کے الیکٹرک صارفین کے لئے نئے ڈیزائن کے بل متعارف
اشاعت کی تاریخ: 6th, August 2025 GMT
کے الیکٹرک بل میں لے آؤٹ کی یہ تبدیلی مختلف صارف طبقات کے ساتھ تفصیلی غور و خوض کے بعد متعارف کرائی گئی ہے۔ نمایاں خصوصیات میں بل کی تفصیلات کا خلاصہ، ایک جگہ پر تمام حساب کتاب، اہم اعلانات و پیغامات کے لیے علیحدہ پیغام رسائی کا خانہ، بجلی کے نرخ اور ٹیکسز کی تفصیلات کے ساتھ صارف کے رابطے کے ذرائع شامل ہیں۔ اسلام ٹائمز۔ کے الیکٹرک نے صارفین کے لیے بجلی کے بل کی نئی شکل متعارف کرادی ہے، شہری بجلی کے استعمال اور ادائیگیوں کا واضح خلاصہ دیکھ سکیں گے۔ کے الیکٹرک کی جانب سے بجلی بل کا نیا لے آؤٹ مرتب کیا گیا ہے اب اسی ڈیزائن کے تحت صارفین کو بل ارسال کیے جائیں گے، بل کی ترتیب میں تبدیلی کا مقصد معلومات کو آسان بنانا ہے جبکہ صارفین کے لیے نرخ ، زمرہ جات یا سلیب میں کوئی تبدیلی نہیں کی گئی ہے۔ اس وقت جو ٹیرف نافذ العمل ہے، وہ جولائی 2025 میں حکومتِ پاکستان نے تمام ڈسکوز کے لیے جاری کیا تھا اور ملک بھر میں یکساں طور پر لاگو ہے۔نئے بل کا لے آؤٹ کے الیکٹرک کی نئی حکمتِ عملی کی عکاس ہے، جو اس کے وژن کا حصہ ہے تاکہ صارفین کو ان کے بجلی کے استعمال اور اخراجات کے بارے میں آسان اور قابلِ فہم معلومات فراہم کی جا سکے۔
کے الیکٹرک بل میں لے آؤٹ کی یہ تبدیلی مختلف صارف طبقات کے ساتھ تفصیلی غور و خوض کے بعد متعارف کرائی گئی ہے۔ نمایاں خصوصیات میں بل کی تفصیلات کا خلاصہ، ایک جگہ پر تمام حساب کتاب، اہم اعلانات و پیغامات کے لیے علیحدہ پیغام رسائی کا خانہ، بجلی کے نرخ اور ٹیکسز کی تفصیلات کے ساتھ صارف کے رابطے کے ذرائع شامل ہیں۔ نئے بل میں اہم معلومات جیسے کہ بل کا حساب، توانائی چارجز اور ٹیکس نمایاں طور پر سامنے نظر آئیں گے، صارف سے متعلق معلومات جیسے کہ کنیکٹڈ لوڈ، سیکورٹی ڈپازٹ اور اکاؤٹ نمبر کو بھی ایک باکس میں یکجا کیا گیا ہے۔
پیغام بورڈ ایک اضافی فیچر کے طور پر شامل کیا گیا ہے جو صارف کے اکاؤٹ سے متعلق مخصوص معلومات اور حکومت کی ہدایت کے مطابق ٹیرف یا ٹیکس میں تبدیلی سے آگاہ کرے گا۔ نئے بل کا ایک اور اہم پہلو یہ ہے کہ اس میں اضافی پرچوں کی ضرورت کم کر دی گئی ہے جو معلومات پہلے علیحدہ فلائر کے ذریعے دی جاتی تھیںاب بل کے پچھلے صفحے پر شامل کی گئی ہیں تاکہ ماحول دوست اقدامات کو فروغ دیا جا سکے۔ ان میں نیٹ میٹرنگ، اسمارٹ میٹر اپڈیٹس اور دیگر سروس معلومات شامل ہیں۔ کے الیکٹرک کی سینئر ڈائریکٹر اور ہیڈ آف مارکیٹنگ و کسٹمر ایکسپیرینس نور افشاں کا کہنا تھا کہ نیا بل صارفین کے ساتھ ہمارے شفاف رابطے کے عزم کا مظہر ہے، اور یہ فیصلہ صارفین کی آراءکو مدنظر رکھتے ہوئے کیا گیا ہے۔
ذریعہ: Islam Times
کلیدی لفظ: کے الیکٹرک کی تفصیلات کیا گیا ہے صارفین کے لے ا و ٹ کے ساتھ بجلی کے کے لیے گئی ہے
پڑھیں:
بجلی کے بڑے صارفین کے لیے نئی ڈیوٹی
پنجاب حکومت نے 500 کے وی اے سے زائد بجلی استعمال کرنے والے صارفین پر بجلی ڈیوٹی عائد کرنے کا فیصلہ کرلیا۔ پنجاب فنانس ترمیمی بل 2025ء صوبائی اسمبلی سے کمیٹی کو بھیجے بغیر ہی منظور کرلیا گیا ہے۔ جس کے مطابق 500 کے وی اے سے زائد بجلی استعمال کرنے والے صنعتی و کمرشل صارفین پر بجلی ڈیوٹی لاگو ہو گی۔ بل کے متن کے مطابق بجلی ڈیوٹی فی یونٹ 4 پیسے ہو گی۔ 500 کے وی اے تک بجلی استعمال کرنے والے صنعتی و کمرشل صارفین کو بجلی ڈیوٹی سے استثنا حاصل ہو گا جب کہ 500 کے وی اے سے بڑے جنریٹر رکھنے والے ادارے ٹیکس نیٹ میں لائے جائیں گے۔ پنجاب اسمبلی سے منظور بل کے مطابق تمام گھریلو صارفین بجلی ڈیوٹی سے مکمل مستثنا ہوں گے۔ نیشل گرڈ کے صنعتی و کمرشل صارفین سے بجلی ڈیوٹی ڈسکوز کے ذریعے حاصل ہو گی۔ نجی بجلی استعمال کرنے والے صنعتی و کمرشل صارفین سے الیکٹرک انسپکٹرز کے ذریعے بجلی ڈیوٹی وصول کی جائے گی۔ مجوزہ قانون کا اطلاق کمرشل اور صنعتی شعبے پر ہو گا۔ بل کے تحت پنجاب فنانس ایکٹ 1964 میں ترامیم کی جائیں گی اور اس بل کی حتمی منظوری گورنر پنجاب دیں گے۔
ملک بھر میں انٹرنیٹ سروسز کیوں متاثر ہیں؟