عمران خان کو کونسے طبی مسائل درپیش ہیں؟ میڈیکل ہسٹری عدالت میں پیش
اشاعت کی تاریخ: 30th, August 2025 GMT
انسداد دہشت گردی عدالت راولپنڈی میں بانی پی ٹی آئی عمران خان کے طبی معائنے سے متعلق علیمہ خان کی درخواست پر سماعت ہوئی، سماعت جج امجد علی شاہ نے کی۔
دوران سماعت سپرنٹنڈنٹ اڈیالہ جیل نے عدالت کے روبرو عمران خان کی میڈیکل رپورٹ جمع کروائی جس میں گزشتہ 2 سال کی طبی ہسٹری شامل ہے۔ رپورٹ میں بتایا گیا کہ عمران خان کا علاج ماہر ڈاکٹروں کی نگرانی میں جاری ہے اور انہیں دانتوں، کان، ناک، گلے، آنکھوں اور ہڈیوں سے متعلق مختلف مسائل کا سامنا رہا ہے۔
یہ بھی پڑھیے: علیمہ خان کے گھر پر حملہ کیا گیا ہے، ذولفی بخاری کا الزام
رپورٹ کے مطابق ماہر امراض چشم، آرتھوپیڈک سرجن اور ای این ٹی ماہرین نے متعدد بار ان کا معائنہ اور علاج کیا ہے۔ مزید بتایا گیا کہ عمران خان کے کولیسٹرول کی سطح میں اضافہ ہوا تھا جس کے علاج کے لیے ادویات اور ضروری اقدامات جاری ہیں۔
جیل انتظامیہ نے عدالت کو آگاہ کیا کہ جیل اسپتال کی جانب سے تجویز کردہ تمام علاج اور ادویات بروقت فراہم کی جاتی ہیں۔ 12 اگست کو بھی 4 رکنی میڈیکل ٹیم نے عمران خان کا تفصیلی طبی معائنہ کیا تھا۔
بعد ازاں عدالت نے علیمہ خان کی درخواست پر مزید سماعت یکم ستمبر تک ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل طبی مسائل عمران خان.ذریعہ: WE News
کلیدی لفظ: اڈیالہ جیل
پڑھیں:
26 نومبر احتجاج کیس، 11 ملزمان پر فرد جرم عائد
فائل فوٹواسلام آباد کی انسداد دہشت گردی عدالت نے 26 نومبر احتجاج کیس میں 11ملزمان پر فرد جرم عائد کردی۔
انسداد دہشت گردی عدالت کے جج طاہر عباس سپرا نے سماعت کی۔
دوران سماعت ملزمان نے صحت جرم سے انکار کر دیا۔
پی ٹی آئی کارکنان کے خلاف 26 نومبر کے احتجاج پر درج مقدمات کی سماعت اے ٹی سی کے جج امجد علی شاہ نے کی۔
پولیس نے عدالت میں 195 ملزمان کی حد تک چالان پیش کر دیا، عدالت نے 184 غیر حاضر ملزمان کو اشتہاری قرار دے دیا۔
جس کے بعد عدالت نے کیس کی سماعت 24 ستمبر تک ملتوی کر دی۔
واضح رہے کہ تھانہ سیکریٹریٹ میں درج مقدمے میں 195 کارکنان بطور ملزمان شامل ہیں۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ