپی کا اظہار کیا، جس پر سعدیہ زاہدی نے بھی اتفاق کیا۔ انہوں نے پاکستان کی معاشی پیشرفت اور اصلاحاتی اقدامات کی تعریف کی اور اپنے دورے کے دوران پرتپاک استقبال پر وزیراعظم کا شکریہ ادا کیا۔
دونوں فریقین نے پائیدار ترقی کے لیے باہمی تعاون کو مزید وسعت دینے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعدیہ زاہدی مینیجنگ بورڈ کی ڈائریکٹر ورلڈ اکنامک فورم وزیراعظم محمد شہباز شریف.ذریعہ: WE News
کلیدی لفظ: سعدیہ زاہدی مینیجنگ بورڈ کی ڈائریکٹر ورلڈ اکنامک فورم وزیراعظم محمد شہباز شریف سعدیہ زاہدی شہباز شریف پاکستان کی
پڑھیں:
اسحاق ڈار اور مصری وزیر خارجہ کی ملاقات، فلسطینیوں کی حمایت جاری رکھنے پر اتفاق
پاکستان کے نائب وزیراعظم و وزیر خارجہ سینیٹر اسحاق ڈار نے فلسطین کے دو ریاستی حل سے متعلق بین الاقوامی کانفرنس کے موقع پر مصر کے وزیر خارجہ ڈاکٹر بدر عبدالعاطی سے ملاقات کی۔ جس میں دوطرفہ تعاون اور فلسطینی عوام کی حمایت جاری رکھنے پر اتفاق کیا گیا۔
ترجمان دفتر خارجہ کے مطابق ملاقات میں دونوں رہنماؤں نے پاکستان اور مصر کے درمیان گہرے، تاریخی اور برادرانہ تعلقات کا اعادہ کرتے ہوئے مختلف شعبوں بشمول طب، معدنیات، دفاع، تجارت اور سرمایہ کاری میں تعاون بڑھانے کی ضرورت پر زور دیا۔
ترجمان کے مطابق فریقین نے پاکستان اور مصر کے درمیان روابط کو مزید مضبوط بنانے، اقتصادی انضمام کو فروغ دینے اور تجارتی سرگرمیوں میں وسعت لانے پر اتفاق کیا۔ اس مقصد کے لیے اعلیٰ سطحی وفود کے تبادلے جلد کرنے کا بھی فیصلہ کیا گیا۔
ترجمان نے بتایا کہ مصر کے وزیر خارجہ ڈاکٹر بدر عبدالعاطی نے عالمی فورمز پر پاکستان کے ساتھ جاری تعاون کو سراہتے ہوئے پاکستان کو اقوام متحدہ کی سلامتی کونسل کی صدارت سنبھالنے پر مبارکباد دی۔
ملاقات میں دونوں وزرائے خارجہ نے فلسطینی عوام کی جدوجہد کی غیرمتزلزل حمایت کا اعادہ کیا اور اسرائیلی جارحیت کے فوری خاتمے اور انسانی امداد کی بلارکاوٹ فراہمی پر زور دیا۔
دونوں رہنماؤں نے دو ریاستی حل سے متعلق بین الاقوامی کانفرنس کے مثبت اور تعمیری نتائج کی امید ظاہر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار دوطرفہ تعاون فلسطین کی حمایت مصری وزیر خارجہ ملاقات وی نیوز
ناکام ’’پریشن سندور‘‘کا دعویٰ ایک بار پھر جھوٹا ثابت، امریکی صدر کے ہاتھوں بھارت کو سبکی کا سامنا