نوازشریف، مریم سے سعودی سفیر کی ملاقات، اقتصادی تعاون، دفاعی شراکت داری پر تبادلہ خیال
اشاعت کی تاریخ: 1st, August 2025 GMT
لاہور (نوائے وقت رپورٹ) نواز شریف اور وزیر اعلیٰ مریم نواز سے سعودی عرب کے سفیر نواف بن سعید المالکی نے ملاقات کی۔ نواز شریف اور وزیر اعلیٰ مریم نواز نے خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کے لیے نیک تمناؤں اور دلی احترام کا پیغام دیا۔ ملاقات میں باہمی دلچسپی کے امور، اقتصادی تعاون، دفاعی شراکت داری اور مسلم امہ کے اتحاد سے متعلق امور پر تبادلہ خیال کیا گیا۔ پاکستان اور سعودی عرب کے درمیان تاریخی، سیاسی، معاشی اور دفاعی تعلقات کو مزید مضبوط بنانے کے عزم کا اعادہ کیا گیا۔ ملاقات میں دفاعی شراکت داری، مشترکہ تربیت، انٹیلی جنس کے تبادلے اور باہمی تعاون کو مزید وسعت دینے پر اتفاق کیا گیا۔ وزیراعلیٰ نے کہا کہ سعودی عرب کی سرزمین ہر مسلمان کے دل میں خاص روحانی و قلبی مقام رکھتی ہے۔ خادم حرمین شریفین شاہ سلمان بن عبدالعزیز کی قیادت مسلم دنیا کے لیے امید، وقار اور ترقی کی علامت ہے۔ پاکستان اور سعودی عرب کا رشتہ باہمی اعتماد، مشترکہ اقدار اور دیرینہ اخوت پر مبنی ہے۔ سعودی عرب سے تعلق پاکستان کی خارجہ پالیسی کا مرکزی ستون ہے جو سیاسی، معاشی اور دیگر شعبوں میں مسلسل مضبوط ہو رہا ہے۔ پاکستان نے سعودی قیادت میں گلوبل واٹر آرگنائزیشن کے منشور پر بطور بانی رکن دستخط کیے جو آبی چیلنجز سے نمٹنے کے عزم کا اظہار ہے۔ سعودی قیادت کا خطے میں امن کے لیے کردار قابل ستائش ہے۔ پاکستان بھارتی جارحانہ اقدامات کے باوجود بات چیت کے ذریعے مسائل کے حل کا خواہاں ہے۔ پاکستان نے 27 جون 2025ء کے ثالثی فیصلے نے سندھ طاس معاہدے کی توثیق کی۔ پاکستان، جی سی سی فری ٹریڈ معاہدے کی جلد تکمیل کے لیے سعودی تعاون کا خواہاں ہے۔ سپیشل انویسٹمنٹ فسیلیٹیشن کونسل منصوبوں کو تیز رفتاری سے مکمل کرنے کا مؤثر پلیٹ فارم ہے۔ سعودی عرب میں مقیم 25 لاکھ پاکستانیوں کی میزبانی پر سعودی حکومت کے مشکور ہیں۔ سعودی عرب کے ساتھ قونصلر سطح پر قریبی اور مستقل رابطہ حکومت پنجاب کی اولین ترجیح ہے۔ علاوہ ازیں مریم نواز نے پاکستان کے ریموٹ سینسنگ سیٹلائٹ کی لانچنگ پر مسرت کا اظہار کیا ہے۔ وزیراعلیٰ مریم نواز شریف نے پاکستان کے جدید ریموٹ سینسنگ سیٹلائٹ کی کامیاب لانچنگ پر قوم کو مبارکباد دی ہے۔ اور شہباز شریف اور سیٹلائٹ پروگرام سے وابستہ تمام سائنسدانوں، انجینئرز اور ماہرین کو خراج تحسین پیش کیا ہے۔ ریموٹ سینسنگ سیٹلائٹ کی کامیاب لانچنگ پر چین کے تعاون پر بھی شکریہ ادا کیا ہے۔ وزیراعلیٰ مریم نواز شریف نے کہا کہ ریموٹ سینسنگ سیٹلائٹ قومی خودمختاری، سائنسی ترقی اور ماحولیاتی تحفظ کی جانب ایک انقلابی قدم ہے۔ چین پاکستان کا قابل اعتماد شراکت دار ہے جو ہر شعبے میں ہماری ترقی کا ساتھ دے رہا ہے۔ مریم نواز نے طوفانی بارشوں کے باعث قیمتی انسانی جانوں کے ضیاع پر افسوس کا اظہار کیا ہے۔ فارسٹ رینجرز کے عالمی دن پر پیغام میں مریم نواز نے کہا ہے کہ فارسٹ گارڈز ہمارے ماحولیاتی ہیرو ہیں۔ پنجاب میں ماحولیاتی توازن کی بحالی میں فارسٹ رینجرز کا کردار انتہائی اہم ہے۔ فارسٹ رینجرز کا دن منانے کا مقصد جنگلات کے تحفظ کے لئے اقدامات پر عوامی شعور بیدار کرنا ہے۔
.ذریعہ: Nawaiwaqt
کلیدی لفظ: ریموٹ سینسنگ سیٹلائٹ نواز شریف مریم نواز کے لیے کیا ہے
پڑھیں:
وزیراعظم شہباز شریف دورہ سعودی عرب مکمل کرکے اسلام آباد پہنچ گئے
اسلام آباد:
وزیرِ اعظم محمد شہباز شریف اپنا دورہ سعودی عرب مکمل کرکے ریاض سے اسلام آباد پہنچ گئے۔
ریاض کے نائب گورنر شہزادہ محمد بن عبدالرحمٰن بن عبدالعزیز نے وزیرِ اعظم اور پاکستانی وفد کو کنگ خالد انٹرنیشنل ایئرپورٹ پر الوداع کیا۔
وزیرِ اعظم کی اپنے دورے کے دوران سعودی عرب کے ولی عہد و وزیرِ اعظم شہزادہ محمد بن سلمان بن عبدالعزیز آلسعود کے ساتھ ملاقات ہوئی۔ ملاقات میں پاکستان و سعودی عرب کے مابین اقتصادی تعاون کے فریم ورک کا آغاز کیا گیا۔
فریم ورک پاکستان اور سعودی عرب کے مابین اقتصادی تعلقات میں ایک نئے باب کا آغاز ہے۔
پاکستان اور سعودی عرب کے درمیان موجود دیرینہ تعلقات کی مزید مضبوطی کے حوالے سے اقتصادی تعاون فریم ورک دونوں ممالک کے مابین تعاون کی نئی راہین تلاش کرنے میں کلیدی کردار ادا کرے گا۔
فریم ورک کے تحت دونوں ممالک کے مابین توانائی، صنعت، کان کنی، انفارمیشن ٹیکنالوجی، سیاحت، زراعت اور غذائی تحفظ کے شعبوں میں تعاون کی مضبوطی، نجی شعبے کے کردار کو بڑھانے اور تجارتی تبادلوں کے فروغ کے لیے کام ہوگا۔
گفتگو کے موضوعات میں دونوں ممالک کے مابین جاری متعدد مشترکہ منصوبے بشمول پاکستان اور سعودی عرب کے درمیان بجلی کی ترسیل کے منصوبے اور توانائی کے شعبے میں تعاون کی مفاہمتی یادداشتوں پر دستخط بھی شامل تھے۔
وزیرِ اعظم نے ریاض میں منعقدہ فیوچر انویسٹمنٹ انیشی ایٹیو کی 9ویں کانفرنس میں شرکت کی اور ’’کیا انسانیت صحیح سمت کی طرف گامزن ہے؟‘‘ کے موضوع پر گول میز کانفرنس میں پاکستان کا نقطہ نظر پیش کیا۔ وزیرِ اعظم نے اپنی گفتگو میں انسانی ترقی و فلاح و بہبود کے لیے عالمی اشتراک کی ضرورت پر زور دیا۔
انہوں نے سعودی ولی عہد و وزیرِ اعظم شہزادہ محمد بن سلمان کے ترقی کے ویژن اور دنیا میں ترقی کے اقدامات کے لیے سعودی عرب کے کردار کی تعریف کی۔ شہباز شریف نے پاکستان میں موسمیاتی تبدیلی کے مضر اثرات اور سیلاب کی تباہ کاریوں پر روشنی ڈالتے ہوئے گلوبل نارتھ کے گلوبل ساؤتھ کے ساتھ اشراک پر زور دیا۔
وزیرِ اعظم نے اپنی گفتگو میں حکومت کے پاکستانی عوام بالخصوص نوجوان افرادی قوت کی ترقی، مصنوعی ذہانت کے فروغ اور انفارمیشن ٹیکنالوجی کے شعبے میں ترقی کے اقدامات پر روشنی ڈالی۔ وزیرِ اعظم کی دورے کے دوران عالمی اقتصادی فورم کے صدر و چیف ایگزیکٹیو بورگا بغینڈے سے بھی ملاقات ہوئی۔
Tagsپاکستان
حیدرآباد ،شہریوں کی بڑی تعداد نے کشمیریوں کی حمایت میں کیے گئے مظاہرے میں بھرپور شرکت کی