تیسرا ٹی 20، منیبہ علی کی شاندار سنچری، پاکستان نے آئرلینڈ کو 8 وکٹوں سے ہرا دیا
اشاعت کی تاریخ: 10th, August 2025 GMT
پاکستان ویمن ٹیم نے ٹی 20 سیریز کے تیسرے میچ میں آئرلینڈ کو 8 وکٹوں سے شکست دے دی ہے۔
ڈبلن میں کھیلے گئے تین میچوں کی ٹی 20 سیریز کے آخری مقابلے میں پاکستان ویمنز ٹیم نے میزبان آئرلینڈ کو 8 وکٹوں سے شکست دے دی، تاہم سیریز 1-2 سے آئرلینڈ کے نام رہی۔
یہ بھی پڑھیں: ویمنز کرکٹ ٹیم آئرلینڈ کے خلاف کامیابی کے تسلسل کو برقرار رکھنے کے لیے پُرعزم ہے، کپتان فاطمہ ثنا
آئرش ٹیم نے پہلے بیٹنگ کرتے ہوئے مقررہ 20 اوورز میں 155 رنز بنائے۔ اورلا پرینڈرگاسٹ نے ناقابل شکست 64 اور گیبی لیوئس نے 36 رنز کی اننگز کھیلی۔ پاکستان کی جانب سے رامین شمیم، وحیدہ اختر، سعدیہ اقبال اور کپتان فاطمہ ثنا نے ایک، ایک وکٹ حاصل کی۔
جواب میں پاکستان نے 2 وکٹوں کے نقصان پر ہدف 156 رنز بآسانی پورا کر لیا۔ اوپنر منیبہ علی نے 68 گیندوں پر ناقابل شکست 100 رنز کی اننگز کھیل کر میچ کا پانسہ پلٹ دیا۔ اس دوران انہوں نے 14 چوکے اور ایک چھکا جڑا اور پلیئر آف دی میچ قرار پائیں۔
یہ بھی پڑھیں: قومی ویمن ٹیم کی نیوزی لینڈ کے خلاف تیسرے ون ڈے میں تاریخی کامیابی
آل راؤنڈر عالیہ ریاض نے 39 رنز بنا کر منیبہ کے ساتھ 101 رنز کی شراکت قائم کی اور دونوں بیٹرز ناٹ آؤٹ پویلین لوٹیں۔
یاد رہے کہ سیریز کے پہلے میچ میں آئرلینڈ نے پاکستان کو 11 رنز سے اور دوسرے میچ میں 4 وکٹوں سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئرلینڈ پاکستان ٹی20 سیریز عالیہ ریاض منیبہ علی.ذریعہ: WE News
کلیدی لفظ: ا ئرلینڈ پاکستان ٹی20 سیریز عالیہ ریاض منیبہ علی ا ئرلینڈ وکٹوں سے
پڑھیں:
پاکستان نے کویت کو شکست دیکر ہانگ کانگ سکسز کا ٹائٹل اپنے نام کرلیا
data-id="863a0a8" data-element_type="widget" data-widget_type="theme-post-content.default">
ہانگ کانگ سکسز کپ کے فائنل میں پاکستان نے شاندار کارکردگی کا مظاہرہ کرتے ہوئے کویت کو شکست دے کر ٹورنامنٹ کا ٹائٹل اپنے نام کر لیا۔ یہ میچ بیٹنگ اور باؤلنگ دونوں شعبوں میں پاکستان کی برتری کا واضح ثبوت ثابت ہوا۔
پاکستان نے پہلے بیٹنگ کرتے ہوئے چھ اوورز میں صرف تین وکٹوں کے نقصان پر 135 رنز کا شاندار مجموعہ اسکور کیا۔ کپتان عباس آفریدی نے جارحانہ انداز میں بیٹنگ کرتے ہوئے صرف چند گیندوں پر 52 رنز کی شاندار اننگز کھیلی۔ ان کے ساتھ عبدالصمد نے بھی عمدہ بلے بازی کرتے ہوئے 42 رنز بنائے، جب کہ خواجہ نافع نے تیز رفتار 22 رنز کا اضافہ کیا۔
جواب میں کویت کی ٹیم نے ہدف کے تعاقب میں بھرپور کوشش کی، مگر پاکستانی باؤلرز کے سامنے زیادہ دیر نہ ٹک سکی اور آخری اوور کی پہلی گیند پر پوری ٹیم 92 رنز بنا کر آؤٹ ہوگئی۔ اس کامیابی کے ساتھ پاکستان نے نہ صرف فائنل اپنے نام کیا بلکہ شائقینِ کرکٹ کے دل بھی جیت لیے۔
سوڈان میں جنگی جرائم کا خدشہ، عالمی فوجداری عدالت کا سخت انتباہ