جاوید چوہدری کو نوکری سے کیوں اور کیسے نکالا، اینکر سے ساری تفصیل بتادی
اشاعت کی تاریخ: 7th, November 2025 GMT
معروف صحافی، کالم نگار اور اینکر پرسن جاوید چوہدری کا ایکسپریس میڈیا گروپ کے ساتھ 19 سالہ طویل سفر اچانک ختم ہو گیا۔
جاوید چوہدری کے مطابق انہیں ایکسپریس میڈیا گروپ کے سی ای او اعجاز الحق نے ملاقات کے دوران اس فیصلے سے آگاہ کیا۔ اعجاز الحق نے بتایا کہ ’ہمارا ساتھ بہت طویل رہا ہے، لیکن اب یہ سفر ختم ہونے جا رہا ہے۔ آپ کے دو آخری پروگرامز ہوں گے‘۔
یہ بھی پڑھیں: 19 سال بعد جاوید چوہدری کا ایکسپریس نیوز چھوڑنے کا فیصلہ، مالکان نے کیا پیغام بھیجا تھا؟
جاوید چوہدری نے بتایا کہ انہوں نے ملاقات کے دوران سی ای او سے کہا کہ ان کا کالم پہلے ہی اشاعت کے لیے بھیجا جا چکا ہے، اگر ادارہ چاہے تو وہ اسے واپس منگوا لیں، تاہم اعجاز الحق نے جواب دیا کہ ’کالم چھپنے دیں، اس پر بعد میں بات کریں گے‘۔
جاوید چوہدری کے مطابق جب انہوں نے استفسار کیا کہ کالم کے حوالے سے آپ کے ذہن میں کیا ہے؟ تو اعجاز الحق نے کہا کہ آپ بیرونِ ملک جا رہے ہیں، واپسی پر اس پر تفصیل سے گفتگو کریں گے۔ اس موقع پر سی ای او نے پوچھا کہ ’آپ کی کوئی ڈیمانڈ ہے؟‘ جس پر جاوید چوہدری نے کہا، میرا آپ سے 19 سال کا رشتہ رہا ہے، میں بھاؤ تاؤ نہیں کروں گا اور نہ ہی کوئی مطالبہ رکھوں گا۔
جاوید چوہدری کے مطابق ملاقات کے اختتام پر انہوں نے پیغام دیا کہ سلطان لاکھانی صاحب کو میرا سلام کہیے گا، اور انہیں کہیے گا کہ میں نے بہت سے بڑے لوگوں کے ساتھ کام کیا ہے مگر ان کے ساتھ کام کر کے لطف نہیں آیا۔
یہ بھی پڑھیں: اسرائیل سے متعلق سوال کرنے پر صحافی کو نوکری سے نکال دیاگیا، صحافتی تنظیمیں برہم
بعد ازاں جاوید چوہدری نے سلطان لاکھانی سے براہِ راست رابطہ کیا اور انہیں پیغام دیا کہ کوئی مسئلہ نہیں، جب آپ اسلام آباد آئیں تو ملاقات ضرور ہونی چاہیے۔ ان کے مطابق سلطان لاکھانی نے فون کر کے جواب دیا کہ ’میں آپ کا پیغام محفوظ رکھوں گا، جب آپ کراچی آئیں تو ضرور ملاقات ہوگی، ہم ایک ساتھ کھانا کھائیں گے‘۔
یاد رہے کہ جاوید چوہدری پاکستان کے معروف صحافیوں میں شمار کیے جاتے ہیں۔ وہ طویل عرصے سے ایکسپریس نیوز پر اپنے پروگرام ’کل تک‘ کے ذریعے موجودہ سیاسی و سماجی حالات پر تبصرہ کرتے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکسپریس نیوز جاوید چوہدری صحافی برطرف ویڈیو وائرل.
ذریعہ
ذریعہ: WE News
کلیدی لفظ: ایکسپریس نیوز جاوید چوہدری صحافی برطرف ویڈیو وائرل اعجاز الحق نے جاوید چوہدری کے مطابق دیا کہ
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار