قدرتی آفات سے بچاؤ کیلیے ماحولیاتی پالیسیوں کو مزید مؤثر بنانا ہوگا، بیرسٹر محمد علی
اشاعت کی تاریخ: 27th, August 2025 GMT
رپورٹ: ابوبکر
خیبر پختونخوا حکومت کے مشیر برائے اطلاعات بیرسٹر محمد علی سیف کا کہنا ہے کہ قدرتی آفات سے بچاؤ کے لیے ہمیں اپنی ماحولیاتی پالیسیوں کو مزید مؤثر بنانا ہوگا اور جنگلات محفوظ کرنے ہوں گے۔
مشیر اطلاعات خیبرپختونخوا بیرسٹر محمد علی سیف نے کہا ہے کہ جیسے ہی صوبے میں سیلاب آیا، پی ڈی ایم اے سمیت متعلقہ محکمے فوری طور پر الرٹ ہوگئے اور لوگوں کو متاثرہ علاقوں سے نکال کر محفوظ مقامات پر منتقل کیا گیا۔
ان کا کہنا تھا کہ متاثرہ علاقوں میں کیچڑ کے پہاڑ کھڑے ہوگئے تھے جنہیں صاف کرنے کے بعد امدادی سرگرمیوں کے دوسرے مرحلے کا آغاز کیا گیا۔ متاثرین کو امدادی رقوم کی تقسیم کے لیے جدید الیکٹرانک سسٹم تیار کیا گیا ہے جس کے ذریعے زیادہ تر ادائیگیاں مکمل ہوچکی ہیں۔ علاوہ ازیں متاثرہ خاندانوں کو 15 ہزار روپے راشن کی مد میں بھی فراہم کیے گئے ہیں۔
ٹمبر مافیا اور درخت کاٹنے کا معاملہبیرسٹر محمد علی سیف نے کہا کہ الائی کے علاقے میں درخت کاٹنے کی ایک ویڈیو وائرل ہوئی جسے جواز بنا کر حکومت کے خلاف پروپیگنڈا کیا گیا۔ یہ کیس نگران حکومت کے دور میں سامنے آیا تھا، تاہم ہماری حکومت آنے کے بعد ذمہ داروں کے خلاف کارروائی کی گئی، لکڑی کو ضبط کرکے اسٹور کیا گیا اور اب اسے نیلام کیا جائے گا۔
انہوں نے مزید بتایا کہ ٹمبر مافیا کے خلاف سخت اقدامات کیے جا رہے ہیں، قانون سازی کے ذریعے ان کے جرمانے اور سزائیں بڑھا دی گئی ہیں تاکہ اس جرم پر قابو پایا جا سکے۔
ماحولیاتی بحران پر عالمی برادری کی ذمہ داریمشیر اطلاعات کا کہنا تھا کہ کلاؤڈ برسٹ ایک عالمی ماحولیاتی فینومینا ہے اور ماحول کو
تباہ کرنے میں بڑی طاقتوں کا سب سے زیادہ کردار ہے۔ اب وقت آگیا ہے کہ وہ ماحول کو بہتر بنانے میں بھی عملی اقدامات کریں۔
انہوں نے کہا کہ پاکستان ان ممالک میں شمار ہوتا ہے جو ماحولیاتی آلودگی کے لحاظ سے بہتر ہیں، تاہم ملک میں جنگلات کی حفاظت اور ندی نالوں کے کنارے گھروں کی تعمیر سے اجتناب ضروری ہے تاکہ کلاؤڈ برسٹ کی صورت میں جانی و مالی نقصان کو کم کیا جا سکے۔
بیرسٹر محمد علی سیف نے زور دیا کہ:
’قدرتی آفات سے بچاؤ کے لیے ہمیں اپنی ماحولیاتی پالیسیوں کو مزید مؤثر بنانا ہوگا، جنگلات محفوظ کرنے ہوں گے اور عالمی طاقتوں کو بھی اپنی ذمہ داریاں پوری کرنا ہوں گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرسٹر محمد علی سیف ماحولیات.ذریعہ: WE News
کلیدی لفظ: بیرسٹر محمد علی سیف ماحولیات بیرسٹر محمد علی سیف کیا گیا کے لیے
پڑھیں:
غربت کم کرنے کیلیے برآمدات کو بڑھانا ہوگا، وزیر سرمایہ کاری
data-id="863a0a8" data-element_type="widget" data-widget_type="theme-post-content.default">
251105-08-28
لاہور (نمائندہ جسارت) وفاقی وزیر سرمایہ کاری بورڈ قیصر احمد شیخ نے کہا ہے کہ پاکستان کو ویلیو ایڈڈ مصنوعات کی برآمدات کو بڑھانا ہوگا، ویلیو ایڈڈ برآمدات سے غربت کو کم کرنے میں مدد ملے گی۔ وفاقی وزیر قیصر احمد شیخ نے ان خیالات کا اظہار پالیسی ادارہ برائے پائیدار ترقی (ایس ڈی پی آئی) کے زیر اہتمام 28 ویں پائیدار ترقی کانفرنس سے خطاب کے دوران کیا۔انہوں نے کہا کہ حکومت نے ملک کو معاشی استحکام کی راہ پر گامزن کیا ہے اور وزیر اعظم شہباز شریف کی قیادت میں وفاقی حکومت نے گزشتہ 20 ماہ کے دوران معیشت سمیت مختلف شعبوں میں کئی نمایاں کامیابیاں حاصل کی ہیں۔ وفاقی وزیر نے کہا کہ پاکستان کو پیداواری صلاحیت بڑھانے کی ضرورت ہے اور حکومت براہ راست غیر ملکی سرمایہ کاری (ایف ڈی آئی) کے فروغ کے لیے جامع حکمت عملی کے تحت کوشاں ہے۔وفاقی وزیر نے مزید کہا کہ پاکستان میں گزشتہ مالی سال کے دوران 2.5 ارب ڈالر کی براہ راست غیر ملکی سرمایہ کاری کی گئی ہے۔ انہوں نے کہا کہ پاکستان کو چین کی ترقی سے سیکھنا چاہیے۔ چین کی ترقی میں جامع منصوبہ بندی نے بنیادی اور بڑا اہم کردار ادا کیا ہے۔ وفاقی وزیر نے کہا کہ بھارت کے ساتھ حالیہ تنازعہ کے بعد عالمی سطح پر پاکستان کے وقار میں اضافہ ہوا ہے۔ وفاقی وزیر سرمایہ کاری بورڈ نے کہا کہ ملک میں باہمی اعتماد معاشی ترقی میں اہم کردار ادا کر سکتا ہے، منصوبہ بندی کمیشن پاکستان کی پائیداری ترقی کے لیے منصوبہ بندی تیار کرسکتا ہے۔ انہوں نے کہا کہ ملک میں غربت کی شرح کو کم کرنے کے لیے چین کے اقدامات اور تجربات سے استفادہ کیا جاسکتا ہے۔ وفاقی وزیر سرمایہ کاری بورڈ نے مزید کہا کہ ٹیکنالوجی پر مبنی اور ویلیو ایڈڈ برآمدات کے فروغ سے روزگار کی فراہمی کے مواقع میں خاطر خواہ اضافہ کیا جا سکتا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف