رحیم یار خان: عوام ایکسپریس کی 3 بوگیاں پٹری سے اتر گئیں
اشاعت کی تاریخ: 10th, August 2025 GMT
—فائل فوٹو
رحیم یارخان میں خان پور سٹی پھاٹک پر عوام ایکسپریس کی 3 بوگیاں پٹری سے اتر گئیں، حادثے کا شکار بوگیوں کو ٹرین سے الگ کر دیا گیا۔
ریلوے حکام کے مطابق ٹرین پشاور سے کراچی آرہی تھی۔ حادثے کی وجہ معلوم نہیں ہو سکی۔
حکام نے کہا کہ روہڑی اور سمہ سٹہ سے امدادی ٹرین موقع پر پہنچ گئی ہے، ڈاؤن ٹریک ٹرینوں کی آمد و رفت معطل ہے۔
.ذریعہ: Jang News
پڑھیں:
جعفر ایکسپریس ایک اور دھماکے سے بال بال بچ گئی
بلوچستان کے شہر سبی میں ریلوے اسٹیشن کے قریب ٹریک ہوئے دھماکے میں جعفر ایکسپریس بال بال بچ گئی۔ خوش قسمتی سے دھماکا پنجاب سے آنے والی جعفر ایکسپریس کے گزرنے کے بعد ہوا اور کوئی جانی نقصان نہیں ہوا۔ واقعے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔پولیس حکام کا کہنا ہے کہ جائے وقوعہ اور ٹریک کا معائنہ کیا جا رہا ہے اور شواہد اکھٹے کیے جا رہے ہیں۔ حکام کے مطابق تحقیقات جاری ہیں کہ دھماکے میں کس نوعیت کا مواد استعمال ہوا اور اس کا ہدف کیا تھا۔یہ واقعہ پیر کو جعفر ایکسپریس پر ہونے والی دہشتگردی کی کوشش کے بعد پیش آیا ہے۔ پیر کی صبح کوئٹہ سے پشاور جانے والی اسی ٹرین کے پائلٹ انجن کو کولپور کے قریب فائرنگ کا نشانہ بنایا گیا تھا، جس کے باعث ٹرین کو دوزان ریلوے اسٹیشن پر روک دیا گیا۔ انجن کو پانچ گولیاں لگیں مگر عملہ محفوظ رہا۔اس حملے کی ذمہ داری بھارت کی پشت پناہی سے چلنے والی علیحدگی پسند تنظیم ”بلوچ لبریشن آرمی (بی ایل اے)“ نے قبول کی تھی، جسے سیکیورٹی ادارے ”فتنۃ الہندوستان“ کے طور پر شناخت کرتے ہیں۔ ماضی میں بھی جعفر ایکسپریس کئی بار دہشتگردی کا نشانہ بن چکی ہے۔مارچ 2025 میں کوئٹہ سے پشاور جانے والی اسی ٹرین پر حملے میں 26 مسافر شہید ہوئے تھے جن میں اکثریت کا تعلق سیکیورٹی اداروں سے تھا۔ اس کے علاوہ جون 2025 میں سندھ کے ضلع جیکب آباد میں بم دھماکے سے جعفر ایکسپریس کی چار بوگیاں پٹڑی سے اتر گئی تھیں. تاہم تمام مسافر محفوظ رہے۔
پونے جم میں ورزش کرتے شخص کی پُراسرار موت، ویڈیو وائرل