نوکیا کا اسمارٹ فون X200 جلد صارفین کو دستیاب، قیمت کیا ہے؟
اشاعت کی تاریخ: 2nd, September 2025 GMT
ایچ ڈی ایم گلوبل نے اعلان کیا ہے کہ وہ جلد نوکیا X200 الٹرا اسمارٹ فون مارکیٹ میں پیش کرے گا، جس میں 200 میگا پکسل کے کیمرے اور 18100 ایم اے ایچ کی طاقتور بیٹری شامل ہوگی۔
نوکیا X200 الٹرا میں 7.89 انچ کا سپر ایمولیڈ ڈسپلے 4K ریزولوشن اور 122 ہرٹز ریفریش ریٹ کے ساتھ دیا گیا ہے، جسے کورننگ گوریلا گلاس پروٹیکشن حاصل ہوگا۔ نیا ڈیوائس اینڈرائیڈ 15 آپریٹنگ سسٹم پر کام کرے گا اور اس میں اسنیپ ڈریگن 8 جن 1 چپ سیٹ استعمال کیا گیا ہے۔
یہ بھی پڑھیں: کیا نوکیا اسمارٹ فونز اب دستیاب نہیں ہوں گے؟
فون میں 12جی بی، 16 جی بی ریم اور 128جی بی، 256جی بی اور 512جی بی اسٹوریج آپشنز دیے جائیں گے جبکہ مائیکرو ایس ڈی کارڈ کے ذریعے اسٹوریج کو مزید 1TB تک بڑھایا جا سکے گا۔
کیمرہ سیٹ اپ میں 200میگاپکسل مین لینز کے ساتھ 3 مزید لینز شامل ہیں جن میں 200 ایم پی، 16ایم پی اور 16ایم کے سینسر موجود ہوں گے۔ سیلفی اور ویڈیو کالنگ کے لیے 64ایم پی فرنٹ کیمرہ فراہم کیا گیا ہے۔
یہ بھی پڑھیں: نوکیا نے 14 ہزار ملازمین کو فارغ کرنے کا فیصلہ کیوں کیا؟
بیٹری کے اعتبار سے نوکیا X200 الٹرا میں 18100mAh کی طاقتور بیٹری دی گئی ہے جو فاسٹ اور وائرلیس ریورس چارجنگ کی سہولت رکھتی ہے۔ اس کے علاوہ ڈیوائس میں 5G کنیکٹیوٹی، وائی فائی، بلیوٹوتھ اور دیگر فیچرز شامل ہیں۔
نوکیا X200 الٹرا کی قیمت تقریباً 391 ڈالر متوقع ہے جبکہ اسے سال کی آخری سہ ماہی میں مارکیٹ میں پیش کیے جانے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news X200 اسمارٹ فون الٹرا اسمارٹ فون ایچ ڈی ایم گلوبل نوکیا.
ذریعہ
ذریعہ: WE News
کلیدی لفظ: اسمارٹ فون الٹرا اسمارٹ فون نوکیا اسمارٹ فون
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع