’فہد مصطفیٰ نے نوکری سے نکلوایا‘، فوٹوگرافر کے اداکار پر سنگین الزامات
اشاعت کی تاریخ: 31st, July 2025 GMT
اداکار و ٹی وی میزبان فہد مصطفیٰ پر شوبز انڈسٹری سے وابستہ فوٹو گرافر عمر سعید نے سنگین الزامات عائد کر دیے۔
عمر سعید نامی فوٹوگرافر نے فوٹو اینڈ ویڈیو شیئرنگ ایپ انسٹاگرام پر فہد مصطفیٰ کی ایک ویڈیو شیئر کی، جس میں اداکار وہاں موجود دوسرے افراد کی جانب اشارے کرتے دکھائی دیتے ہیں۔ انہوں نے ویڈیو پوسٹ کرنے کے ساتھ انکشاف کیا کہ فہد مصطفیٰ نے شو کے سیٹ پر ان کے ساتھ توہین آمیز رویہ اختیار کیا۔ فوٹوگرافر نے فہد مصطفیٰ پر یہ الزام بھی لگایا کہ انہوں نے انہیں اے آر وائی ڈیجیٹل کی نوکری سے نکلوایا۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
جیتو پاکستان کے فوٹوگرافر نے ویڈیو پوسٹ کرتے ہوئے لکھا کہ آج میں نے یہ ویڈیو اپنی فوٹو گیلری میں دیکھی اور افسوس کے ساتھ یہ دو سال بعد پوسٹ کر رہا ہوں۔ اس ویڈیو میں مجھے میرے ساتھیوں کے سامنے کئی بار امتیازی سلوک اور توہین کا نشانہ بنایا گیا، اور یہ سب فہد مصطفیٰ کی جانب سے ہوا۔ میں خاموش رہا کیونکہ اس نے مجھے اے آر وائی سے نکلوا دیا تھا۔
View this post on Instagram
A post shared by Omar Saeed (@omarsaeedofficial)
فوٹوگرافر نے فہد مصطفیٰ پر الزام لگاتے ہوئے کہا کہ اس نے میرا کیریئر برباد کر دیا لیکن الحمدللہ، اب میرا اپنا کاروبار ہے اور میں اتنا کما لیتا ہوں کہ اپنے خاندان کا پیٹ پال سکوں۔ اب وقت آ گیا ہے کہ اس کا اصلی چہرہ سب کے سامنے لایا جائے۔ یہ ہے اس کی بدنما حقیقت، اور صرف اللہ ہی جانتا ہے کہ مجھ جیسے اور کتنے لوگ ان جیسے سیلیبریٹیز کی وجہ سے تکلیف میں ہوں گے۔ دوسروں کے ساتھ ویسا سلوک کرو جیسا تم اپنے لیے چاہتے ہو۔
صارفین نے اس پر ملا جلا رد عمل دیا۔ کئی صارفین فوٹوگرافر کے حق میں آواز اٹھاتے نظر آئے اور فہد مصطفیٰ پر تنقید کرتے ہوئے کہا کہ یہ بالکل ممکن ہے۔ فہد بعض اوقات کیمرے کے سامنے لوگوں سے کافی بدتمیزی کرتے ہیں، تو پردے کے پیچھے تو شاید اور بھی زیادہ ہوں۔ یہ ساری چمک، جوانی، پیسہ اور شہرت بس ایک بلبلہ ہے۔ دیکھتے جاؤ، وقت سب کچھ بتا دے گا۔
یہ بھی پڑھیں: رجب بٹ کے مسائل کے ذمہ دار فہد مصطفیٰ ہیں، ٹک ٹاکر کاشف ضمیر کا الزام
ایک صارف نے کہا کہ یوٹیوبر رجب بٹ نے ان کے ساتھ جو کیا وہ بالکل ٹھیک کیا تھا۔ جبکہ ایک سوشل میڈیا صارف کا کہنا تھا کہ یہ اچھے انسان نہیں ہیں۔ ’جیتو پاکستان‘ میں یہ جس طرح لوگوں کی بےعزتی کرتے ہیں، وہی ان کی اصل شخصیت کی عکاسی کرتا ہے۔
جہاں صارفین اداکارٰ پر تنقید کرتے نظر آئے وہیں چند صارفین نے عمر سعید کو آڑے ہاتھوں لیتے ہوئے کہا کہ اگر فہد مصطفیٰ نے آپ کے ساتھ اتنا برا کیا تھا تو ان کی تصویریں آپ کے سوشل میڈیا پیجز پر کیا کر رہی ہیں۔ تو کئی لوگوں نے کہا کہ یہ اب مشہور ہونا چاہتے ہیں اس لیے اس طرح کے الزامات لگا رہے ہیں۔
کئی سوشل میڈیا صارفین اس معاملے پر فہد مصطفیٰ کا موقف سننے میں بھی دلچسپی رکھتے تھے اور یہ کہتے نظرا ٓئے کہ ایہ ایک طرف کا موقف ہے دوسری طرف کا موقف بھی سامنے آنا چاہیے لیکن ابھی تک فہد مصطفیٰ نے اس معاملے پر کوئی بیان جاری نہیں کیا۔
یہ بھی پڑھیں: ’آپ دوسروں کے خاندان بیچ رہے ہیں‘، رجب بٹ کی ایک بار پھر فہد مصطفیٰ پر تنقید
واضح رہے کہ فہد مصطفیٰ پاکستانی شوبز انڈسٹری کا ایک معروف نام ہیں۔ وہ اپنی اداکاری اور گیم شو ’جیتو پاکستان‘ کی میزبانی کی وجہ سے بہت پسند کیے جاتے ہیں۔ حال ہی میں وہ ڈرامہ ’کبھی میں کبھی تم‘ کے ذریعے ٹیلی ویژن پر واپسی کرکے خبروں کی زینت بنے، جس میں انہوں نے ہانیہ عامر کے ساتھ مرکزی کردار ادا کیا۔ ناظرین نے رومانوی ڈرامے میں ان کی پرفارمنس کو خوب سراہا ہے۔
اگرچہ فہد مصطفیٰ نے فلموں اور پروڈکشن میں بھی کامیاب کیریئر بنایا ہے، لیکن ’جیتو پاکستان‘ آج بھی ان کی سب سے نمایاں پہچان ہے۔ فہد مصطفیٰ اکثر اپنے لائیو شو کی وجہ سے سوشل میڈیا پر ٹرینڈ کرتے رہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے جیتو پاکستان فہد مصطفی فوٹوگرافر کے الزامات.
ذریعہ
ذریعہ: WE News
کلیدی لفظ: پاکستانی ڈرامے جیتو پاکستان فہد مصطفی فوٹوگرافر نے جیتو پاکستان سوشل میڈیا فہد مصطفی کے ساتھ کہا کہ
پڑھیں:
حج تھا یا پکنک؟ شدید تنقید کے بعد وسیم اکرم، مصباح الحق اور فخر عالم نے خاموشی توڑ دی
سابق قومی کرکٹر وسیم اکرم، مصباح الحق، فخرِ عالم، سعید انور اور دیگر معروف شخصیات کے حج سفر پر سوشل میڈیا پر ہونے والی تنقید کے بعد وسیم اکرم، مصباح الحق اور فخرِ عالم نے وضاحت کرتے ہوئے ناقدین کو جواب دے دیا۔
انہوں نے سر منڈوانے سے متعلق تنقید پر وضاحت کرتے ہوئے کہا کہ لوگ سوال کر رہے تھے کہ ہم نے سر کیوں نہیں منڈوائے۔ حج پر روانگی سے قبل ہم نے علمائے کرام سے رہنمائی لی تھی جنہوں نے ہمیں دو آپشن دیے تھے کہ یا تو مکمل سر منڈوا لیا جائے یا قصر کرائی جائے جس میں بالوں کا کچھ حصہ کاٹا جاتا ہے۔ ہم نے دوسرا طریقہ منتخب کیا۔
@timesofkarachi Why didn’t Wasim Akram, Fakhar-e-Alam, and Misbah-ul-Haq shave their heads as part of the Hajj ritual? #TOKReports #Hajj #WasimAkram #FakhareAlam #MisbahulHaq ♬ original sound – Times of Karachiانہوں نے مزید کہا کہ دوسری تنقید یہ تھی کہ ہم حج پر آئے تھے یا پکنک منانے؟ حج ایک عبادت ہے اور دن کے چوبیس گھنٹوں میں انسان عبادت بھی کرتا ہے، دوستوں سے ملتا جلتا بھی ہے، دعائیں بھی مانگتا ہے اور کبھی مسکراتا اور خوشی کا اظہار بھی کرتا ہے۔ یہ سب بھی حج کے تجربے کا حصہ ہے۔
ان کا کہنا تھا کہ ہماری لوگوں سے گزارش ہے کہ تنقید کرنے سے پہلے ان معاملات کو اچھی طرح سمجھیں۔ ہم نے نوجوانوں کی رہنمائی اور انہیں حج کی ترغیب دینے کے لیے ویڈیوز بنائیں تاکہ وہ اس بابرکت سفر کی منصوبہ بندی کر سکیں۔
حج کے سفر کے بارے میں بات کرتے ہوئے فخرِ عالم نے کہا کہ ہم حج مکمل کر چکے ہیں اور لوگ ہم سے مختلف سوالات کر رہے ہیں۔ سب سے زیادہ پوچھا جانے والا سوال یہ ہے کہ آخر ہمیں حج پر جانے کی ترغیب کس چیز نے دی؟
اس سوال کے جواب میں وسیم اکرم نے کہا کہ کوئی خاص منصوبہ نہیں تھا۔ میں نے اپنے دوست سے کہا تھا کہ جب مجھے اندر سے آمادگی محسوس ہوگی تب میں حج کے لیے جاؤں گا۔ چونکہ آپ اور مصباح پہلے ہی جا رہے تھے اس لیے میں نے بھی ساتھ جانے کا فیصلہ کر لیا۔ میری عمر جلد 60 سال ہونے والی ہے اس لیے مجھے لگا کہ یہی مناسب وقت ہے۔
مصباح الحق نے بھی اپنے حج کے تجربے پر خوشی اور اطمینان کا اظہار کرتے ہوئے کہا کہ یہ ان کی زندگی کا ایک خاص سفر تھا اور دوستوں کے ساتھ اس روحانی تجربے کو شیئر کرنے سے یہ یادگار لمحہ مزید خوبصورت بن گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج حج 2026 فخر عالم مصباح الحق وسیم اکرم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ