امریکا نے اقوام متحدہ سے غزہ میں بین الاقوامی سیکورٹی فورس کے قیام کی منظوری طلب کرلی
اشاعت کی تاریخ: 4th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکا نے اقوام متحدہ کی سلامتی کونسل سے غزہ میں ایک بین الاقوامی سیکورٹی فورس کے قیام کی منظوری طلب کرلی ہے، جس کا مینڈیٹ کم از کم 2 سال کے لیے تجویز کیا گیا ہے۔
بین الاقوامی خبر رساں اداروں کی رپورٹس میں امریکی ویب سائٹ ایکسِیوس کے حوالے سے بتایا گیا ہے کہ واشنگٹن نے اقوام متحدہ کے رکن ممالک کو ایک ڈرافٹ قرارداد بھیجی ہے، جس میں انٹرنیشنل سیکورٹی فورس یا آئی ایس ایف کے قیام اور ذمہ داریوں کی تفصیلات بیان کی گئی ہیں۔
رپورٹ کے مطابق یہ قرارداد حساس مگر غیر خفیہ قرار دی گئی ہے اور اس میں امریکا و اتحادی ممالک کو غزہ میں براہ راست سیکورٹی کنٹرول سنبھالنے کا وسیع اختیار دینے کی تجویز شامل ہے۔
ڈرافٹ کے تحت یہ فورس ’غزہ بورڈ آف پیس‘ کے مشورے سے تشکیل دی جائے گی، جس کی سربراہی امریکی صدر ڈونلڈ ٹرمپ کو سونپنے کی تجویز دی گئی ہے۔ یہ بورڈ کم از کم 2027 کے اختتام تک برقرار رہے گا اور غزہ کے انتظامی معاملات میں کلیدی کردار ادا کرے گا۔
امریکی ذرائع کے حوالے سے رپورٹ میں بتایا گیا ہے کہ یہ فورس امن قائم رکھنے کے بجائے دوسرے مشن کے طور پر کام کرے گی، جس کا بنیادی ہدف غزہ کو غیر عسکری بنانا اور مسلح گروہوں کو غیر مسلح کرنا ہوگا۔
رپورٹ میں مزید بتایا گیا ہے کہ آئی ایس ایف کو غزہ کی سرحدوں (اسرائیل اور مصر کے ساتھ) کی سیکورٹی، عام شہریوں اور امدادی راہداریوں کے تحفظ، نئی فلسطینی پولیس فورس کی تربیت اور سیکورٹی پارٹنرشپ کی ذمہ داری دی جائے گی۔ اس فورس کو اپنے مینڈیٹ کی تکمیل کے لیے بین الاقوامی قوانین کے تحت تمام ضروری اقدامات کرنے کی اجازت ہوگی۔
قرارداد کے مطابق عبوری دور میں بورڈ آف پیس ایک غیر سیاسی، ٹیکنوکریٹ فلسطینی کمیٹی کی نگرانی کرے گا جو روزمرہ انتظامی امور کی ذمہ دار ہوگی۔ امداد کی فراہمی بھی اسی بورڈ کی منظوری سے اقوام متحدہ، ریڈ کراس اور ریڈ کریسنٹ کے ذریعے ہوگی۔ اگر کوئی تنظیم امداد کے غلط استعمال میں ملوث پائی گئی تو اس پر پابندیاں عائد کی جا سکیں گی۔
.
ذریعہ
ذریعہ: Jasarat News
کلیدی لفظ: بین الاقوامی اقوام متحدہ گیا ہے
پڑھیں:
بین الاقوامی منڈیوں میں خام تیل کی قیمتوں میں اضافہ، سونا،قیمتی دھاتوں اورزرعی اجناس کی قیمتوں میں کمی
اسلام آباد (اُردو پوائنٹ اخبارتازہ ترین - اے پی پی۔ 03 جون2026ء) بین الاقوامی منڈیوں میں بدھ کوخام تیل کی قیمتوں میں اضافہ جبکہ سونا،قیمتی دھاتوں اورزرعی اجناس کی قیمتوں میں کی کارحجان رہا۔بلوم برگ کی رپورٹ کے مطابق امریکی ویسٹ ٹیکساس انٹرمیڈیٹ کے تحت خام تیل کے مستقبل کے سودے 2.07ڈالرکے اضافہ سے 95.83ڈالرفی بیرل اوربرینٹ فیوچرکے تحت مستقبل کے سودے 1.98ڈالرکے اضافہ سے 97.98ڈالرفی بیرل میں طے پائے گئے۔(جاری ہے)
روسی یورال خام تیل کی قیمت میں 4.21ڈالرکااضافہ ہوااورمستقبل کے سودے 86.77ڈالرکی بیرل میں طے پائے۔دبئی مارکیٹ میں خام تیل کی قیمت میں استحکام رہا اورمستقبل کے سودے 103.15ڈالرفی بیرل میں طے پائے گئے۔عرب لائیٹ خام تیل کی قیمت0.11ڈالرکے اضافہ کے بعد103.73ڈالر، کویت ایکسپورٹ بلینڈ کی قیمت 117.51ڈالرہوگئی۔دوسری طرف سونے اورقیمتی دھاتوں کی قیمت میں کمی کارحجان رہا، سونے کی قیمت 21.57ڈالرکی کمی کے بعد4467.29ڈالرفی اونس اورچاندی کی قیمت0.94ڈالرکی کمی کے بعد74.62ڈالرہوگئی،مکئی کی قیمت 0.75ڈالرکی کمی کے بعد439.75ڈالر اورگندم 4.50ڈالرکی کمی کے بعد598.50ڈالرکی بشل ہوگئی۔ کاٹن کی قیمت میں بھی کمی کارحجان رہا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ