سندھ کے سیلاب زدہ علاقوں میں آئندہ 24 گھنٹوں کے دوران شدید بارش کا انتباہ جاری
اشاعت کی تاریخ: 8th, September 2025 GMT
محکمہ موسمیات نے آئندہ 24 گھنٹوں کے دوران سندھ میں شدید بارشوں کا الرٹ جاری کیا ہے، پہلے سے سیلاب زدہ علاقوں میں صورتحال مزید خراب ہونے کا اندیشہ ہے۔
محکمہ موسمیات نے وارننگ جاری کرتے ہوئے کہا ہے کہ آئندہ 24 گھنٹوں کے دوران سندھ کے کئی اضلاع میں شدید بارشوں کا امکان ہے، جس کے باعث میرپورخاص، شہید بینظیر آباد، تھرپارکر، خیرپور، سکھر، لاڑکانہ، ٹھٹھہ، بدین، سجاول، حیدرآباد، دادو اور کراچی کے نشیبی اور ساحلی علاقے زیرِ آب آنے کا خدشہ ہے۔ حب ڈیم میں پانی کی سطح بلند ہوسکتی ہے۔
یہ بھی پڑھیں: سیلاب: پنجاب میں چاول کی فصل کس قدر متاثر ہوئی؟
محکمہ موسمیات کے مطابق پنجاب اور سندھ کے پہلے سے سیلاب زدہ علاقوں میں نئی بارشوں کے بعد صورتحال مزید خراب ہو سکتی ہے۔ ڈیرہ غازی خان، اس سے ملحقہ مشرقی و جنوبی بلوچستان اور کیرتھر کے پہاڑی سلسلے، خصوصاً دادو اور گردونواح کے مقامی و برساتی ندی نالوں میں طغیانی کا خطرہ بھی موجود ہے۔
محکمہ موسمیات نے خبردار کیا ہے کہ شدید بارشوں، آندھی اور گرج چمک کے باعث روزمرہ کے معمولات متاثر ہوسکتے ہیں جبکہ کمزور انفرا اسٹرکچر، جیسے کچے مکانات، دیواریں، بجلی کے کھمبے، بل بورڈز، گاڑیاں اور سولر پینل وغیرہ کو نقصان پہنچنے کا اندیشہ ہے۔
یہ بھی پڑھیں: تباہ کن بارشیں اور سیلاب، اقوام متحدہ کا پاکستان میں غذائی بحران اور مہنگائی کا انتباہ
مسافروں اور سیاحوں کو ہدایت کی گئی ہے کہ وہ دورانِ سفر احتیاطی تدابیر اختیار کریں، موسمی حالات کے مطابق اپنا سفر منظم کریں اور بارشوں کے دوران کسی بھی ناخوشگوار صورتحال سے بچنے کے لیے موسم کی صورتحال سے باخبر رہیں۔
اس دوران شمال مشر قی پنجاب، خیبر پختونخوا ، گلگت بلتستان اور کشمیرمیں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارشیں بلوچستان پاکستان پنجاب خیبرپختونخوا سندھ سیلاب کشمیر محکمہ موسمیات.ذریعہ: WE News
کلیدی لفظ: بلوچستان پاکستان خیبرپختونخوا سیلاب محکمہ موسمیات محکمہ موسمیات کے دوران
پڑھیں:
سیلاب بحالی پروگرام کے تحت 6 ارب 39 کروڑ تقسیم، امن و امان کی صورتحال کنٹرول میں، انتشار کی اجازت نہیں دی جائے گی: مریم نواز
لاہور (نوائے وقت رپورٹ) وزیراعلی مریم نواز کی ہدایت پر، وزیراعلی سیلاب بحالی پروگرام کے تحت 6-ارب 39 کروڑ روپے تقسیم کر دئیے گئے۔ پنجاب ڈیزاسٹر مینجمنٹ اتھارٹی کے تحت90 فیصد فلڈ اسسمنٹ سروے مکمل ہوچکا ہے۔ 5لاکھ 69 ہزار سیلاب متاثرین کا ڈیٹا تیارکر لیا ہے۔ شفافیت یقینی بنانے کے لئے 4لاکھ 63ہزار سیلاب متاثرین کے ڈیٹا کی ڈپٹی کمشنرز سے تصدیق بھی کی جا چکی ہے۔ پنجاب بنک کے تحت سیلاب متاثرین کو معاوضے کی ادائیگی کے لئے 98 ہزار سے زائد اے ٹی ایم کارڈز تیار ہیں۔ 27سیلاب متاثرہ اضلاع میں معاوضے کی ادائیگی کے لئے 37 کیمپ سائٹ قائم کر دئیے گئے ہیں۔20اکتوبر سے 13اضلاع کے سیلاب متاثرین میں معاوضے کی تقسیم کا آغازکیا گیا۔ جبکہ پنجاب کے دیگر اضلاع کے دوسرے فیز میں سیلاب متاثرین کو معاوضے کی تقسیم کا آغاز3نومبر سے ہو گا۔ کیمپ سائٹ پر سیلاب متاثرین کو 50ہزار روپے نقد اور اے ٹی ایم کارڈ کی فراہمی بھی شامل ہے۔ ہر سیلاب متاثرہ فرد پنجاب بنک کی اے ٹی ایم اے سے روزانہ 3لاکھ روپے تک نکال سکتا ہے۔ 36 تحصیلوں میں سیلاب متاثرین کے لئے 19 کیمپ سائٹ قائم کر دئیے گئے ہیں۔ ہر کیمپ سائٹ پر 500 سیلاب متاثرین کو 50 ہزار نقد اور اے ٹی ایم کارڈ کا اجرا ہو گا۔ بہاولنگر، دیپالپور،جھنگ، ننکانہ صاحب، مظفرگڑھ چنیوٹ،جھنگ، خیرپور ٹامیوالی سمیت دیگر مقامات پر بھی سیلاب بحالی کیمپ سائٹ قائم کر دئیے گئے۔ جبکہ مریم نواز سے سپیکر پنجاب اسمبلی ملک محمد احمد خان نے ملاقات کی۔ صوبے کی مجموعی سیاسی و انتظامی صورتحال پر تبادلہ خیال کیا گیا۔ قانون سازی کے مراحل اور ایوان کی کارروائی سے متعلق تفصیلی گفتگو کی گئی۔ ملاقات میں صوبے بھر میں امن وامان کی صورتحال خراب کرنے والوں سے سختی سے نمٹنے پر اتفاق کیا گیا۔ ملک احمد خان نے کاروبار میں آسانی کے لئے ای بزنس متعارف کرانے پر وزیراعلی کو خراج تحسین کیا۔ ملک احمد خان نے صوبے میں امن وامان کی بہتری پر پنجاب کی عوام کی طرف سے وزیراعلیٰ سے اظہار تشکرکیا۔ مریم نواز نے کہا صوبے کی تاریخ میں پہلی بار ہر بڑا پراجیکٹ چھوٹے شہروں سے شروع کررہے ہیں۔ پنجاب میں کاروبار کا بہترین پوٹینشل موجود ہے، سرمایہ کاروں کو فائد اٹھانا چاہیے۔ پنجاب حکومت ملکی اور غیرملکی سرمایہ کاروں کی ہر ممکن معاونت کرے گی۔ صوبے میں امن وامان کی صورتحال کنٹرول میں ہے، انتشار کی اجازت نہیں دی جائے گی۔ سپیکر پنجاب اسمبلی نے کہا پہلی بار ترقیاتی منصوبوں کا مرکز صرف لاہور یا بڑے شہر نہیں بلکہ پنجاب کا ہر پسماندہ علاقہ بھی ہے۔ مریم نواز نے کرم میں 7 دہشت گردوں کو ہلا ک کرنے پر بہادر سکیورٹی فورسز کو خراج تحسین پیش کیا۔ وزیراعلیٰ مریم نواز شریف نے خوارجی دہشتگردوں سے لڑتے ہوئے شہید ہونے والے کیپٹن نعمان سمیت6 نوجوانوں کی لازوال قربانی کو خراج تحسین پیش کیا اور اہل خانہ سے تعزیت کا اظہار کیا ہے۔
عدالت نے عمران خان اور بشریٰ بی بی کی گرفتاری 5 مقدمات میں روک دی