پی ایم ڈی سی کا نئے ٹیسٹ سینٹرز قائم کرنے کا فیصلہ
اشاعت کی تاریخ: 26th, August 2025 GMT
پاکستان میڈیکل اینڈ ڈینٹل کونسل نے میڈیکل ٹیسٹ دینے والے امیدواروں کی سہولت کے لیے نئے ٹیسٹ سینٹرز قائم کرنے کا فیصلہ کر لیا ہے۔ اب سندھ اور بلوچستان کے ڈومیسائل رکھنے والے امیدوار اسلام آباد میں بھی امتحان دینے کے اہل ہوں گے جبکہ پہلی بار سندھ کے ضلع جیکب آباد کو بھی ٹیسٹ سینٹر کے طور پر شامل کیا گیا ہے۔
تفصیلات کے مطابق پاکستان میڈیکل اینڈ ڈینٹل کونسل نے ایم ڈی کیٹ 2025 کے امیدواروں کی سہولت کے لیے مزید ٹیسٹ سینٹرز قائم کرنے کا اعلان کردیا اس فیصلے کے بعد سندھ اور بلوچستان کے امیدواروں کو اسلام آباد میں بھی امتحان دینے کی سہولت حاصل ہو گی جبکہ سندھ کے امیدواروں کے لیے جیکب آباد کو بھی نئے سینٹر کے طور پر شامل کر لیا گیا ہے۔
سندھ میں کراچی، حیدرآباد، میرپور خاص، لاڑکانہ، شہید بےنظیر آباد اور سکھر میں پہلے سے امتحانی مراکز تھے لیکن بالائی سندھ کے طلبہ کو مشکلات تھیں۔ اسی لیے جیکب آباد کو شامل کر کے ان کے لیے قریبی سینٹر کی سہولت پیدا کی گئی۔طلبہ اور ان کے والدین کو امتحان کے لیے دور دراز سفر کرنا پڑتا تھا، جس میں وقت اور اخراجات دونوں زیادہ لگتے تھے۔
جیکب آباد کی رہائشی ایک طالبہ نے ایکسپریس سے گفتگو کرتے ہوئے کہا کہ پہلی بار میڈیکل اینڈ ڈینٹل کالج ایڈمیشن ٹیسٹ اپنے شہر میں ہی دینے کا موقع ملے گا، جو کہ خوش آئند ہے۔گزشتہ سال کراچی میں امتحان دینا پڑا تھا، جس کی وجہ سے مشکلات کا سامنا کرنا پڑا۔ کراچی کے روڈ راستوں کا علم نہ ہونے کی وجہ سے دشواری کا سامنا ہوا جبکہ جیکب آباد سے 9 گھنٹے کا طویل سفر طے کرکے کراچی پہنچی تھی جس سے ذہنی دباؤ بڑھ گیا جبکہ اس موقع پر انتظامات بھی خاص طور پر مناسب نہیں تھے اور امیدواروں کی بڑی تعداد کی وجہ سے رش بھی بہت تھا۔ تاہم امید ہے کہ امیدواروں کو سہولت حاصل ہو گی۔
سکھر آئی بی اے یونیورسٹی اور بولان یونیورسٹی آف میڈیکل اینڈ ہیلتھ سائنسز کوئٹہ نے اسلام آباد میں ٹیسٹ سینٹر قائم کرنے کا فیصلہ کیا ہے۔
اس اقدام سے اسلام آباد میں مقیم امیدواروں کے ساتھ ساتھ وہ طلبہ بھی مستفید ہوں گے جو ٹیسٹ کی تیاری کے لیے سندھ اور بلوچستان سے اسلام آباد میں رہائش پذیر ہیں۔انہیں اپنے صوبے واپس جا کر امتحان دینے میں مشکلات پیش آتی تھیں، اس لیے اسلام آباد میں ٹیسٹ سینٹر کے فیصلے سے امیدواروں میں خوشی کی لہر دوڑ گئی۔
اس حوالے سے سکھر-آئی بی اے یونیورسٹی کے وائس چانسلر ڈاکٹر آصف احمد شیخ نے ایکسپریس سے ٹیلیفونک گفتگو کرتے ہوئے بتایا کہ گزشتہ برس سندھ میں ایم ڈی کیٹ کے حوالے سے پیپر لیک کی افواہوں کے بعد پیپر ری ٹیک کروانے کی ذمہ داری آئی بی اے سکھر یونیورسٹی کو سونپ دی گئی تھی، حالانکہ ادارہ ذہنی طور پر اس کے لیے تیار نہیں تھا۔ تاہم مختصر وقت میں بھی امتحان شفاف انداز میں منعقد کروایا اور پیپر لیک کی کوئی شکایت سامنے نہیں آئی کچھ ایک دو سوالات میں ٹیکنیکل ایرر تھا جسے فوری طور پر درست کر دیا گیا تھا۔آئی بی اے سکھر پہلے دن سے ہی میرٹ پر کام کر رہا ہے امتحان میں 180 ایم سی کیوز شامل ہوں گے۔
انہوں نے واضح کیا کہ اگر کوئی سوال آؤٹ آف سلیبس نکل بھی آئے تو اس کی ذمہ داری پی ایم ڈی سی کی ہوتی ہے، کیونکہ سوالات پی ایم ڈی سی کے فراہم کردہ پول سے ہی منتخب کیے جاتے ہیں۔
دریں اثناء ترجمان پی ایم اینڈ سی کے مطابق ایم ڈی کیٹ 2025 کے لیے رجسٹریشن 8 اگست سے شروع ہو چکی ہے جو 25 اگست تک جاری رہے گی، جبکہ لیٹ فیس کے ساتھ 1 ستمبر 2025 تک رجسٹریشن کرائی جا سکے گی۔
رجسٹریشن کے لیے امیدواروں کو پی ایم اینڈ سی کی سرکاری ویب سائٹ پر دستیاب آن لائن پورٹل استعمال کرنے کی ہدایت کی گئی ہے۔ایم ڈی کیٹ 2025 کا امتحان انگریزی زبان میں کاغذی شکل میں منعقد ہوگا۔
.ذریعہ: Express News
کلیدی لفظ: اسلام آباد میں قائم کرنے کا میڈیکل اینڈ ٹیسٹ سینٹر ایم ڈی کیٹ جیکب آباد آئی بی اے کی سہولت پی ایم کے لیے
پڑھیں:
بنگلہ دیش ایئر فورس کا چین کے اشتراک سے ڈرون پلانٹ قائم کرنے کا اعلان
بنگلہ دیش ایئر فورس نے اپنے دفاعی صلاحیتوں میں اضافہ کرنے کے لیے چین کے ساتھ مل کر ایک ڈرون مینوفیکچرنگ پلانٹ قائم کرنے کا فیصلہ کیا ہے۔
یہ منصوبہ ٹیکنالوجی ٹرانسفر معاہدے کے تحت کیا جا رہا ہے جس کے ذریعے بنگلہ دیش میں ہی بغیر پائلٹ طیارے تیار کیے جائیں گے، پلانٹ کی تعمیر دسمبر 2025 تک مکمل ہونے کی توقع ہے۔
یہ بھی پڑھیں: بنگلہ دیش نے پاکستان اور چین کیساتھ ملکر سہ فریقی اتحاد بنانے کی خبروں کی تردید کردی
یہ اقدام بنگلہ دیش کی دفاعی صنعت کو خود کفیل بنانے کی سمت ایک اہم قدم سمجھا جا رہا ہے۔
#BREAKING The Bangladesh Air Force (BAF) is partnering with China to establish an unmanned aerial vehicle (UAV) or drone manufacturing plant in Bangladesh through a technology transfer agreement.
Also China to establish a new MRO plant for fighter aircraft overhauling. pic.twitter.com/XuQynVjuJ0
— Defense Technology of Bangladesh-DTB (@DefenseDtb) November 2, 2025
اس کے ساتھ ہی چین نے بنگلہ دیش میں ایئرکرافٹ اوور ہالنگ سینٹر قائم کرنے کی بھی تجویز دی ہے تاکہ دونوں ممالک کے درمیان ایرو اسپیس ٹیکنالوجی میں تعاون کو مزید وسعت دی جا سکے۔
یہ تفصیلات ستمبر میں ہونے والے ایک کوارڈی نیشن اجلاس میں سامنے آئیں جس کی صدارت چوہدری عاشق محمود بن ہارون، چیئرمین بنگلہ دیش انویسٹمنٹ ڈیولپمنٹ اتھارٹی نے کی۔
مزید پڑھیں: چین کا ڈاکٹر یونس کی قیادت میں بنگلہ دیش کے ساتھ تعلقات مضبوط بنانے کا عزم
اجلاس میں ایک ڈیفنس اکنامک زون کے قیام پر بھی غور کیا گیا جو مقامی اور غیر ملکی سرمایہ کاروں کو فوجی اور نیم فوجی سازوسامان کی تیاری میں سرمایہ کاری کے مواقع فراہم کرے گا۔
بی اے ایف کے ایک نمائندے کے مطابق، بنگلہ دیش ایروناٹیکل ریسرچ اینڈ ڈیولپمنٹ سینٹر جو 2 سال قبل قائم کیا گیا تھا، اب تک 4 طیاروں کا کامیاب ڈیزائن اور تجرباتی پرواز مکمل کر چکا ہے۔
ادارے کا طویل المدتی ہدف مقامی تربیتی طیارے تیار کرنا اور مستقبل میں کمرشل اسپورٹ ایئرکرافٹ مارکیٹ میں داخل ہونا ہے۔
حکام نے زور دیا کہ ایوی ایشن ٹیکنالوجی کی عالمی مانگ تیزی سے بڑھ رہی ہے اور یونیورسٹیوں کے ساتھ تعاون کے ذریعے ہنرمند افرادی قوت کی تیاری ناگزیر ہے۔
مزید پڑھیں: چین بنگلہ دیش میں 2.1 ارب ڈالر کی سرمایہ کاری کے لیے پرعزم
ان کے مطابق، اس طرح کی کوششیں بنگلہ دیش کے ایوی ایشن سیکٹر میں غیر ملکی سرمایہ کاری کو نمایاں طور پر فروغ دے سکتی ہیں۔
چین کی اوور ہالنگ سہولت کے منصوبے کے حوالے سے بی اے ایف حکام کا کہنا ہے کہ نئے آلات کی تنصیب اور موجودہ عملے کی تربیت کے بعد بنگلہ دیش استعمال شدہ طیاروں کے انجن اوورہال کرنے کے قابل ہو جائے گا۔
حکام کے مطابق، چونکہ خطے کے دیگر ممالک میں بھی اسی طرز کے طیارے استعمال ہوتے ہیں، اس لیے یہ منصوبہ غیر ملکی سرمایہ کاری کے لیے ایک پرکشش موقع ثابت ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انویسٹمنٹ ڈیولپمنٹ اتھارٹی اوور ہالنگ ایئر فورس ایرو اسپیس ٹیکنالوجی بنگلہ دیش چین ڈرون مینوفیکچرنگ پلانٹ
کراچی، نادرن بائی پاس پر پلاسٹک کے گودام میں آگ لگ گئی