روس میں 6 صدیوں بعد آتش فشاں پھٹ پڑا، کیا زلزلہ ذمہ دار ہے؟
اشاعت کی تاریخ: 3rd, August 2025 GMT
روس کے مشرقی علاقے میں واقع کرشینینیکوو آتش فشاں 600 سال بعد اچانک پھٹ پڑا۔
ماہرین کا کہنا ہے کہ اس دھماکے کی ممکنہ وجہ گزشتہ ہفتے آنے والا طاقتور زلزلہ ہو سکتی ہے۔
یہ بھی پڑھیں:2 گھنٹوں میں زلزلے کے 160 جھٹکے، آتش فشاں پھٹنے کا الرٹ جاری
یہ بات روسی سرکاری نیوز ایجنسی RIA نے ماہر آتش فشانیات اولگا گیرینا کے حوالے سے بتائی، جن کے مطابق یہ آتش فشاں آخری بار 1463ء کے آس پاس پھٹا تھا۔
حالیہ زلزلے نے نہ صرف روس بلکہ بحرالکاہل کے دور دراز علاقوں، جیسے کہ فرانسیسی پولینیشیا اور چلی، تک سونامی کی وارننگ جاری کروا دی تھی۔
اس زلزلے کے بعد کامچاٹکا کے ایک اور فعال آتش فشاں کلیوچیفسکوی نے بھی لاوا اُگلنا شروع کیا تھا۔
یہ بھی پڑھیں: انٹارکٹیکا کا سونا اُگلتا آتش فشاں، حقیقت یا فسانہ؟
روس کی وزارتِ ایمرجنسی کے مطابق آتش فشاں سے 6000 میٹر (تقریباً 4 میل) اونچا راکھ کا بادل اٹھا ہے، جو اب بحرالکاہل کی طرف بڑھ رہا ہے، تاہم اس کے راستے میں کوئی آبادی نہیں ہے۔
آتش فشاں کی شدت کو دیکھتے ہوئے فضائی سفر کے لیے اورنج الرٹ جاری کیا گیا ہے، جو کہ ہوائی جہازوں کے لیے خطرے کی نشاندہی کرتا ہے۔
یہ پہلا موقع ہے جب اس آتش فشاں کی باقاعدہ تصدیق شدہ سرگرمی دیکھی گئی ہے۔ ماہرین صورتحال پر مسلسل نظر رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتش فشاں روس زلزلہ کرشینینیکوو آتش فشاں.ذریعہ: WE News
کلیدی لفظ: زلزلہ
پڑھیں:
9 مئی مقدمات ، پی ٹی آئی کے 14 رہنماؤں کے اشتہار جاری
راولپنڈی(اُردو پوائنٹ اخبارتازہ ترین - این این آئی۔ 18 ستمبر2025ء)راولپنڈی کی انسداد دہشت گردی عدالت نی9 مئی مقدمات میں پی ٹی آئی کے 14 رہنماؤں کے اشتہار جاری کر دئیے۔ملزمان کے اشتہار انسداد دہشتگردی عدالت کے جج امجد علی شاہ نے جاری کیے ہیں۔ عدالت نے اشتہار پر 18 اکتوبر کو رپورٹ طلب کر لی ہے۔ملزمان میں عمر ایوب، کنول شوذب، شیخ راشد شفیق، عظیم اللّٰہ خان، زرتاج گل، رائے محمد مرتضیٰ، رائے حسن نواز، محمد احمد چٹھہ، محمد جاوید میں شامل ہیں۔(جاری ہے)
شبلی فراز، چوہدری آصف علی، چوہدری بلال اعجاز، شکیل احمد خان اور اشرف خان کے نام بھی شامل اس فہرست میں شامل ہیں۔اشتہار تھانہ نیوٹاؤن، صادق آباد، سٹی، وارث خان، سول لائنز، تھانہ مورگاہ، ٹیکسلا، صدر واہ، کینٹ اور آر اے بازار کے مقدمات میں جاری کیا گیا ہے۔ملزمان کے قبل ازیں ناقابل ضمانت وارنٹ گرفتاری جاری کیے گئے تھے۔ وارنٹ گرفتاری کی عدم تعمیل و عدم حاضری پر ملزمان کے اشتہار جاری کیے گئے۔ اشتہار پر رپورٹ داخل ہونے پر ملزمان کو مفرور قرار دینے کی کارروائی کا آغاز کیا جائے گا۔
پاکستان اور قازقستان کا تعلقات مزید مضبوط بنانے کا عزم