مختلف اداروں کے بورڈز میں خالی آسامیوں پر تقرریوں کی منظوری
اشاعت کی تاریخ: 7th, August 2025 GMT
اسلام آباد:
کابینہ کمیٹی برائے ریاستی ملکیتی اداروں نے مختلف اداروں کے بورڈز میں خالی آسامیوں پر تقرریوں کی منظوری دیدی۔
وزارت خزانہ کے مطابق کابینہ کمیٹی برائے ریاستی ملکیتی اداروں کا اجلاس وفاقی وزیر خزانہ محمد اورنگزیب کی زیر صدارت ہوا،کمیٹی نے مختلف اداروں کے بورڈز میں خالی آسامیوں پر تقرریوں کی منظوری دیدی۔
عاصم عزیز صدیقی کو ٹریڈنگ کارپوریشن بورڈ کا چیئرمین مقرر کردیا گیا، عائشہ عزیز ٹریڈنگ کارپوریشن آف پاکستان کی آزاد ڈائریکٹر مقرر کردی گئیں۔
اعلامیے کے مطابق شعیب میر میمن پاکستان ری انشورنس کمپنی کے بورڈ چیئرمین ہوں گے۔ وزارتِ صنعت و پیداوار کی جانب سے سمال اینڈ میڈیم انٹرپرائزز ڈویلپمنٹ اتھارٹی (سمیڈا )کے بورڈ آف ڈائریکٹرز کی دوبارہ تشکیل کی تجویز بھی اجلاس میں پیش کی گئی جسے کمیٹی نے منظور کر لیا۔
بورڈ میں چھ نجی شعبے سے تعلق رکھنے والے افراد کو بطور آزاد ڈائریکٹرز شامل کیا گیا ہے جن میں سیف علی راستگار (پنجاب) مشہود خان (سندھ) عثمان سیف اللہ خان (خیبرپختونخوا) اسرار خان کاکڑ (بلوچستان) آسیہ سائل خان خواتین کی نمائندگی اور ڈاکٹر سید ظہور حسن ترقیاتی شعبے کی نمائندگی شامل ہیں۔
.ذریعہ: Express News
کلیدی لفظ: کے بورڈ
پڑھیں:
پی ٹی آئی رکن قومی اسمبلی شیخ وقاص کی طویل غیرحاضری پر نشست خالی قرار دینے کی قرارداد پیش
اسلام آباد:پاکستان تحریک انصاف (پی ٹی آئی) کے سیکریٹری اطلاعات اور رکن قومی اسمبلی شیخ وقاص اکرم کی بغیررخصت کے طویل غیرحاضری پر حکمران جماعت کی رکن اسمبلی نے نشست خالی قرار دینے کی تحریک پیش کردی۔
قومی اسمبلی کا اجلاس شروع ہوا تو اسپیکر سردار ایاز صادق نے قومی اسمبلی کے قوائد و ضوابط کی سیکشن 44کا حوالہ دیتے ہوئے اپوزیشن رکن شیخ وقاص اکرم کے 40 روز تک ایوان سے غیر حاضر رہنے کا معاملہ ایوان میں پیش کردیا۔
اسپیکر قومی اسمبلی نے کہا کہ شیخ وقاص اکرم بغیر رخصت کے 40 دن سے زائد سے غیر حاضر ہیں اور رکن قومی اسمبلی 40 دن تک بغیر رخصت کے غیر حاضر ہو تو اسپیکر ایوان کے نوٹس میں لاتا ہے اور آرٹیکل 64 کے تحت ایسے رکن کی نشست کو خالی قرار دے سکتا ہے۔
پاکستان مسلم لیگ (ن) کی رکن نوشین افتخار نے شیخ وقاص اکرم کی نشست کو بغیر اطلاع ایوان سے غیر حاضر رہنے پر آرٹیکل 64کی ذیلی شق 2کے تحت نشست خالی قرار دینے کی تحریک پیش کی جس پر ڈپٹی اسپیکر سید غلام مصطفی شاہ نے کہا کہ اسے رولز کے مطابق دیکھ لیا جائے گا۔
وفاقی وزیر قانون اعظم نذیر تارڑ نے کہا کہ 2022میں کس سیاسی مصلحت کے تحت اسمبلیاں تحلیل کردی گئیں تھیں، سیاست دانوں کو پہلی دفعہ سزا نہیں ہوئی ہمیں بات چیت کے لیے کسی بند کمرے میں بیٹھنا پڑے گا اور ساری دنیا میں ججوں کی تعیناتی اس طرح ہوتی ہے۔
معرکہ حق میں شکست کھانے والا بھارت پراکسی جنگ میں شدت لا رہا ہے: فیلڈ مارشل