پنجاب حکومت کی آسان قرض سکیم،کاروباری افراد کیلئے بڑی خوشخبری
اشاعت کی تاریخ: 2nd, August 2025 GMT
سٹی42: پنجاب حکومت نے کاروباری افراد کے لیے "پنجاب آسان کاروبار" کے تحت آسان قرضوں کی نئی اسکیم کا اعلان کیا ہے۔
اسکیم کی اہم تفصیلات کے مطابق مجموعی فنانسنگ پلان 75 ارب روپے، سبسڈی بجٹ 22.25 ارب روپے، مستفید افراد 7,514 افراد (ابتدائی مرحلے میں) اور تخمینہ شدہ کریڈٹ لاس آئندہ برسوں میں 10 فیصد تک ہے۔
سرکاری ذرائع کے مطابق محکمہ صنعت پنجاب نے یہ تمام تخمینے اور تفصیلات حکومت کو فراہم کر دی ہیں۔ اسکیم کے تحت قرضوں کی تقسیم اور مالی تحفظ کو مدنظر رکھتے ہوئے کریڈٹ لاس کی شرح کا اندازہ لگایا گیا ہے تاکہ حکومتی وسائل کا مؤثر استعمال یقینی بنایا جا سکے۔
راولپنڈی ایکسپریس ٹرین کو حادثہ
اسکیم کا مقصد چھوٹے اور درمیانے درجے کے کاروباروں کو سہولت فراہم کرنا، صوبے میں نئی ملازمتوں کے مواقع پیدا کرنا، کاروباری سرگرمیوں کو فروغ دینا اور نوجوانوں کو خود روزگار کی جانب راغب کرنا ہے۔
حکومتی حکام کا کہنا ہے کہ یہ اسکیم پائیدار معیشت اور کاروباری ماحول کی بہتری کی جانب ایک اہم قدم ہے، جس سے آئندہ چند برسوں میں پنجاب کی کاروباری فضا میں نمایاں بہتری کی توقع کی جا رہی ہے۔
ذریعہ: City 42
کلیدی لفظ: سٹی42
پڑھیں:
ڈرائیونگ لائسنس بنوانے والوں کیلئے بڑی خوشخبری
ویب ڈیسک: پاکستانی شہریوں کو قومی اور بین الاقوامی ڈرائیونگ لائسنس کی سہولت فراہم کرنے کے حوالے سے بڑی پیشرفت سامنے آئی ہے۔
موٹروے پولیس نے شہریوں کو سہولت فراہم کرنے کیلئے کوئٹہ میں باقاعدہ طور پر ڈرائیونگ لائسنس اتھارٹی قائم کر دی ہے، جہاں نہ صرف مقامی بلکہ بین الاقوامی لائسنس کا بھی اجرا کیا جا رہا ہے،یہ اتھارٹی اسلام آباد اور شیخوپورہ کے بعد ملک میں موٹروے پولیس کے تحت قائم کی جانے والی تیسری ڈرائیونگ لائسنس اتھارٹی ہے۔
جرمنی: بلدیہ کا مسجد گرانے کا حکم،مسلم کمیونٹی کا انکار
ڈپٹی انسپکٹر جنرل (ڈی آئی جی) موٹروے پولیس اشفاق احمد نے بتایا کہ کوئٹہ میں اس منصوبے پر کام دو سال قبل شروع کیا گیا تھا جبکہ گزشتہ برس سے اتھارٹی نے باقاعدہ کام کا آغاز کر دیا۔ اب تک یہاں سے 2,000 سے زائد ڈرائیونگ لائسنس جاری کیے جا چکے ہیں۔
ڈی آئی جی موٹروے کا کہنا تھا کہ لائسنس کے اجرا کے لیے مکمل اور جدید ٹیسٹنگ سسٹم موجود ہے، جس کی بدولت جو امیدوار مہارت کا مظاہرہ کرتا ہے، اسے پہلے ہی دن لائسنس جاری کر دیا جاتا ہے،انہوں نے مزید بتایا کہ اس اقدام کا مقصد محفوظ ڈرائیونگ کو فروغ دینا اور ناتجربہ کار ڈرائیوروں کی وجہ سے ہونے والے حادثات کی روک تھام ہے۔
تھانیدارکاپولیس اہلکاروں کےہمراہ تاجرکےگھردھاوا،فوٹیج سامنےآ گئی
اشفاق احمد کے مطابق موٹروے پولیس کی ہائی وے فورس بلوچستان میں کوئٹہ سے قلات اور اوتھل سے حب تک تعینات ہے تاہم صوبے میں صرف 1,000 موٹروے پولیس اہلکار فرائض انجام دے رہے ہیں جو کہ بڑھتے ہوئے ٹریفک کے بوجھ کے مقابلے میں ناکافی ہے۔ نفری میں اضافے کے لیے کوششیں جاری ہیں تاکہ شاہراہوں پر بہتر نگرانی اور ٹریفک کنٹرول ممکن بنایا جا سکے۔
ملک میں کینسر کی غیرمعیاری بھارتی ادویات کی فروخت کا انکشاف