میٹروپولیٹن کارپوریشن کوئٹہ: ایک ارب 17کروڑ روپے سے زائد کی بے ضابطگیوں کا انکشاف
اشاعت کی تاریخ: 29th, August 2025 GMT
میٹروپولیٹن کارپوریشن کوئٹہ میں کرائے اور ٹیکس کی عدم وصولی ،بغیر ٹیندر کے اخراجات ، اضافی ادائےگیوں کی مد میں ایک ارب 17کروڑ 13لاکھ 27ہزار روپے سے زائد کی بے ضابطگیوں کا انکشاف ہوا ہے۔
آڈیٹر جنرل آف پاکستان کی جانب سے مالی سال 2023-24کے دوران میٹرو پولیٹن کارپوریشن کوئٹہ کی تیار کی گئی آڈٹ رپورٹ میں انکشاف کیا گیا ہے کہ میٹروپولیٹن کارپوریشن کوئٹہ میں مخلتف مد میں ایک کروڑ 3لاکھ 12ہزار روپے کی رقم کا مبینہ طور پر غلط استعمال کیا گیا۔
آڈٹ رپورٹ کے مطابق مبینہ طور پر سائیکل و موٹر سائیکل اسٹینڈ، اسٹالز، نادرا کے برتھ، میرج اور ڈیٹھ سرٹیفکیٹس کی فیس اور کرائے کی مد میں ایک کروڑ سے زائد رقم کا غلط استعمال کیا گیا ہے۔
یہ بھی پڑھیں:
اسی طرح میٹرو پولیٹن کارپوریشن میں دکانوں کے کرائیوں ، معاہدوں کی تجدید اور غیر قانونی طور پر اجراءکی مد میں 17کروڑ 87لاکھ روپے سے زائد کی بے قاعدگیاں ہوئیں۔
کوئٹہ میٹروپولیٹن کارپوریشن مقرر کردہ ٹیکس ہدف 82کروڑ 36لاکھ میں سے صرف 3کروڑ 64لاکھ روپے حاصل کر سکی جس کی وجہ سے خزانے کو 79کروڑ 29لاکھ سے زائد کے نقصانات ہوئے۔
رپورٹ کے مطابق پیٹرول پمپ کی عدم نیلامی سے 6کروڑ 56لاکھ سے زائد کا مالی نقصان ہوا، امداد ہوٹل کی لیز کی تجدید مارکیٹ ریٹ پر نہ ہونے سے ادارے کو کروڑوں روپے کا نقصان اٹھانا پڑا۔
مزید پڑھیں:
آڈٹ رپورٹ کے مطابق میٹر پولیٹن کارپوریشن حکام بروری روڈ، سریاب روڈ، طوغی روڈ، جی او آر کالونی ، میگانگی روڈ ، ٹیکسی اسٹینڈ، تختانی بائی پاس، گوردت سنکھ روڈ پر موجود خالی زمینوں کے حوالے سے بھی جواب دینے سے قاصر رہے۔
دوسری جانب میٹروپو لیٹن کارپوریشن کے حکام نے غیر مجاز طور پر قانونی تقاضے پورے کیے بغیر رہائشی عمارتوں کو کمرشل عمارتوں میں تبدیل کرنے کی منظوری بھی دی جبکہ متعلقہ دستاویزات طلب کرنے باوجود بھی فراہم نہیں کی گئیں۔
آڈٹ رپورٹ کے مطابق کوئٹہ میٹروپو لیٹن کارپوریشن کی جانب سے جوائنٹ روڈ پر تعمیر کی گئی 54میں سے 51دکانوں کو کرائے پر نہیں دیا گیا جس سے 3کروڑ 43لاکھ سے زائد کے نقصانات ہوئے۔
مزید پڑھیں:
رپورٹ کے مطابق پرنس روڈ پر قائم 50دکانوں اور کیبن کا کرایہ نہ لینے کی وجہ سے ادارے کو ایک کروڑ 50لاکھ کا نقصان ہوا جبکہ بکرا پیڑی کے ٹھیکے میں بھی ادارے کو 1کروڑ 45لاکھ روپے سے زائد کے نقصانات اٹھانا پڑے۔
رپورٹ میں کہا گیا ہے کہ میٹرو پولیٹن کارپوریشن نے 96لاکھ روپے کے ٹیکس وصول نہیں کیے جبکہ ڈسٹرکٹ کونسل میں کچرا اٹھانے کے ٹینڈر کو روکنے کے لیے 38لاکھ کے کاموں کو تقسیم کردیا گیا اس کے علاوہ محکمہ ریونیو سے پراپرٹی ٹرانسفر شیئر کے تحت ملنے والی رقم کے غلط حساب کتاب سے ادارے کو ایک کروڑ 53لاکھ سے زائد کا نقصان ہوا۔
رپورٹ کے مطابق مالی سال 2023-24کے دوران میٹروپو لیٹن کارپوریشن نے ایمرجنسی کے نام پر بغیر ٹینڈر کے1کروڑ 84لاکھ روپے کے اخراجات کیے جن کے دستاویزا ت آڈٹ کو فراہم نہیں کی گئیں۔
مزید پڑھیں:
اسی طرح ادارے نے 174کے بجائے 239کھمبوں پر ایل ای ڈی لائٹس کی تنصیب کی اس اضافی تنصیب سے ٹھیکیدار کو 43لاکھ سے زائد کی اضافی ادائےگی کی گئی جبکہ ترقیاتی کاموں کی مد میں بھی 28لاکھ روپے سے زائدکی اضافی ادائیگیاں کی گئیں۔
رپورٹ کے مطابق کاموں کی نوعیت کو بغیر منظور ی کے تبدیل کر کے 37لاکھ روپے سے زائد کی بے ضابطگیاں کی گئیں جبکہ کنکریٹ اور دیگر سامان پر غیر مجاز طور پر 15لاکھ روپے سے زائد کی ادائیگیاں کی گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آڈیٹر جنرل آف پاکستان آڈٹ رپورٹ بکرا پیڑی بے قاعدگیاں ٹیکس رہائشی عمارتوں عدم وصولی کرائے کمرشل عمارتوں کوئٹہ میٹروپولیٹن کارپوریشن.ذریعہ: WE News
کلیدی لفظ: آڈیٹر جنرل آف پاکستان ا ڈٹ رپورٹ بے قاعدگیاں ٹیکس رہائشی عمارتوں عدم وصولی کمرشل عمارتوں کوئٹہ میٹروپولیٹن کارپوریشن میٹروپولیٹن کارپوریشن روپے سے زائد کی بے رپورٹ کے مطابق ا ڈٹ رپورٹ کی مد میں ادارے کو ایک کروڑ کی گئیں
پڑھیں:
کراچی ، اسپتال کے اخراجات ادائیگی کیلئے نومولودکی فروخت کا انکشاف
ممین گوٹھ (اسٹاف رپورٹر)ڈاکٹر اور خاتون نے آپریشن کے اخراجات ادا کیے اور پھر بچے کو پنجاب فروخت کیا، بچہ بازیابی کے بعد والدین کے حوالےشہر قائد کے علاقے میمن گوٹھ میں اسپتال کے اخراجات ادا کرنے کیلیے نومولود کو فروخت کرنے کا انکشاف ہوا جسے خاتون نے خرید کر پنجاب میں کسی کو پیسوں کے عوض دے دیا تھا۔تفصیلات کے مطابق میمن گوٹھ میں قائم نجی اسپتال میں شمع نامی حاملہ خاتون ڈاکٹر سے معائنہ کروانے کیلئے گئی تو وہاں پر ڈاکٹر نے زچگی آپریشن کیلئے رقم کی ادائیگی کا مطالبہ کیا۔خاتون نے جب ڈاکٹر سے رقم نہ ہونے کا تذکرہ کیا تو انہوں نے بتایا کہ ایک خاتون بچے کی خواہش مند ہے اور وہ بچے کو نہ صرف پالے گی بلکہ آپریشن کے اخراجات بھی ادا کردے گی۔
خاتون کے آپریشن کے بعد لڑکے کی پیدائش ہوئی جسے ڈاکٹر نے مذکورہ خاتون کے حوالے کیا جس پر والد سارنگ نے مقدمہ درج کروایا۔والد سارنگ نے مقدمے میں بتایا کہ وہ جامشورو کے علاقے نوری آباد کے جوکھیو گوٹھ کا رہائشی ہے۔ مدعی مقدمہ کے مطابق اہلیہ چند ماہ قبل حاملہ ہونے کے باوجود ناراض ہوکر والدین کے گھر چلی گئی تھی۔’پانچ اکتوبر کو اہلیہ اپنی والدہ کے ساتھ معائنے کیلیے کلینک گئی تو ڈاکٹر زہرا نے آپریشن تجویز کرتے ہوئے رقم ادائیگی کا مطالبہ کیا، رقم نہ ہونے پر ڈاکٹر نے مشورہ دیا کہ وہ ایک عورت کو جانتی ہیں جو غریبوں کی مدد کرتی اور غریب بچوں کو پالتی ہے‘۔
سارنگ کے مطابق ڈاکٹر نے مشورہ دیا کہ وہ عورت نہ صرف بچے کو پالے گی بلکہ آپریشن کے تمام اخراجات بھی ادا کردے گی، جس پر میری اہلیہ نے رضامندی ظاہر کی تو خاتون شمع بلوچ نے آکر اخراجات ادا کیے اور بچہ لے کر چلی گئی۔والد کے مطابق مجھے جب لڑکے کی پیدائش کا علم ہوا تو اسپتال پہنچا جہاں پر یہ ساری صورت حال سامنے آئی اور پھر اہلیہ نے شمع بلوچ نامی خاتون کا نمبر دیا تاہم متعدد بار فون کرنے کے باوجود کوئی رابطہ نہیں ہوا کیونکہ موبائل نمبر بند ہے۔
شوہر نے مؤقف اختیار کیا کہ مجھے شبہ ہے کہ شمع نامی خاتون نے میرا بچہ کسی اور کو فروخت کر دیا ہے لہذا قانونی کارروائی کی جائے۔ پولیس نے مقدمے کی تفتیش اینٹی وائلنٹ کرائم سیل کے حوالے کیا۔اینٹی وائلنٹ کرائم سیل نے کارروائی کرتے ہوئے پنجاب سے بچے کو بازیاب کروا کے والدین کے حوالے کردیا جبکہ اسپتال کو سیل کردیا ہے۔ پولیس کے مطابق شمع بلوچ اسپتال کی ملازمہ ہے اور اُس نے ڈاکٹر زہرا کے ساتھ ملکر یہ کام انجام دیا۔انہوں نے بتایا کہ ڈاکٹر زہرا اور شمع بلوچ کی گرفتاری کیلیے چھاپے مارے گئے ہیں تاہم کامیابی نہ مل سکی، دونوں کو جلد گرفتار کر کے قانون کے کٹہرے میں لایا جائے گا۔
اسٹیٹ بینک کا مسلسل چوتھی بار شرح سود 11 فیصد پر برقرار رکھنے کا فیصلہ