بورے والا ،پولیس اور سی سی ڈی کا مشترکہ آپریشن، چار خطرناک ڈاکو اپنے ہی ساتھیوں کی فائرنگ سے ہلاک
اشاعت کی تاریخ: 11th, August 2025 GMT
بورے والا (اُردو پوائنٹ اخبارتازہ ترین - اے پی پی۔ 11 اگست2025ء) خطرناک ڈاکووں کی گرفتاری کے لئے آپریشن کے دوران مبینہ پولیس مقابلہ ہوا جس میں قتل، اقدام قتل، ڈکیتی اور دیگر سنگین وارداتوں میں ملوث خانہ بدوش گینگ کےچار ڈاکو اپنے ہی ساتھیوں کی فائرنگ سےہلاک ہو گئے،تفصیلات کے مطابقڈی پی او وہاڑی محمد افضل کی زیر نگرانی اور ایس پی انوسٹی گیشن غیور خان کی سربراہی میں ایس ڈی پی او رانا محمد عمران ٹیپو کی زیر قیادت ایس ایچ اوتھانہ گگو منڈی حسن آفتاب کیانی،ایس ایچ او تھانہ شیخ فاضل انسپکٹر مہر محمد عباس انچارج سی آئی اے احمد کامران اور دیگر بھاری نے دوران تفتیش انتہائی خطرناک خانہ بدوش گینگ کا سراغ ملنے پر سی سی ڈی سرکل عارف والا کی مدد سے چوکی ترکھنی کی حدود میں ڈاکووں کے خفیہ ٹھکانے پر چھاپہ مارا تو ملزمان نے پولیس پارٹی پر اندھا دھند فائرنگ کر دی۔
(جاری ہے)
جس پر پولیس نے بھی جوابی فائرنگ کی ، مقابلے کے دوران بین الاضلاعی گروہ کے چار ڈاکو اپنے ہی ساتھیوں کی فائرنگ سے ہلاک ہوگئے جبکہ انکے دیگر ساتھی موقع سے فرار ہوگئے۔پولیس ترجمان کے مطابق ہلاک ملزمان کا تعلق اوکاڑہ، پتوکی،عارف والااوراڈا ترکھنی سے تھا، جو ضلع وہاڑی، پاکپتن، ساہیوال اور دیگر اضلاع میں قتل، اقدام قتل، ڈکیتی راہ زنی اور دیگر درجنوں سنگین وارداتوں میں ملوث تھے اور ایک طویل عرصہ سے پولیس کو مطلوب تھے۔ یاد رہے کہ اسی گینگ نےچند روز قبل تھانہ شیخ فاضل کی حدود میں ایک گھر میں ڈکیتی کے دوران فائرنگ سے ایک زمیندار کو قتل کردیا تھا جبکہ تھانہ گگو منڈی کی حدود چک نمبر 359/ای بی میں نمبردار یعقوب آرائیں کے گھر میں واردات کے دوران لاکھوں روپے کے زیورات اور نقدی لوٹنے کے بعد مزاحمت پرفائرنگ سے باپ اور اس کی دو کمسن بیٹیوں کو زخمی کردیا تھا۔ ڈی پی او وہاڑی محمد افضل کے مطابق گینگ کے دیگر ملزمان کی گرفتاری کے لیے مزید ٹیمیں تشکیل دے دی گئی ہیں اور انہیں بھی جلد کیفر کردار تک پہنچایا جائے گا۔\378.
ذریعہ
ذریعہ: UrduPoint
کلیدی لفظ: تلاش کیجئے فائرنگ سے اور دیگر کے دوران
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار