فرحان سعید اور کنزا ہاشمی کی نئی جوڑی کو ناظرین نے مسترد کردیا
اشاعت کی تاریخ: 28th, August 2025 GMT
کراچی (شوبز ڈیسک) پاکستانی اداکار فرحان سعید اور کنزا ہاشمی کی آنے والی رومانٹک کامیڈی فلم ’’لڈو‘‘ کے اعلان پر مداحوں نے سخت ردعمل دیا ہے۔ دونوں فنکار اس سے قبل ڈرامہ ’’شیریں فرہاد‘‘ میں ایک ساتھ جلوہ گر ہوئے تھے جو کامیابی حاصل نہ کرسکا۔
فرحان سعید نے ڈراموں ’’اُڈاری‘‘، ’’میرے ہمسفر‘‘ اور ’’سنو چندا‘‘ کے ذریعے شہرت حاصل کی، مگر حالیہ عرصے میں ان کی کارکردگی متاثر کن ثابت نہیں ہو رہی۔ ان کے چاہنے والے ان سے بہتر منصوبوں کی توقع رکھتے ہیں۔
کنزا ہاشمی نے ’’خوشبو میں بسے خط‘‘ اور ’’شیریں فرہاد‘‘ جیسے ڈراموں میں اپنے فن کا لوہا منوایا اور اپنی شخصیت سے مداحوں کو متاثر کیا ہے۔
فلم ’’لڈو‘‘ کی کہانی ابو علیحہ اور علی معین نے تحریر کی ہے، جب کہ ہدایت کاری ابو علیحہ کریں گے۔ فلم میں کراچی کے حقیقی پس منظر کو دکھایا جائے گا۔
سوشل میڈیا پر ناظرین نے اس جوڑی کو دوبارہ ایک ساتھ دیکھنے پر ناراضی کا اظہار کیا ہے۔ صارفین کے مطابق ’’شیریں فرہاد‘‘ کے بعد یہ تجربہ کامیاب نہیں ہوگا۔ کچھ مداحوں نے کہا کہ فرحان سعید کو نئی ہیروئن کے ساتھ کام کرنا چاہیے تاکہ ان کی اسکرین پر کیمسٹری بہتر نظر آئے۔
فلمی حلقے اس بات پر نظر رکھے ہوئے ہیں کہ ’’لڈو‘‘ مداحوں کے خدشات کو دور کرنے میں کامیاب ہوگی یا نہیں۔
Post Views: 7.ذریعہ: Daily Mumtaz
پڑھیں:
شاہ رخ خان نے اپنی 60 ویں سالگرہ پر مداحوں سے معافی کیوں مانگی؟
بالی ووڈ کے بے تاج بادشاہ شاہ رخ خان نے اپنی 60ویں سالگرہ کے موقع پر ایک انتہائی جذباتی پیغام کے ذریعے اپنے لاکھوں مداحوں سے معذرت کی ہے۔ انہوں نے سوشل میڈیا پلیٹ فارم ایکس پر اپنے مداحوں کو مخاطب کرتے ہوئے انہیں بتایا کہ وہ سیکیورٹی حکام کی ہدایات کی وجہ سے ان سے ذاتی طور پر ملاقات نہیں کرسکے۔
شاہ رخ خان نے اپنے پیغام میں لکھا کہ ’’مجھے حکام کی طرف سے کہا گیا ہے کہ میں باہر آ کر آپ تمام پیارے لوگوں سے نہیں مل سکوں گا جو میرا انتظار کر رہے ہیں۔‘‘ انہوں نے مداحوں کی محبت کا اعتراف کرتے ہوئے کہا کہ یہ اقدام سب کی حفاظت کے پیش نظر اٹھایا گیا تھا۔
اداکار نے اپنے مخصوص انداز میں لکھا ’’میں آپ سب سے معذرت خواہ ہوں لیکن یہ اقدام سب کی حفاظت کے لیے اٹھایا گیا ہے۔ مجھے سمجھنے کےلیے آپ کا شکریہ، یقین کریں آپ سب سے ملاقات نہ ہو پانے کا دکھ مجھے آپ سے زیادہ ہے۔‘‘
انہوں نے اپنے جذبات کا اظہار کرتے ہوئے مزید کہا ’’میں آپ سب کو دیکھنے کا منتظر تھا کیونکہ میں آپ سے بہت پیار کرتا ہوں۔‘‘ یہ بات قابل ذکر ہے کہ گزشتہ روز شاہ رخ خان کی سالگرہ کے موقع پر ان کے ممبئی کے رہائشی مکان ’منت ہاؤس‘ کے باہر ہزاروں مداحوں کا ہجوم جمع تھا، جو روایتی طور پر اداکار کے بالکونی میں ظاہر ہونے کا انتظار کر رہے تھے۔
تاہم سیکیورٹی مسائل کے پیش نظر شاہ رخ خان اس بار اپنے مداحوں کو براہ راست نظر نہ آ سکے، جس پر انہوں نے سوشل میڈیا کے ذریعے اپنے جذبات کا اظہار کیا۔ ان کی اس معذرت نے نہ صرف ان کے مداحوں بلکہ سوشل میڈیا صارفین کے دلوں کو بھی موہ لیا ہے، جو ان کی اس حساسیت اور ذمے داری کے قائل ہیں۔
کراچی، نادرن بائی پاس پر پلاسٹک کے گودام میں آگ لگ گئی