پی ٹی آئی قومی و خیبر پختونخوا اسمبلی سے مسعفی ہو، عمیر نیازی
اشاعت کی تاریخ: 31st, July 2025 GMT
بیرسٹر عمیر نیازی : فوٹو فیس بک
پاکستان تحریک انصاف (پی ٹی آئی) کے رہنما بیرسٹر عمیر نیازی نے کہا ہے کہ وہ سمجھتے ہیں کہ اس نظام کا بوجھ اٹھانے سے بہتر ہے کہ پی ٹی آئی قومی اسمبلی اور خیبر پختونخوا اسمبلی سے استعفے دے دے۔
جیو نیوز کے پروگرام کیپیٹل ٹاک میں گفتگو کرتے ہوئے عمیر نیازی نے کہا کہ اگر تحریک انصاف نے اپنی سیاست ختم کرنی ہے تو صوبائی حکومت میں بیٹھی رہے۔
پروگرام میں شریک وفاقی وزیر طارق فضل چوہدری نے کہا کہ ہم نہیں چاہتے کہ تحریک انصاف ایوان سے نکلے یا مستعفی ہوجائے یا ان کی سیٹیں ہمیں ملیں۔
انہوں نے مزید کہا کہ صوبوں سے نکلنے والے تیل سمیت معدنی وسائل کی تقسیم آئین پاکستان کے مطابق ہوگی۔
.ذریعہ: Jang News
کلیدی لفظ: عمیر نیازی
پڑھیں:
کچھ لوگ ملک سے جمہوریت ختم کرنے کی کوشش کر رہے ہیں: بیرسٹر گوہر
بیرسٹر گوہر—فائل فوٹوچیئرمین پی ٹی آئی بیرسٹر گوہر کا کہنا ہے کہ کچھ لوگ ملک سے جمہوریت ختم کرنے کی کوشش کر رہے ہیں، اپنے حق، اپنے لیڈر اور ظلم کے خلاف آواز اٹھانا ہر شہری کا جمہوری حق ہے۔
اسلام آباد میں آل پارٹیز کانفرنس سے خطاب کرتے ہوئے بیرسٹر گوہر نے کہا کہ کسی جماعت کے کارکنوں نے اتنی قربانیاں نہیں دیں جتنی پی ٹی آئی کارکنوں نے دیں۔
پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ 3 دن میں تین سزائیں ہوئیں اور 45 سال کی سزا سنائی گئی۔
ان کا کہنا ہے کہ کوئی سوچ بھی نہیں سکتا کہ پرامن ریلی پر گولیاں چلیں گی، سیاسی جماعتوں کو فیصلہ کرنا ہو گا کہ پاکستان کا مستقبل جمہوریت ہے یا نہیں۔
بیرسٹر گوہر نے کہا کہ پاکستان میں جمہوریت رہے گی، آئین اور قانون کی بالادستی قائم کریں گے، عدلیہ کی آزادی اور ایماندار نظام کے لیے ہماری جدوجہد جاری رہے گی، پارلیمنٹ میں صرف وہ لوگ آنے چاہئیں جو عوامی حمایت سے منتخب ہوں۔
انہوں نے کہا کہ پاکستان تحریکِ انصاف آئندہ کا جمہوری اور عوامی لائحہ عمل بہت جلد دے گی، پی ٹی آئی ان تمام جمہوری الائنسز کا ساتھ دے گی جو آئین، قانون اور انصاف کی بات کریں گے۔
دلجیت دوسانجھ کس پاکستانی گلوکار کے مداح نکلے؛ مشہور گانا بھی گنگنایا