کیا آپ جانتے ہیں؟ اسمارٹ فونز میں موجود چھوٹے سوراخ کی اصل وجہ
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
زیادہ تر لوگ اسمارٹ فون کے ڈیزائن پر کم اور اس کے فیچرز یا ایپس پر زیادہ توجہ دیتے ہیں، لیکن ڈیوائس کے چھوٹے چھوٹے حصے بھی اہم کردار ادا کرتے ہیں۔
مثال کے طور پر آپ نے ضرور دیکھا ہوگا کہ فون کی چارجنگ پورٹ یا یو ایس بی سی / لائٹننگ کنکٹر کے پاس ایک ننھا سا سوراخ ہوتا ہے۔ بظاہر یہ عام سا لگتا ہے، مگر حقیقت میں یہ ایک مائیکروفون ہوتا ہے۔
یہ مائیکروفون اس وقت کام کرتا ہے جب آپ کال کرتے ہیں، وائس اسسٹنٹ کو ایکٹیویٹ کرتے ہیں یا وائس ریکارڈنگ کرتے ہیں۔ لیکن صرف یہی ایک مائیکروفون نہیں ہوتا، بلکہ زیادہ تر اسمارٹ فونز میں 2 یا اس سے زائد مائیکروفونز لگے ہوتے ہیں۔
ان اضافی مائیکروفونز کا مقصد مختلف فیچرز کو بہتر بنانا ہوتا ہے۔ مثلاً نوائز کینسلنگ ٹیکنالوجی انہی مائیکروفونز کی مدد سے کام کرتی ہے، تاکہ کال کے دوران پس منظر کی آوازیں دوسری جانب نہ پہنچ سکیں۔ اسی طرح جب آپ ویڈیو بناتے ہیں یا آڈیو ریکارڈ کرتے ہیں تو ایک سے زیادہ مائیکروفونز مل کر زیادہ صاف اور قدرتی آواز ریکارڈ کرتے ہیں۔
اضافی مائیکروفونز کی موجودگی وائس اسسٹنٹ سے گفتگو کو بھی مؤثر بناتی ہے اور ویڈیو کانفرنسنگ یا آن لائن میٹنگز کے دوران ساؤنڈ کو بہتر کر دیتی ہے۔ یوں یہ چھوٹے سے سوراخ صرف ڈیزائن کا حصہ نہیں بلکہ اسمارٹ فون کی کارکردگی کے اہم راز ہیں۔
.ذریعہ: Jasarat News
کلیدی لفظ: کرتے ہیں
پڑھیں:
کراچی میں ہلکی بارش اور پھوار، ابر آلود موسم برقرار، 25 ستمبر تک ہلکی بارش کا امکان
data-id="863a0a8" data-element_type="widget" data-widget_type="theme-post-content.default">
کراچی کے مختلف علاقوں میں صبح سویرے بوندا باندی اور ہلکی پھوار نے موسم خوشگوار بنا دیا۔ شہریوں نے ٹھنڈی ہوا اور بادلوں کے ڈیرے کا بھرپور لطف اٹھایا۔
رپورٹ کے مطابق اولڈ سٹی ایریا، صدر، کلفٹن اور پی ای سی ایچ ایس سمیت کئی علاقوں میں ہلکی بارش ہوئی، جس سے فضا میں خوشگواریت اور تازگی پھیل گئی۔
صدر، ایم اے جناح روڈ اور کیماڑی کے علاقوں میں مطلع جزوی طور پر ابر آلود رہا جبکہ کچھ مقامات پر مکمل بادل چھائے رہے۔
محکمہ موسمیات کے مطابق سمندر کی نچلی سطح پر موجود بادلوں کے سبب شہر میں ہلکی بارش اور بوندا باندی کا سلسلہ جاری رہ سکتا ہے۔ کراچی میں ہوا میں نمی کا تناسب اس وقت 77 فیصد ریکارڈ کیا گیا ہے۔
ماہرین موسمیات نے پیش گوئی کی ہے کہ 25 ستمبر تک کراچی کا موسم زیادہ تر ابر آلود رہے گا، جبکہ ہلکی بارش کا سلسلہ وقفے وقفے سے جاری رہنے کا امکان ہے۔
گزشتہ روز شہر کا زیادہ سے زیادہ درجہ حرارت 32 ڈگری سینٹی گریڈ ریکارڈ کیا گیا۔ ماہرین نے خبردار کیا ہے کہ رواں ماہ کے اختتام پر درجہ حرارت میں بتدریج اضافہ ہوگا اور گرمی کی شدت میں بھی اضافہ متوقع ہے۔
دوسری جانب سندھ کے بیشتر اندرونی اضلاع میں آج اور منگل کو موسم خشک اور گرم رہنے کا امکان ہے، تاہم ساحلی پٹی کے شہروں میں مطلع جزوی طور پر ابر آلود رہے گا۔ ماہرین کا کہنا ہے کہ کراچی میں موسم کی موجودہ صورتِ حال شہریوں کے لیے خوش آئند ہے، کیونکہ ستمبر کے آخری ہفتے میں اکثر اوقات گرمی کا زور بڑھ جاتا ہے۔
بارش اور بوندا باندی کے باعث شہریوں کو ٹھنڈی ہواؤں کا بھی مزہ ملا، تاہم بڑھتی ہوئی نمی کے سبب بعض مقامات پر حبس کی کیفیت بھی دیکھنے میں آئی۔ محکمہ موسمیات نے مشورہ دیا ہے کہ شہری احتیاطی تدابیر اختیار کریں۔
پی ٹی آئی نے ہمیشہ دہشت گردوں کے موقف کی تائید کی، وزیرمملکت قانون